മലപ്പുറത്ത് നാലു പേർക്ക് മലമ്പനി സ്ഥിരീകരിച്ചു; രോഗം സ്ഥിരീകരിച്ചവരിൽ ഒരാൾ ഇതര സംസ്ഥാന തൊഴിലാളി

പൊന്നാനി: മലപ്പുറത്ത് നാലു പേർക്ക് മലമ്പനി സ്ഥിരീകരിച്ചു. പൊന്നാനിയിലും നിലമ്പൂരിലുമാണ് രോഗബാധ സ്ഥിരീകരിച്ചത്. പൊന്നാനിയിൽ സ്ത്രീകൾ ഉൾപ്പെടെ മൂന്നു പേർക്കും നിലമ്പൂരിൽ ഇതര സംസ്ഥാന തൊഴിലാളിക്കുമാണ് രോഗം.

ഒഡീഷയിൽ നിന്നുള്ള തൊഴിലാളിയാണ് ഇയാൾ. നിലമ്പൂർ ജില്ല ആശുപത്രിയിൽ നിന്ന് ചികിത്സ തേടിയ തൊഴിലാളി താമസ സ്ഥലത്തേക്ക് മടങ്ങി. നിലമ്പൂരിൽ സ്ത്രീകൾ ആശുപത്രിയിൽ ചികിത്സയിലാണ്.

അതേസമയം, മ​ല​മ്പ​നി സ്ഥി​രീ​ക​രി​ച്ചതോടെ പൊ​ന്നാ​നി ന​ഗ​ര​സ​ഭ​യു​ടെ​യും ആ​രോ​ഗ്യ​ വ​കു​പ്പി​ന്റെ​യും നേ​തൃ​ത്വ​ത്തി​ൽ പ്ര​തി​രോ​ധ ​പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കിയിട്ടുണ്ട്. അ​ഞ്ചാം വാ​ർ​ഡി​ലാ​ണ് ആ​ദ്യ​മാ​യി രോ​ഗം ക​ണ്ടെ​ത്തി​യ​ത്. തു​ട​ർ​ന്ന് പൊ​ന്നാ​നി, ഈ​ഴു​വ​ത്തി​രു​ത്തി, ത​വ​നൂ​ർ ബ്ലോ​ക്കു​ക​ളി​ലെ ആ​രോ​ഗ്യ​പ്ര​വ​ർ​ത്ത​ക​ർ, വെ​ക്ട​ർ ക​ൺ​ട്രോ​ൾ യൂ​നി​റ്റ്, ആ​ശ പ്ര​വ​ർ​ത്ത​ക​ർ തു​ട​ങ്ങി​യ​വ​ർ പ്ര​ദേ​ശ​ത്ത് സ​ർ​വേ ന​ട​ത്തി.

നാ​ലു പേ​ര​ട​ങ്ങു​ന്ന പ​ത്ത് സം​ഘ​ങ്ങ​ൾ വീ​ടു​ക​ൾ സ​ന്ദ​ർ​ശി​ച്ചു. 1200 ര​ക്ത​സാ​മ്പ്ൾ ശേ​ഖ​രി​ച്ചാ​ണ് ര​ണ്ടു മ​ല​മ്പ​നി രോ​ഗം സ്ഥി​രീ​ക​രി​ച്ച​ത്. 21, 54, 17 എ​ന്നി​ങ്ങ​നെ പ്രാ​യ​മു​ള്ള മൂ​ന്നു സ്ത്രീ​ക​ളി​ലാ​ണ് രോ​ഗം ക​ണ്ടെ​ത്തി​യ​ത്. നി​ല​വി​ൽ മൂ​ന്നു കേ​സു​ക​ളാ​ണ് വാ​ർ​ഡ് അ​ഞ്ചി​ലു​ള്ള​ത്. ന​ഗ​ര​സ​ഭ​യി​ലെ 4, 5, 6, 7 വാ​ർ​ഡു​ക​ൾ കേ​ന്ദ്രീ​ക​രി​ച്ചാ​ണ് പ്ര​തി​രോ​ധ ​പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്. പ്ര​ദേ​ശ​ത്ത് കൊ​തു​കു​ക​ളു​ടെ ഉ​റ​വി​ട​ന​ശീ​ക​ര​ണ പ്ര​വ​ർ​ത്ത​ന​ങ്ങ​ൾ, കൊ​തു​കു​ ന​ശീ​ക​ര​ണ പ്ര​വ​ർ​ത്ത​ന​ങ്ങ​ൾ എ​ന്നി​വ ഉ​ട​ൻ ന​ട​ക്കും.

