ലോക്സഭ ഉപതെരഞ്ഞെടുപ്പ്​: മലപ്പുറത്ത്​ സമദാനിക്ക്​ ജയം, ഭൂരിപക്ഷത്തിൽ ഇടിവ്

മലപ്പുറം: പി.കെ. കുഞ്ഞാലിക്കുട്ടി‍യുടെ രാജിയെത്തുടർന്ന് ഉപതെരഞ്ഞെടുപ്പ് നടന്ന മലപ്പുറം ലോക്സഭ മണ്ഡലം അബ്​ദുസ്സമദ് സമദാനിയിലൂടെ മുസ്​ലിം ലീഗും യു.ഡി.എഫും നിലനിർത്തി. അതേസമയം ഭൂരിപക്ഷത്തിൽ ഗണ്യമായ ഇടിവ്. ​സി.പി.എമ്മിലെ വി.പി സാനുവിനെതിരെ 1,14,615 വോട്ടി​െൻറ വ്യത്യാസത്തിലാണ് സമദാനി ജയിച്ചു കയറിയത്​. 2019 പൊതുതെരഞ്ഞെടുപ്പിൽ 2,60,153 വോട്ടിനായിരുന്നു കുഞ്ഞാലിക്കുട്ടി ജയിച്ചത്​.

സമദാനിക്ക് 5,38,248ഉം സാനുവിന് 4,23,633ഉം ബി.ജെ.പിയുടെ എ.പി. അബ്​ദുല്ലക്കുട്ടിക്ക് 68,935ഉം എസ്.ഡി.പി.ഐയിലെ ഡോ. തസ്​ലീം റഹ്​മാനിക്ക് 46,758ഉം വോട്ടാണ് ലഭിച്ചത്. ബി.ജെ.പി കഴിഞ്ഞ ലോക്സഭ തെരഞ്ഞെടുപ്പിനേക്കാൾ പിന്നോട്ട് പോയപ്പോൾ എസ്.ഡി.പി.ഐ വോട്ടിൽ രണ്ടര ഇരട്ടിയോളം വർധനയുണ്ടായി.

മലപ്പുറം ലോക്സഭ വോട്ട് നില

ആകെ പോൾ ചെയ്ത വോട്ട്: 10,99,356

അബ്​ദുസ്സമദ് സമദാനി (മുസ്​ലിം ലീഗ്): 5,38,248

വി.പി. സാനു (സി.പി.എം): 4,23,633

എ.പി. അബ്​ദുല്ലക്കുട്ടി (ബി.ജെ.പി): 68,935

തസ്​ലീം റഹ്​മാനി (എസ്.ഡി.പി.ഐ): 46,758

സാദിഖലി തങ്ങൾ (സ്വതന്ത്രൻ): 10,479

യൂനുസ് സലീം (സ്വതന്ത്രൻ): 7044

നോട്ട: 4259

ഭൂരിപക്ഷം: 1,14,615