മലപ്പുറത്തെ മദ്യശാലകൾ അടക്കണമെന്ന് നഗരസഭാ കൗണ്‍സില്‍

മലപ്പുറം: നഗരസഭാ പരിധിയിലെ മദ്യശാലകൾ അടക്കണമെന്ന് കൗണ്‍സിൽ. ഈ മാസം 31 വരെ അടച്ചിടാൻ ‌നിര്‍ദേശിച്ച് മദ്യശാലകള്‍ക്ക് കത്ത് നല്‍കും.

ഇതിനായി നഗരസഭാ സെക്രട്ടറിയെ ചുമതലപ്പെടുത്തിയെന്ന് നഗരസഭാ ചെയര്‍പേഴ്സണ്‍ സി.എച്ച് ജമീല അറിയിച്ചു. ബിവറേജിന്‍റേയും കണ്‍സ്യൂമര്‍ ഫെഡിന്‍റേയും ഔട്ട്‍ലെറ്റുകള്‍ക്കാണ് കത്ത് നല്‍കുക.

ദിനേന നൂറുകണക്കിനാളുകളാണ് ബിവറേജസ്​ ഔട്ട്​ലറ്റുകളില്‍ കൂട്ടംകൂടി നില്‍ക്കുന്നത് ഗൗരവമുള്ളതാണെന്നും അതിനാൽ പൂട്ടണമെന്ന കത്ത് നൽകണമെന്നും കഴിഞ്ഞ ദിവസം കൗൺസിൽ യോഗത്തിൽ ഭരണപക്ഷം ആവശ്യപ്പെട്ടിരുന്നു.