രാ​ത്രി​യി​ൽ കൊ​തു​കു​വ​ല ഉ​പ​യോ​ഗി​ക്കാ​നും കൊ​തു​ക് ന​ശീ​ക​ര​ണ സാ​മ​ഗ്രി​ക​ൾ ഉ​പ​യോ​ഗി​ക്കാ​നും ശ്ര​ദ്ധി​ക്ക​ണ​മെ​ന്ന് ആ​രോ​ഗ്യ​വ​കു​പ്പ് അ​റി​യി​ച്ചു. ഒ​രു മാ​സ​ത്തി​നു​ള്ളി​ൽ പ​നി ബാ​ധി​ച്ച​വ​ർ സ​ർ​ക്കാ​ർ ആ​ശു​പ​ത്രി​യി​ൽ ര​ക്ത​പ​രി​ശോ​ധ​ന ന​ട​ത്ത​ണം. ആ​രോ​ഗ്യ​വ​കു​പ്പ് ന​ട​ത്തു​ന്ന ഗൃ​ഹ​സ​ന്ദ​ർ​ശ​ന ര​ക്ത​പ​രി​ശോ​ധ​ന​യി​ൽ പ​ങ്കാ​ളി​യാ​വ​ണ​മെ​ന്നും ഡി.​എം.​ഒ അ​റി​യി​ച്ചു. ഉ​റ​വി​ട​ന​ശീ​ക​ര​ണം, ഫോ​ഗി​ങ്, സ്പ്രേ​യി​ങ് എ​ന്നി​വ ന​ട​ക്കും. 100 ആ​രോ​ഗ്യ ​പ്ര​വ​ർ​ത്ത​ക​രെ പ്ര​വ​ർ​ത്ത​ന​ങ്ങ​ൾ​ക്കാ​യി നി​യോ​ഗി​ച്ചു. മൂ​ന്നാ​ഴ്ച ല​ക്ഷ്യ​മി​ട്ട് പ്ര​വ​ർ​ത്ത​ന​ങ്ങ​ൾ​ക്കാ​യി രൂ​പ​രേ​ഖ ത​യാ​റാ​ക്കിയത്.

കൊതുക് പരത്തുന്ന രോഗമാണ് മലമ്പനി

ഏ​ക​കോ​ശ ജീ​വി​യാ​യ പാ​ര​സൈ​റ്റ് അ​ഥ​വ പ​രാ​ദ​ങ്ങ​ള്‍ പ​ര​ത്തു​ന്ന രോ​ഗ​മാ​ണ് മ​ലേ​റി​യ എ​ന്നു വി​ളി​ക്കു​ന്ന മ​ല​മ്പ​നി. അ​നോ​ഫി​ലി​സ് ഇ​ന​ത്തി​ൽ​പെ​ട്ട പെ​ണ്‍കൊ​തു​കി​ലൂ​ടെ​യാ​ണ് പ്ലാ​സ്മോ​ഡി​യം എ​ന്ന ഏ​ക​കോ​ശ​ജീ​വി മ​നു​ഷ്യ​ര​ക്ത​ത്തി​ല്‍ എ​ത്തി​ച്ചേ​രു​ന്ന​ത്. പ്ലാ​സ്മോ​ഡി​യം ശ​രീ​ര​ത്തി​ല്‍ പ്ര​വേ​ശി​ച്ചാ​ല്‍ 48 മു​ത​ല്‍ 72 മ​ണി​ക്കൂ​റു​ക​ള്‍ക്കു​ള്ളി​ല്‍ സാ​ധാ​ര​ണ​ഗ​തി​യി​ല്‍ രോ​ഗ​ല​ക്ഷ​ണ​ങ്ങ​ള്‍ പ്ര​ത്യ​ക്ഷ​പ്പെ​ടു​ന്നു.

