അഞ്ഞൂറ് കോടിരൂപയുടെ കൊള്ളപ്പലിശ ഇടപാട്: സംഘത്തലവൻ അറസ്റ്റിൽ

കൊച്ചി: നഗരം കേന്ദ്രീകരിച്ച് അഞ്ഞൂറ് കോടിരൂപയുടെ കൊള്ളപ്പലിശ ഇടപാട് നടത്തിയ സംഘത്തലവനെ കേരളത്തിലെത്തിച്ചു. ചെന്നൈ സ്വദേശി മഹാരാജ് ആണ് കൊച്ചി പോലീസിന്‍റെ പിടിയിലായത്. വിമാനമാര്‍ഗ്ഗം കരിപ്പൂരിലെത്തിയ പൊലീസ് സംഘം കൊച്ചിയിലേക്ക് തിരിച്ചു.

ഇയാളെ കമീഷണര്‍ ഓഫീസിലെത്തിച്ച് ചോദ്യം ചെയ്യും. ശനിയാഴ്​ച ഉച്ചയോടെയാണ് വിരുതം പാക്കത്തുനിന്ന് പള്ളുരുത്തി സി.ഐ. കെ.ജി. അനീഷിന്‍റെ നേതൃത്വത്തിലുള്ള പൊലീസ് സംഘം പ്രതിയെ പിടികൂടിയത്. ഇയാളെ രക്ഷിക്കാനെത്തിയ ഗുണ്ടാസംഘത്തെ പൊലീസ് ആകാശത്തേക്ക് വെടിവെച്ച് തുരത്തുകയായിരുന്നു.