വര്ഗീയ വിഭജനം ഉണ്ടാക്കാനുള്ള ആര്.എസ്.എസിന്റെ കുല്സിതനീക്കമാണ് പേരുമാറ്റമെന്ന് എം.എ ബേബി
text_fieldsതിരുവനന്തപുരം: രാജീവ് ഗാന്ധി സെന്റര് ഫോര് ബയോടെക്നോളജിയുടെ പുതിയ കാമ്പസിന് ആര്.എസ്.എസ് മേധാവിയായിരുന്ന എം.എസ് ഗോള്വാക്കറിന്റെ പേര് നല്കാനുള്ള കേന്ദ്രസര്ക്കാർ തീരുമാനത്തിനെതിരെ സി.പി.ഐ.എം പോളിറ്റ് ബ്യൂറോ അംഗം എം.എ ബേബി.
കേരള സമൂഹത്തില് ഇതിന്റെ പേരില് ഒരു വര്ഗീയ വിഭജനം ഉണ്ടാക്കി നേട്ടം കൊയ്യാനുള്ള ആര്.എസ്.എസിന്റെ കുല്സിതനീക്കമാണ് ഇതിനു പിന്നിലെന്നും കേരളത്തിലെ ജനാധിപത്യ സമൂഹം ഒന്നടങ്കം ഈ നീക്കത്തെ എതിര്ക്കണമെന്നും അദ്ദേഹം പറഞ്ഞു.
ഗോള്വാക്കറിന്റെ പേര് നല്കാനുള്ള മോദി സര്ക്കാരിന്റെ തീരുമാനം അങ്ങേയറ്റം ഹീനവും പ്രതിഷേധകരവുമാണെന്നും അദ്ദേഹം ഫേസ്ബുക്കിലൂടെ പറഞ്ഞു. ഗോൾവാൾക്കർ കുപ്രസിദ്ധനായ വർഗീയവാദിയാണെന്നും അദ്ദേഹം പറഞ്ഞു.
ഗോൾവാൾക്കർ ആർ.എസ്.എസ് മേധാവി ആയിരുന്ന കാലത്താണ് ഇന്ത്യ കണ്ട ഏറ്റവും വലിയ വർഗീയലഹളകൾ ആർ.എസ്.എസ് നടത്തിയത്. ഇന്ത്യാ വിഭജന കാലത്ത് നടത്തിയ രക്തപങ്കിലമായ വർഗീയ കലാപങ്ങളെല്ലാം ഈ മേധാവിയുടെ കീഴിലായിരുന്നു.
ഗാന്ധിജിയെ വെടിവച്ചു കൊന്ന നാഥുറാം വിനായക് ഗോഡ്സെയുടെ ഉറ്റ ചങ്ങാതി ആയിരുന്നു ഗോൾവർക്കറെന്നും എം.എ ബേബി കുറിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.