ര​ക്ത​ത്തി​ലൂ​ടെ പ​രാ​ദ​ങ്ങ​ള്‍ ക​ര​ളി​ന്‍റെ കോ​ശ​ങ്ങ​ളി​ല്‍ പ്ര​വേ​ശി​ച്ച് പെ​രു​കു​ന്നു. തു​ട​ര്‍ന്ന് ക​ര​ളി​ന്‍റെ കോ​ശ​ങ്ങ​ള്‍ ന​ശി​ക്കു​മ്പോ​ള്‍ അ​ത് പ​രാ​ദ​ങ്ങ​ളെ പു​റ​ത്തു​വി​ടു​ന്നു. അ​ടു​ത്ത​ഘ​ട്ട​ത്തി​ല്‍ ഇ​വ ശ​രീ​ര​ത്തി​ലെ ചു​വ​പ്പു ര​ക്താ​ണു​ക്ക​ളെ ആ​ക്ര​മി​ച്ച് അ​വി​ടെ​യും പെ​രു​കു​ന്നു. ഇ​ങ്ങ​നെ പെ​രു​കു​ന്ന പ​രാ​ദ​ങ്ങ​ള്‍ ചു​വ​ന്ന ര​ക്താ​ണു​ക്ക​ളെ ന​ശി​പ്പി​ക്കു​ന്ന​തോ​ടെ ശ​രീ​ര​ത്തി​ല്‍ രോ​ഗ​ല​ക്ഷ​ണ​ങ്ങ​ള്‍ പ്ര​ത്യ​ക്ഷ​പ്പെ​ട്ട് തു​ട​ങ്ങു​ന്നു.

ല​ക്ഷ​ണ​ങ്ങ​ൾ

ക​ടു​ത്ത പ​നി, വി​റ​യ​ല്‍, തു​ട​ര്‍ച്ച​യാ​യ വി​യ​ര്‍പ്പ്, വി​ട്ടു​മാ​റാ​ത്ത ത​ല​വേ​ദ​ന, ശ​രീ​ര​വേ​ദ​ന, ഓ​ക്കാ​നം, ഛർ​ദി, തൊ​ലി​പ്പു​റ​ത്തും മൂ​ത്ര​ത്തി​ലും കാ​ണു​ന്ന നി​റം​മാ​റ്റം

ചി​കി​ത്സ:

മ​ല​മ്പ​നി ചി​കി​ത്സി​ക്കാ​തി​രു​ന്നാ​ല്‍ ഗു​രു​ത​ര വി​ള​ര്‍ച്ച​ക്ക് കാ​ര​ണ​മാ​കും. അ​ത് പി​ന്നീ​ട് ജീ​വ​നു​ത​ന്നെ ഭീ​ഷ​ണി​യാ​യേ​ക്കാം. അ​തു​കൊ​ണ്ട് രോ​ഗ​ല​ക്ഷ​ണ​ങ്ങ​ള്‍ വ​ഷ​ളാ​കു​ന്ന​തി​നു മു​മ്പ്, എ​ത്ര​യും പെ​ട്ടെ​ന്ന് ചി​കി​ത്സ സ്വീ​ക​രി​ക്ക​ണം. പ​നി ബാ​ധി​ച്ച​വ​രു​ടെ ര​ക്ത​പ​രി​ശോ​ധ​ന​യി​ലൂ​ടെ​യാ​ണ് രോ​ഗം സ്ഥി​രീ​ക​രി​ക്കു​ന്ന​ത്.

