വിവാഹ വാഗ്ദാനം നൽകി യുവതിയെ പീഡിപ്പിച്ച് ഗർഭിണിയാക്കിയ കേസിൽ യുവാവ് അറസ്​റ്റിൽ

പെരിന്തൽമണ്ണ: വിവാഹവാഗ്ദാനം നൽകി യുവതിയെ പീഡിപ്പിച്ച് ഗർഭിണിയാക്കിയ കേസിൽ യുവാവ് അറസ്​റ്റിൽ. ആലപ്പുഴ മാവേലിക്കര കണ്ണമംഗലം സൗത്ത് കൈതയിൽ പുത്തൻതറയിൽ വിഷ്ണുവാണ്​ (29) പിടിയിലായത്.

പെരിന്തൽമണ്ണയിൽ വാടകക്ക് താമസിക്കുന്ന സ്ത്രീയാണ് പരാതിക്കാരി. പെരിന്തൽമണ്ണ സി.ഐ സുനിൽ പുളിക്കൽ, എസ്.ഐ സി.കെ. നൗഷാദ് എന്നിവരുടെ നേതൃത്വത്തിലാണ്​ പ്രതിയെ മാവേലിക്കരയിൽ നിന്ന്​ അറസ്​റ്റ്​ ചെയ്തത്. മജിസ്ട്രേറ്റ്​ മുമ്പാകെ ഹാജരാക്കി പരാതിക്കാരിയുടെ മൊഴി രേഖപ്പെടുത്തി.