ഒന്നിലും രണ്ടിലും മലയാളം അക്ഷരമാല ഈ വർഷംതന്നെ

തിരുവനന്തപുരം: സംസ്ഥാനത്തെ സ്കൂൾ പാഠപുസ്തകങ്ങളിൽ മലയാളം അക്ഷരമാല ഈ വർഷംതന്നെ ഉൾപ്പെടുത്താൻ തീരുമാനം. 2022-23 അധ്യയനവർഷം വിദ്യാർഥികൾക്ക് ലഭ്യമാകുന്ന മലയാളം പാഠപുസ്തകങ്ങളിലാണ് അക്ഷരമാല നൽകുന്നത്.

ഒന്നാം ക്ലാസിലെ 'കേരള പാഠാവലി' ഭാഗം മൂന്നിലും രണ്ടാം ക്ലാസിലെ ഭാഗം രണ്ടിലുമാണ് അക്ഷരമാല ഉൾപ്പെടുത്തുന്നത്. ഉദ്യോഗസ്ഥ-ഭരണ പരിഷ്കാര (ഔദ്യോഗിക ഭാഷ) വകുപ്പ് അംഗീകരിച്ച ഭാഷാ മാർഗനിർദേശക സമിതിയുടെ റിപ്പോർട്ട് അനുസരിച്ചുള്ള അക്ഷരമാലയാണ് നൽകുന്നത്.

അക്ഷരമാല ഉൾപ്പെടുത്തി രൂപകൽപന ചെയ്ത പാഠപുസ്തക പേജ് എസ്.സി.ഇ.ആർ.ടി അച്ചടി ചുമതലയുള്ള കെ.ബി.പി.എസിന് കൈമാറിയിട്ടുണ്ട്.

ഒരാഴ്ചക്കകം പാഠപുസ്തകങ്ങളുടെ രണ്ടാം ഭാഗത്തിന്‍റെ അച്ചടി തുടങ്ങും