കേരളത്തില്‍ ലൗ ജിഹാദുണ്ടെന്നത് ആരോപണം മാത്രം -ന്യൂനപക്ഷ മോർച്ച

മലപ്പുറം: കേരളത്തില്‍ ലൗ ജിഹാദുണ്ടെന്നത് ഉത്തർപ്രദേശ്​ മുഖ്യമന്ത്രി യോഗി ആദിത്യനാഥി​​​​െൻറ ആരോപണം മാത്രമാണെന്ന് ന്യൂനപക്ഷമോര്‍ച്ച. രക്ഷിതാക്കളുടെ അനുമതിയില്ലാത്ത വിവാഹങ്ങളെയാണ് ലൗ ജിഹാദെന്ന് വിളിക്കുന്നതെന്നും മോര്‍ച്ച അഖിലേന്ത്യ നേതാവ് അബ്​ദുല്‍ റഷീദ് അന്‍സാരി പറഞ്ഞു.

വ്യത്യസ്ത മതത്തിലുള്ളവര്‍ തമ്മില്‍ വിവാഹിതരാകുമ്പോള്‍ ചില സംശയങ്ങളുണ്ടാകുന്നത് സ്വാഭാവികമാണ്. ലൗ ജിഹാദിലൂടെ മതപരിവര്‍ത്തനമെന്ന ആരോപണം ചില സംശയങ്ങളുടെ ഭാഗമായി ഉണ്ടാകുന്നതാണെന്നും അദ്ദേഹം പറഞ്ഞു. വേങ്ങര ഉപതെരഞ്ഞെടുപ്പ്​ പ്രചാരണത്തിനെത്തിയതായിരുന്നു അദ്ദേഹം​.