‘ല​വ്​ ജി​ഹാ​ദ്’ പ​രാ​മ​ർ​ശം; പി.സി. ജോർജിനെതിരെ കേസെടുത്തേക്കും

കോ​ട്ട​യം: ‘ല​വ്​ ജി​ഹാ​ദ്’ പ​രാ​മ​ർ​ശ​ത്തി​ൽ ബി.​ജെ.​പി നേ​താ​വ് പി.​സി. ജോ​ർ​ജി​നെ​തി​രെ പൊ​ലീ​സ്​ കേ​സ്​ എ​ടു​ത്തേ​ക്കും. നി​യ​മ​സാ​ധു​ത പ​രി​ശോ​ധി​ച്ച​ശേ​ഷം തു​ട​ർ​ന​ട​പ​ടി സ്വീ​ക​രി​ക്കാ​നാ​ണ്​ നീ​ക്കം. സം​ഭ​വ​വു​മാ​യി ബ​ന്ധ​പ്പെ​ട്ട്​ വി​വി​ധ ജി​ല്ല​ക​ളി​ലാ​യി പൊ​ലീ​സി​ന്​ വെ​വ്വേ​റെ പ​രാ​തി​ക​ൾ ല​ഭി​ച്ചി​ട്ടു​ണ്ട്. അ​തി​നി​ടെ, ജോ​ർ​ജി​നെ​തി​രെ കേ​സെ​ടു​ക്ക​ണ​മെ​ന്ന ആ​വ​ശ്യ​വു​മാ​യി വി​വി​ധ സം​ഘ​ട​ന​ക​ളും രം​ഗ​ത്തെ​ത്തി. കേ​സെ​ടു​ത്താ​ൽ മ​ത​വി​ദ്വേ​ഷ പ​രാ​മ​ർ​ശ​ക്കേ​സി​ൽ ജോ​ർ​ജി​ന്​ ല​ഭി​ച്ച ജാ​മ്യം റ​ദ്ദാ​ക്കാ​ൻ പൊ​ലീ​സ്​ കോ​ട​തി​യി​ൽ റി​പ്പോ​ർ​ട്ട്​ സ​മ​ർ​പ്പി​ക്കാ​നു​ള്ള സാ​ധ്യ​ത​യു​മു​ണ്ട്.

ക​ഴി​ഞ്ഞ​ദി​വ​സം പാ​ലാ​യി​ൽ ന​ട​ന്ന ല​ഹ​രി​വി​രു​ദ്ധ സ​മ്മേ​ള​ന​ത്തി​ൽ ന​ട​ത്തി​യ പ​രാ​മ​ർ​ശ​ങ്ങ​ളാ​ണ്​ ഇ​പ്പോ​ഴു​ള്ള പ​രാ​തി​ക​ൾ​ക്ക്​ ആ​ധാ​രം. ഈ ​വി​ഷ​യ​ത്തി​ൽ യൂ​ത്ത്​ കോ​ൺ​ഗ്ര​സ്​ തൊ​ടു​പു​ഴ​യി​ലും യൂ​ത്ത്​​ലീ​ഗ്​ പാ​ലാ​യി​ലും എ​സ്.​ഡി.​പി.​ഐ ഡി.​ജി.​പി​ക്കു​മാ​ണ്​ പ​രാ​തി ന​ൽ​കി​യ​ത്.

നേ​ര​ത്തേ പി.​സി. ജോ​ർ​ജ് റി​മാ​ൻ​ഡി​ലാ​യ ചാ​ന​ൽ ച​ർ​ച്ച​യി​ലെ വി​ദ്വേ​ഷ പ​രാ​മ​ർ​ശ​ത്തി​നെ​തി​രാ​യ പ​രാ​തി​ക്കാ​രും മു​സ്​​ലിം യൂ​ത്ത് ലീ​ഗ് ആ​യി​രു​ന്നു. ഈ ​കേ​സി​ലെ ജാ​മ്യ​വ്യ​വ​സ്ഥ​ക​ൾ ലം​ഘി​ച്ചെ​ന്ന്​ ചൂ​ണ്ടി​ക്കാ​ട്ടി​യാ​ണ്​ യൂ​ത്ത് ലീ​ഗ് പ​രാ​തി ന​ൽ​കി​യ​ത്.

