ജോൺ പോൾ തിരിച്ചുവരുമെന്ന് പ്രതീക്ഷിച്ചിരുന്നു -മമ്മൂട്ടി
text_fieldsഅന്തരിച്ച തിരക്കഥാകൃത്ത് ജോൺപോളിന് അന്തിമോപചാരം അർപ്പിക്കാൻ എത്തിയ നടൻ മമ്മൂട്ടി ജോൺപോളിൻ്റെ പത്നി ഐഷ, മകൾ ജിഷ എന്നിവരെ ആശ്വസിപ്പിക്കുന്നു (ചിത്രം: അഷ്കർ ഒരുമനയൂർ)
കൊച്ചി: മലയാള സിനിമാ സാഹിത്യത്തിന് വലിയ സംഭാവനകൾ നൽകിയ ആളാണ് അന്തരിച്ച തിരക്കഥാകൃത്ത് ജോൺ പോളെന്ന് നടൻ മമ്മൂട്ടി. കൊച്ചിയിലെ സ്വകാര്യ ആശുപത്രിയിലെത്തി ജോൺ പോളിന്റെ ബന്ധുക്കളെ ആശ്വസിപ്പിക്കുകയായിരുന്നു അദ്ദേഹം.
കുറച്ചു ദിവസം മുമ്പ് അദ്ദേഹത്തെ നേരിട്ട് കണ്ട് സംസാരിച്ചിരുന്നു. തിരിച്ചുവരുമെന്നായിരുന്നു പ്രതീക്ഷിച്ചിരുന്നത്. വിയോഗത്തിൽ വലിയ ദുഃഖമുണ്ട് -മമ്മൂട്ടി പറഞ്ഞു.
തിരക്കഥകളുടെ രാജാവായി നിന്ന അതുല്യ പ്രതിഭയാണ് ജോണ്പോള് -വി.ഡി. സതീശൻ
തിരുവനന്തപുരം: ഒരു ചെറുകഥ പോലും എഴുതാതെ തിരക്കഥാകൃത്താകുകയും, തിരക്കഥകളുടെ രാജാവായി നിലനില്ക്കുകയും ചെയ്ത അതുല്യ പ്രതിഭയാണ് ജോണ്പോൾ എന്ന് പ്രതിപക്ഷ നേതാവ് വി.ഡി. സതീശൻ അനുസ്മരിച്ചു.
മികച്ച ചിത്രങ്ങളുടെ അമരത്തായിരുന്നു എന്നും ജോണ് പോളിന്റെ സ്ഥാനം. അതുകൊണ്ട് തന്നെ ജോണ് പോളിന്റെ വിയോഗം ഒരു ശൂന്യതയുണ്ടാക്കും. സിനിമയുടെ വഴിയിലെ പുതു തലമുറയ്ക്ക് ജോണ് പോള് ഒരു പാഠപുസ്തമായിരിക്കും. കുടുംബാംഗങ്ങളുടേയും സുഹൃത്തുക്കളുടേയും ദുഃഖത്തില് പങ്ക് ചേരുന്നതായും പ്രതിപക്ഷ നേതാവ് പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.