മുംബൈയിൽ പഠിക്കുന്ന മലയാളി വിദ്യാർഥിയെ കാണാതായെന്ന് പരാതി

ആലുവ: മുംബൈയിൽ പഠിക്കുന്ന മലയാളി വിദ്യാർഥിയെ കാണാതായതായി പരാതി. ആലുവ എടയപ്പുറം പെരുമ്പിള്ളി അഷറഫിന്‍റെ മകൻ പി.എ. ഫാസിലിനെയാണ് (22) കാണാതായത്.

മുംബൈ എച്ച്.ആർ കോളജ് ഓഫ് കൊമേഴ്സ് ആൻഡ് എക്കണോമിക്സിൽ രണ്ടാം വർഷ ബാച്ചിലർ ഓഫ് മാനേജ്മെൻറ് സ്റ്റഡീസ് വിദ്യാർഥിയാണ്. 26ന് വൈകുന്നേരം ഫാസിലിന്‍റെ മൊബൈൽ ഫോൺ സ്വിച്ച് ഓഫ് ആയതിനാൽ പിതാവും അദ്ദേഹത്തിന്‍റെ സഹോദരൻ അൻവറും 27ന് മുംബൈയിൽ പോയി.

എന്നാൽ, താമസിക്കുന്ന വീട്ടിലോ കോളജിലോ ഫാസിലിനെ കണ്ടെത്താനായില്ല. ആരോടും പറയാതെയാണ് പോയതെന്നാണ് അറിയുന്നത്. സംഭവത്തിൽ മുംബൈ കൊളാബ പൊലീസ് സ്റ്റേഷനിൽ പരാതി നൽകിയിട്ടുണ്ട്.