മ​ത​വി​ദ്വേ​ഷ പ​രാ​മ​ർ​ശ​ക്കേ​സി​ൽ ജാ​മ്യ​ത്തി​ല്‍ ക​ഴി​യു​ന്ന പി.​സി. ജോ​ർ​ജി​ന്​ കോ​ട​തി​യു​ടെ ക​ര്‍ശ​ന നി​ബ​ന്ധ​ന​ക​ൾ നി​ല​നി​ല്‍ക്കെ​യാ​ണ് വീ​ണ്ടും വി​വാ​ദ​പ്ര​സം​ഗം ന​ട​ത്തി​യ​ത്. ആ ​കേ​സി​ൽ മു​ൻ​കൂ​ർ ജാ​മ്യാ​പേ​ക്ഷ ത​ള്ളി​യ ഹൈ​കോ​ട​തി ഉ​ൾ​പ്പെ​ടെ ചി​ല പ​രാ​മ​ർ​ശ​ങ്ങ​ൾ ന​ട​ത്തി​യി​രു​ന്നു.

പി.സി. ജോർജിനെ കയറൂരിവിട്ടത് മുഖ്യമന്ത്രി -എസ്‌.ഡി.പി.ഐ

കോ​ട്ട​യം: വം​ശീ​യ വി​ദ്വേ​ഷ പ്ര​സ്‌​താ​വ​ന​ക​ൾ നി​ര​ന്ത​രം ആ​വ​ർ​ത്തി​ച്ച് സാ​മൂ​ഹി​ക സം​ഘ​ർ​ഷ​ങ്ങ​ൾ​ക്ക് ശ്ര​മി​ക്കു​ന്ന പി.​സി. ജോ​ർ​ജി​ന്‍റെ ജാ​മ്യം റ​ദ്ദാ​ക്കി അ​റ​സ്റ്റ്​ ചെ​യ്യ​ണ​മെ​ന്ന് എ​സ്‌.​ഡി.​പി.​ഐ ജി​ല്ല പ്ര​സി​ഡ​ന്‍റ്​ സി.​ഐ. മു​ഹ​മ്മ​ദ് സി​യാ​ദ് വാ​ർ​ത്ത​സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു. വ​ർ​ഗീ​യ ക​ലാ​പ​ത്തി​ന് ശ്ര​മി​ക്കു​ന്ന ജോ​ർ​ജി​നെ ക​യ​റൂ​രി​വി​ട്ട​ത് ഇ​ട​തു​സ​ർ​ക്കാ​റും മു​ഖ്യ​മ​ന്ത്രി പി​ണ​റാ​യി വി​ജ​യ​നു​മാ​ണ്. ന​ട്ടാ​ൽ കു​രു​ക്കാ​ത്ത നു​ണ​ക​ൾ പ്ര​ച​രി​പ്പി​ക്കു​ന്ന​തി​ൽ ബി​രു​ദ​ധാ​രി​യാ​ണ് ജോ​ർ​ജ്.

കോ​ട​തി​ക​ളും അ​ന്വേ​ഷ​ണ ഏ​ജ​ൻ​സി​ക​ളും തെ​ളി​വി​ല്ലെ​ന്ന് ക​ണ്ട് എ​ഴു​തി​ത്ത​ള്ളി​യ ല​വ്​ ജി​ഹാ​ദ് ഉ​യ​ർ​ത്തി​യാ​ണ് കേ​ര​ളം ക​ത്തി​ക്കാ​ൻ ഇ​പ്പോ​ൾ ജോ​ർ​ജ് ശ്ര​മി​ക്കു​ന്ന​ത്. ആ​ഭ്യ​ന്ത​ര വ​കു​പ്പി​നെ​യും പൊ​ലീ​സി​നെ​യും നീ​തി​ന്യാ​യ സം​വി​ധാ​ന​ത്തെ​യും പി.​സി. ജോ​ർ​ജ് അ​വ​ഹേ​ളി​ക്കു​ക​യാണെന്നും അദ്ദേഹം പറഞ്ഞു.