കെ.എസ്​.ആർ.ടി.സി ബസ്​ ‘അടിച്ചുമാറ്റി’ വീട്ടിൽ പോയ ലോറി ഡ്രൈവർ പിടിയിൽ

പു​ന​ലൂ​ർ: സ്റ്റാ​ൻ​ഡി​ൽ ബ​സ് കാ​ത്ത്​ മ​ടു​ത്തു. ഒ​ടു​വി​ൽ കെ.​എ​സ്.​ആ​ർ.​ടി ബ​സ് ‘അ​ടി​ച്ചു​മാ​റ്റി’ വീ​ട്ടി​ലേ​ക്കു​പോ​യ യു​വാ​വി​നെ പു​ന​ലൂ​ർ പൊ​ലീ​സ് പി​ടി​കൂ​ടി. ലോ​റി ഡ്രൈ​വ​റാ​യ ഉ​റു​കു​ന്ന് ആ​ര്യ​ഭ​വ​നി​ൽ ബി​നീ​ഷ് കു​മാ​റാ​ണ്​ (23) പി​ടി​യി​ലാ​യ​ത്.

വ്യാ​ഴാ​ഴ്ച രാ​ത്രി 11ഓ​ടെ​യാ​ണ് സം​ഭ​വം. യു​വാ​വ് ഉ​റു​കു​ന്നി​ലെ വീ​ട്ടി​ലേ​ക്ക് പോ​കാ​ൻ രാ​ത്രി പു​ന​ലൂ​ർ കെ.​എ​സ്.​ആ​ർ.​ടി.​സി ഡി​പ്പോ​യി​ലെ​ത്തി. ഏ​റെ​നേ​രം കാ​ത്തു​നി​ന്നി​ട്ടും ബ​സ് കി​ട്ടാ​താ​യ​തോ​ടെ ഡി​പ്പോ​ക്ക്​ സ​മീ​പം ദേ​ശീ​യ​പാ​ത​യോ​ര​ത്ത് നി​ർ​ത്തി​യി​ട്ട ഓ​ർ​ഡി​ന​റി ബ​സ് ഓ​ടി​ച്ച് ഉ​റു​കു​ന്നി​ലേ​ക്ക് പോ​വു​ക​യാ​യി​രു​ന്നു. പു​ന​ലൂ​രി​ൽ​നി​ന്ന്​ കോ​ക്കാ​ട് വ​ഴി തി​രു​വ​ന​ന്ത​പു​ര​ത്തേ​ക്കു​ള്ള ആ​ർ.​എ.​എ 121 ന​മ്പ​ർ വേ​ണാ​ട് ബ​സാ​ണ് യു​വാ​വ് ത​ട്ടി​യെ​ടു​ത്ത​ത്. രാ​വി​ല​ത്തെ സ​ർ​വി​സി​നാ​യി ദേ​ശീ​യ​പാ​ത​യോ​ര​ത്ത് ഒ​തു​ക്കി​യി​ട്ടി​രി​ക്കു​ക​യാ​യി​രു​ന്നു ബ​സ്. ഈ ​ഭാ​ഗ​ത്ത് വെ​ളി​ച്ച​ക്കു​റ​വും ആ​ളു​ക​ളി​ല്ലാ​തി​രു​ന്ന​തും കാ​ര​ണം ബ​സ് ക​ട​ത്ത​ൽ ആ​രു​ടെ​യും ശ്ര​ദ്ധ​യി​ൽ​പെ​ട്ടി​ല്ല.

യു​വാ​വ് ടി.​ബി ജ​ങ്ഷ​നി​ലേ​ക്ക് ബ​സ് ഓ​ടി​ച്ചു​വ​രു​മ്പോ​ൾ ഹൈ​വേ പൊ​ലീ​സി​ന്‍റെ ശ്ര​ദ്ധ​യി​ൽ​പെ​ട്ടു. ഹെ​ഡ്​​ലൈ​റ്റ് ഇ​ല്ലാ​തെ വ​ന്ന ബ​സ് സം​ശ​യ​ത്തെ തു​ട​ർ​ന്ന് പൊ​ലീ​സ് കൈ​കാ​ണി​ച്ചെ​ങ്കി​ലും നി​ർ​ത്തി​യി​ല്ല. ബ​സ് വ​ഴി​മാ​റി ഐ​ക്ക​ര​ക്കോ​ണം റോ​ഡി​ലേ​ക്ക് ഓ​ടി​ച്ചു​പോ​യി. കു​റ​ച്ചു മു​ന്നോ​ട്ടു​പോ​യ​ശേ​ഷം ബ​സ് നി​ർ​ത്തി പ്ര​തി ഓ​ടി ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും പി​ന്നാ​ലെ​യെ​ത്തി​യ പൊ​ലീ​സ് പി​ടി​കൂ​ടി. ബ​സ് ക​സ്റ്റ​ഡി​യി​ലെ​ടു​ത്തു. സ്റ്റേ​ഷ​ൻ മാ​സ്റ്റ​റു​ടെ പ​രാ​തിയിൽ യു​വാ​വി​നെ​തി​രെ കേ​സെ​ടു​ത്തു. പ്ര​തി​യെ പു​ന​ലൂ​ർ കോ​ട​തി​യി​ൽ ഹാ​ജ​രാ​ക്കി.