മാധ്യമം ജേണലിസ്​റ്റ്​ യൂണിയൻ സിൽവർ ജൂബിലി മുഖ്യമന്ത്രി ഉദ്​ഘാടനം ചെയ്​തു- വിഡിയോ

കോഴിക്കോട്​: മാധ്യമം ജേണലിസ്​റ്റ്​ യൂണിയൻ സിൽവർ ജൂബിലി ആഘോഷം മുഖ്യമന്ത്രി പിണറായി വിജയൻ ഉദ്ഘാടനം ചെയ്​തു. മാധ്യമരംഗത്ത്​ കടുത്ത തൊഴിൽചൂഷണമുണ്ടെന്നും മാധ്യമ​പ്രവർത്തകർ സത്യസന്ധത മുഖമുദ്രയാക്കണമെന്നും കോഴിക്കോട് ടാഗോര്‍ സെന്‍റിനറി ഹാളില്‍ സംഘടിപ്പിച്ച ചടങ്ങിൽ പിണറായി വിജയൻ പറഞ്ഞു.

പരിപാടിയിൽ പ്രതിപക്ഷ നേതാവ് രമേശ് ചെന്നിത്തല മുഖ്യപ്രഭാഷണം നടത്തി. എക്​സ്​ക്ലൂസീവ്​ വാർത്തകൾക്കു വേണ്ടി മാധ്യമങ്ങൾ മത്സരിക്കുന്ന കാലമാണിതെന്നും അച്ചടിമാധ്യമങ്ങൾ തെറ്റുകൾ തിരുത്തി നൽകു​േമ്പാൾ വിളിച്ചു പറഞ്ഞാൽ പോലും ദൃശ്യമാധ്യമങ്ങൾ അതിന്​ തയ്യാറാകുന്നില്ലെന്നും ചെന്നിത്തല കൂട്ടിച്ചേർത്തു.

മാധ്യമം ​ജേണലിസ്​റ്റ്​ യൂണിയ​െൻറ ക്ഷേമ പദ്ധതിയുടെ ഉദ്​ഘാടനം പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി നിര്‍വഹിച്ചു. പ്രവാസികളുടെ പ്രശ്​നങ്ങളടങ്ങിയ നിവേദനം ശിഫ അല്‍ജസീറ മെഡിക്കല്‍ ഗ്രൂപ് ചെയര്‍മാന്‍ ഡോ. കെ.ടി. റബീഉല്ല മുഖ്യമന്ത്രിക്ക്​ സമർപിച്ചു. മാധ്യമത്തിന്‍െറ വിജയശില്‍പികളായ ഐഡിയല്‍ പബ്ളിക്കേഷന്‍സ് ട്രസ്റ്റ് മുന്‍ ചെയര്‍മാന്‍ പ്രഫ. കെ.എ. സിദ്ദീഖ് ഹസന്‍, ഗള്‍ഫ് മാധ്യമം ചീഫ് എഡിറ്റര്‍ വി.കെ. ഹംസ അബ്ബാസ്, മാധ്യമം-–മീഡിയവണ്‍ ഗ്രൂപ് എഡിറ്റര്‍ ഒ. അബ്ദുറഹ്മാന്‍ എന്നിവരെ ചടങ്ങില്‍ ആദരിച്ചു. ഇവർക്കുള്ള ഉപഹാരം മുഖ്യമന്ത്രി വിതരണം ചെയ്​തു. ചടങ്ങിൽ സംഘാടകസമിതി ചെയര്‍മാന്‍ കെ. ബാബുരാജ് സ്വാഗതം പറയുകയും  എം.ജെ.യു പ്രസിഡന്‍റ് കെ.പി. റെജി അധ്യക്ഷത വഹിക്കുകയും കേരള പത്രപ്രവര്‍ത്തക യൂനിയന്‍ പ്രസിഡന്‍റ് പി.എ. അബ്ദുല്‍ ഗഫൂർ സംബന്ധിക്കുകയും ചെയ്​തു. വൈകിട്ട്​ മാധ്യമത്തിലെ പത്രപ്രവര്‍ത്തകരുടെ കുടുംബസംഗമവും കലാപരിപാടികളും നടന്നു.