പ​ള്ളി​യും ക്ഷേ​ത്ര​വും സ്നേ​ഹ​ഗാ​ഥ ര​ചി​ച്ച മ​ങ്ക​ട​പ്പെ​രു​മ

മ​ങ്ക​ട: പ​ള്ളി ന​വീ​ക​ര​ണ​ത്തി​ന് സ്ഥ​ലം സൗ​ജ​ന്യ​മാ​യി ന​ൽ​കി​യ മൂ​ത്തേ​ട​ത്ത് മ​ന​യി​ലെ വാ​സു​ദേ​വ​ൻ ന​മ്പൂ​തി​രി​യു​ടെ​യും ക്ഷേ​ത്ര​പു​ന​രു​ദ്ധാ​ര​ണ​ത്തി​ന് ഭൂ​മി​വി​ട്ടു ന​ൽ​കി​യ ത​യ്യി​ൽ മ​റി​യു​മ്മ ഹ​ജ്ജു​മ്മ​യു​ടെ​യും സ്നേ​ഹ​ഗാ​ഥ​ക​ൾ ര​ചി​ച്ച മ​ണ്ണാ​ണ് മ​ങ്ക​ട. വ​ള്ളു​വ​നാ​ട് രാ​ജ​വം​ശ​ത്തി​ൽ പ​ഴ​യ ആ​സ്ഥാ​ന​മാ​യി​രു​ന്ന മ​ങ്ക​ട​യു​ടെ മ​ണ്ണി​ന് ഒ​ട്ടേ​റെ മാ​ന​വി​ക മു​ഹൂ​ർ​ത്ത​ങ്ങ​ൾ​ക്ക്‌ സാ​ക്ഷ്യം വ​ഹി​ച്ച ച​രി​ത്ര​മു​ണ്ട്.

കേ​വ​ലം ന​മ​സ്കാ​ര​പ്പ​ള്ളി മാ​ത്ര​മാ​യി​രു​ന്ന ക​ർ​ക്കി​ട​ക​ത്തെ ബി​ലാ​ൽ മ​സ്ജി​ദ് ജു​മാ​മ​സ്ജി​ദാ​യി വി​ക​സി​പ്പി​ക്കു​ന്ന പ്ര​വൃ​ത്തി ന​ട​ക്കു​ന്ന സ​മ​യ​ത്താ​ണ് പി​റ​കു​വ​ശ​ത്തേ​ക്ക് ആ​വ​ശ്യ​മാ​യ സ്ഥ​ലം സൗ​ജ​ന്യ​മാ​യി ന​ൽ​കി വാ​സു​ദേ​വ​ൻ ന​മ്പൂ​തി​രി സൗ​ഹാ​ർ​ദ​ത്തി​ന്റെ മാ​തൃ​ക കാ​ണി​ച്ച​ത്. സ്ഥ​ല​ത്തി​ന് വി​ല ന​ൽ​കാ​ൻ പ​ള്ളി​ക്ക​മ്മ​ിറ്റി ത​യാ​റാ​യെ​ങ്കി​ലും സ്വീ​ക​രി​ക്കാ​ൻ വാ​സു​ദേ​വ​ൻ ന​മ്പൂ​തി​രി ത​യാ​റാ​യി​ല്ല.

കാ​ല​ക്ര​മേ​ണ അ​ന്യാ​ധീ​ന​പ്പെ​ട്ട് കാ​ടു​മൂ​ടി​ക്കി​ട​ന്നി​രു​ന്ന മ​ങ്ക​ട മാ​ണി​ക്യേ​ട​ത്ത് മ​ഹാ​ദേ​വ ക്ഷേ​ത്ര അ​വ​ശി​ഷ്ട​ങ്ങ​ൾ ഉ​ള്ള ഭൂ​മി, ത​യ്യി​ൽ അ​ബ്ദു​റ​ഹ്മാ​ൻ ഹാ​ജി​യു​ടെ ഭാ​ര്യ മ​റി​യു​മ്മ ഹ​ജ്ജു​മ്മ​യു​ടെ അ​വ​കാ​ശ​ത്തി​ലാ​യി​രു​ന്നു ഉ​ണ്ടാ​യി​രു​ന്ന​ത്.ഈ ​ഭൂ​മി ക്ഷേ​ത്ര പു​ന​രു​ദ്ധാ​ര​ണ​ത്തി​നാ​യി ഇ​വ​ർ സൗ​ജ​ന്യ​മാ​യി വി​ട്ടു​ന​ൽ​കി. അ​തും മാ​ന​വി​ക​തയു​ടെ ച​രി​ത്ര​ത്തി​ൽ പു​തി​യൊ​രു അ​ധ്യാ​യ​മാ​യി.

700 വ​ർ​ഷ​ത്തെ പ​ഴ​ക്ക​മു​ള്ള ക്ഷേ​ത്രാ​വ​ശി​ഷ്ട​ങ്ങ​ളാ​ണ് കാ​ടു​മൂ​ടി​ക്കി​ട​ന്നി​രു​ന്ന​ത്. മ​ങ്ക​ട​യി​ൽ 1921ലെ ​മ​ല​ബാ​ർ സ​മ​ര​ക്കാ​ല​ത്തും ഇ​രു സ​മു​ദാ​യ​ങ്ങ​ൾ​ക്കി​ട​യി​ൽ നി​ല​നി​ന്നി​രു​ന്ന സ്നേ​ഹ​ബ​ന്ധം ഒ​ന്നു​കൂ​ടി ഊ​ട്ടി ഉ​റ​പ്പി​ക്കാ​ൻ ഈ ​സ​ൽ​പ്ര​വൃ​ത്തി​ക​ൾ കൊ​ണ്ട് സാ​ധി​ച്ചു. മ​ങ്ക​ട​യു​ടെ ഈ ​സ്നേ​ഹ​പ്പെ​രു​മ മു​ൻ എം.​പി ഇ. ​അ​ഹ​മ്മ​ദ് പാ​ർ​ല​മെ​ന്റി​ലും അ​വ​ത​രി​പ്പി​ക്കു​ക​യു​ണ്ടാ​യി.