രോ​ഗ​ത്തെ​ക്കു​റി​ച്ച് സം​ശ​യം തോ​ന്നി​യാ​ല്‍ ക്ലോ​റോ​ക്വി​ന്‍ (Chloroquine) എ​ന്ന ഗു​ളി​ക​യാ​ണ് പ്രാ​ഥ​മി​ക ചി​കി​ത്സ​യു​ടെ ഭാ​ഗ​മാ​യി ന​ല്‍കു​ന്ന​ത്. ര​ക്ത പ​രി​ശോ​ധ​ന​യി​ലൂ​ടെ മ​ലേ​റി​യ ആ​ണെ​ന്ന് ഉ​റ​പ്പാ​യാ​ല്‍ രോ​ഗി​ക്ക് തു​ട​ര്‍ന്ന് സ​മ്പൂ​ര്‍ണ ചി​കി​ത്സ (Radical treatment) ന​ല്‍കു​ന്നു. നി​ല​വി​ല്‍ മ​ല​മ്പ​നി​ക്കെ​തി​രെ ഫ​ല​പ്ര​ദ​മാ​യ മ​രു​ന്നു​ക​ള്‍ വി​പ​ണി​യി​ലു​ണ്ട്.

പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍:

രോ​ഗ​ബാ​ധ​യു​ണ്ടാ​വു​ന്ന പ്ര​ദേ​ശ​ങ്ങ​ളി​ലാ​ണ് പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ സാ​ധാ​ര​ണ​യാ​യി ന​ട​ത്തു​ന്ന​ത്. കൊ​തു​ക് ന​ശീ​ക​ര​ണ​മാ​ണ് പ്ര​ധാ​ന പ്ര​വ​ര്‍ത്ത​നം. കെ​ട്ടി​ക്കി​ട​ക്കു​ന്ന വെ​ള്ള​ത്തി​ലും ഓ​ട​ക​ളി​ലും കീ​ട​നാ​ശി​നി പ്ര​യോ​ഗം, കു​റ്റി​ക്കാ​ടു​ക​ളി​ല്‍ ഫോ​ഗി​ങ് (പു​ക​പ്ര​യോ​ഗം), കി​ണ​റു​ക​ളി​ല്‍ ഗ​പ്പി എ​ന്ന മ​ത്സ്യ​ത്തെ വ​ള​ര്‍ത്തു​ക എ​ന്നി​വ​യാ​ണ് ജ​ന​വാ​സ​മു​ള്ള പ​രി​സ​ര​ങ്ങ​ളി​ല്‍ ന​ട​ക്കു​ന്ന പ്ര​തി​രോ​ധ​പ്ര​വ​ര്‍ത്ത​ന​ങ്ങ​ള്‍. വീ​ടി​ന​കം ശു​ചി​യാ​യി സൂ​ക്ഷി​ക്കു​ക, ജ​ന​വാ​തി​ലു​ക​ളി​ലും വാ​തി​ലു​ക​ളി​ലും വീ​ടി​ന​ക​ത്തേ​ക്ക് കൊ​തു​കു​ക​ള്‍ പ്ര​വേ​ശി​ക്കാ​തി​രി​ക്കാ​ന്‍ നെ​റ്റ് പി​ടി​പ്പി​ക്കു​ക. കൊ​തു​കു​വ​ല ഉ​പ​യോ​ഗി​ക്കു​ക എ​ന്നി​വ​യാ​ണ് വ്യ​ക്തി​ക​ള്‍ പാ​ലി​ക്കേ​ണ്ട പ്ര​തി​രോ​ധ മാ​ര്‍ഗ​ങ്ങ​ള്‍.