മാധ്യമം എജുകഫെ മലപ്പുറത്ത് തുടങ്ങി

മലപ്പുറം: ഗ​ൾ​ഫി​ലെ ഏ​റ്റ​വും വ​ലി​യ ഇ​ന്ത്യ​ൻ വി​ദ്യാ​ഭ്യാ​സ മേ​ള​യാ​യ മാ​ധ്യ​മം 'എ​ജു​ക​ഫെ' 2022 ഇ​ന്ത്യ​ൻ സീ​സ​ണി​ന്‍റെ ര​ണ്ടാം പ​തി​പ്പി​ന് മലപ്പുറത്ത് തുടക്കം. ഇന്നും നാളെയുമായി മ​ല​പ്പു​റം റോ​സ് ലോ​ഞ്ച് ഓ​ഡി​റ്റോ​റി​യ​ത്തി​ലാ​ണ്​ മേ​ള. ജി.​സി.​സി രാ​ജ്യ​ങ്ങ​ളി​ലെ മി​ക​ച്ച വി​ദ്യാ​ഭ്യാ​സ-​ക​രി​യ​ർ മേ​ള​യെ​ന്ന ഖ്യാ​തി നേ​ടി​യ എ​ജു​ക​ഫെ വേ​റി​ട്ട പ​രി​പാ​ടി​ക​ളു​മാ​യാ​ണ്​ വീ​ണ്ടും മ​ല​പ്പു​റ​ത്തേ​ക്ക്​ വ​രു​ന്ന​ത്.

ക​ഴി​ഞ്ഞ​യാ​ഴ്ച ര​ണ്ട്​ ദി​വ​സ​ങ്ങ​ളി​ലാ​യി കോ​ഴി​ക്കോ​ട്ടും 2019ൽ ​മ​ല​പ്പു​റ​ത്തും ന​ട​ന്ന എ​ജു​ക​ഫെ വി​ദ്യാ​ർ​ഥി​ക​ളു​​ടെ പ​ങ്കാ​ളി​​ത്ത​ത്താ​ൽ ഏ​റെ ശ്ര​ദ്ധ നേ​ടി​യി​രു​ന്നു. ഉ​പ​രി​പ​ഠ​ന​മെ​ന്ന ല​ക്ഷ്യ​ത്തി​ലേ​ക്ക് ന​ട​ന്ന​ടു​ക്കു​ന്ന​വ​ർ​ക്ക് വ​ഴി​കാ​ട്ടി​യാ​വു​ന്ന 'എ​ജു​ക​ഫെ' പു​തു​മ​ക​ളോ​ടെ​യാ​ണ്​ വി​ദ്യാ​ർ​ഥി​ക​ൾ​ക്ക​രി​കി​ലെ​ത്തു​ന്ന​ത്. വി​ദ്യാ​ർ​ഥി​ക​ൾ​ക്കും ര​ക്ഷി​താ​ക്ക​ൾ​ക്കും അ​ധ്യാ​പ​ക​ർ​ക്കും വ​ഴി​കാ​ട്ടി​യാ​വു​ന്ന സെ​ഷ​നു​ക​ളും ക​രി​യ​ർ ശി​ൽ​പ​ശാ​ല​ക​ളു​മ​ട​ക്കം നി​ര​വ​ധി പ​രി​പാ​ടി​ക​ൾ എ​ജു​ക​ഫെ​യു​ടെ ഭാ​ഗ​മാ​യി ന​ട​ക്കും.

എ​ജു​ക​ഫെയുടെ ഔദ്യോഗിക ഉദ്ഘാടനം വൈ​കീ​ട്ട്​ നാ​ലി​ന്​ മ​ന്ത്രി വി. ​അ​ബ്ദു​റ​ഹ്​​മാ​ൻ നിർവഹിക്കും. ച​ട​ങ്ങി​ൽ എം.​പി. അ​ബ്​​ദു​സ​മ​ദ്​ സ​മ​ദാ​നി എം.​പി, പെ​രി​ന്ത​ൽ​മ​ണ്ണ സ​ബ്​ ക​ല​ക്ട​ർ ശ്രീ​ധ​ന്യ സു​രേ​ഷ്, മ​ല​പ്പു​റം ന​ഗ​ര​സ​ഭ ചെ​യ​ർ​മാ​ൻ മു​ജീ​ബ്​ കാ​ടേ​രി, ഗ​ൾ​ഫ്​ മാ​ധ്യ​മം ചീ​ഫ്​ എ​ഡി​റ്റ​ർ വി.​കെ. ഹം​സ അ​ബ്ബാ​സ്, മാ​ധ്യ​മം എ​ഡി​റ്റ​ർ വി.​എം. ഇ​ബ്രാ​ഹീം, സൈ​ലം ലേ​ണി​ങ്​ ഡ​യ​റ​ക്ട​ർ ലി​ജേ​ഷ്​ കു​മാ​ർ, സ്​​റ്റെ​യ്​​പ്പ്​ സി.​ഇ.​ഒ ​സോ​ബി​ർ ന​ജ്​​മു​ദ്ദീ​ൻ, മാ​റ്റ്​​​​ ഗ്ലോ​ബ​ർ സ്റ്റ​ഡി അ​​ബ്രോ​ഡ്​ സി.​ഇ.​ഒ മു​ഹ​മ്മ​ദ്​ നി​യാ​സ്​ എ​ന്നി​വ​ർ സം​ബ​ന്ധി​ക്കും.