കാണാതായ യുവാവിന്‍റെ മൃതദേഹം പുഴയിൽ കണ്ടെത്തി

മാള: കാണാതായ യുവാവിന്‍റെ മൃതദേഹം പുഴയിൽ കണ്ടെത്തി. പുത്തൻചിറ കോവിൽപറമ്പിൽ ദയാനന്ദന്‍റെ മകൻ ജിത്തുവാണ് (29) മരിച്ചത്. ബുധനാഴ്ച രാത്രിയോടെ കാണാതാവുകയായിരുന്നു.

വ്യാഴാഴ്ച്ച പകൽ കൊമ്പത്തു കടവ് തച്ചപ്പിള്ളി പാലത്തിന് സമീപം ഇയാളുടെ വാഹനം കണ്ടെത്തി. തുടർന്ന് മാള പൊലീസും കൊടുങ്ങല്ലൂർ അഗ്നിശമനസേനയും പുഴയിൽ നടത്തിയ തെരച്ചിലിലാണ് മൃതദേഹം കണ്ടെത്തിയത്.

കുടുംബവഴക്കിനെ തുടർന്നാണ് വീട് വിട്ടിറങ്ങിയതെന്ന് പൊലീസ് പറയുന്നു. യുവാവിനെ കാണാനില്ലെന്ന്

ബന്ധുക്കൾ പൊലീസിൽ പരാതി നൽകിയിരുന്നു.