അമ്പലപ്പുഴയിൽ കാറും ലോറിയും കൂട്ടിയിടിച്ച് നാലു മരണം

ആലപ്പുഴ: അമ്പലപ്പുഴ പായൽകുളങ്ങരയിൽ കാറും ലോറിയും കൂട്ടിയിടിച്ച് കുട്ടിയുൾപ്പെടെ നാലു പേർ മരിച്ചു. മരിച്ചവരിൽ ഷൈജു (34), സുധീഷ് ലാൽ, ഇദ്ദേഹത്തിന്‍റെ മകൻ അമ്പാടി എന്നിവരെ തിരിച്ചറിഞ്ഞിട്ടുണ്ട്.

തിരുവനന്തപുരം സ്വദേശികളാണ് ഇവരെന്ന് പൊലീസ് പറഞ്ഞു. ബുധനാഴ്ച പുലർച്ചെയായിരുന്നു അപകടം. അഞ്ചു പേരാണ് കാറിലുണ്ടായിരുന്നത്.

നെടുമ്പാശേരി വിമാനത്താവളത്തിലേക്ക് പോകുകയായിരുന്ന കാറാണ് അപകടത്തിൽപെട്ടത്. അപകടത്തിൽ കാർ പൂർണമായി തകർന്നു.