മലപ്പുറത്ത്​ സി.പി.എം ബ്രാഞ്ച്​ കമ്മിറ്റി ഒാഫീസിൽ തീയിട്ടു

മലപ്പുറം: തവനൂരിൽ സി.പി.എം ബ്രാഞ്ച്​ കമ്മിറ്റി ഓഫീസിന് തീയിട്ടു. വ്യാഴാഴ്ച പുലർച്ചെയാണ് അജ്ഞാത സംഘം ഓഫീസിന് തീയിട്ടത്. ഓഫീസിലെ ഫർണിച്ചറുകളും ഫയലുകളും ജനലുകളും കത്തിനശിച്ചു.

ശബരിമലയിൽ യുവതികൾ കയറിയതിൽ പ്രതിഷേധിച്ച് സംസ്ഥാന വ്യാപകമായി പ്രതിഷേധം അരങ്ങേറുന്നതിനിടെയാണ് സംഭവം. ഹർത്താൽ അനുകൂലികളാണ് ഓഫീസിന് തീയിട്ടതെന്ന് സി.പി.എം ആരോപിച്ചു. പൊലീസ് സ്ഥലത്തെത്തി അന്വേഷണം ആരംഭിച്ചു.