കഞ്ചാവ് വിൽപനക്കാരൻ പിടിയിൽ

നെടുമങ്ങാട്: കരകുളം എട്ടാം കല്ല് പാലത്തിന് സമീപം കഞ്ചാവ് കച്ചവടം നടത്തിയയാളെ പൊലീസ് പിടികൂടി. കരകുളം ഊളൻകന്ന് പുത്തൻ വീട്ടിൽ ഷണ്മുഖൻ (കുഞ്ഞൻ -68) ആണ് അറസ്റ്റിലായത്. 200രൂപയുടെ ചെറിയ പൊതികളാക്കിയാണ് പ്രതി കഞ്ചാവ് വിൽപന നടത്തിയിരുന്നത്.

നെടുമങ്ങാട് ഡിവൈ.എസ്.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ എസ്.എച്ച്.ഒ സതീഷ് കുമാർ, എസ്.ഐമാരായ ശ്രീനാഥ്, റോജോ മോൻ, ഷിബു, എ.എസ്.ഐ സജു, എസ്.സി.പി.ഒ സതികുമാർ എന്നിവർ ഉൾപ്പെട്ട സംഘമാണ് ഷണ്മുഖനെ അറസ്റ്റ് ചെയ്തത്.