മഅ്ദനിക്കെതിരായ ‘പൊലീസ് മൊഴി’ പൊളിച്ചടക്കിയ മനുഷ്യൻ

കോ​ഴി​ക്കോ​ട്: പി.​ഡി.​പി ചെ​യ​ർ​മാ​ൻ അ​ബ്ദു​ന്നാ​സി​ർ മ​അ്ദ​നി​യെ കു​ടു​ക്കാ​ൻ പൊ​ലീ​സ് കെ​ട്ടി​ച്ച​മ​ച്ച വ്യാ​ജ​മൊ​ഴി പൊ​ളി​ച്ച​ട​ക്കി​യ മ​നു​ഷ്യാ​വ​കാ​ശ പ്ര​വ​ർ​ത്ത​ക​നാ​ണ് ക​ട​ല മു​ഹ​മ്മ​ദ്. നീ​തി​ക്കു​വേ​ണ്ടി​യു​ള്ള നി​ര​വ​ധി പോ​രാ​ട്ട​ങ്ങളിൽ വ്യ​ക്തി​മു​ദ്ര പ​തി​പ്പി​ച്ചാ​ണ് മരണത്തിന് കൂട്ടുപോയത്. ചെ​റു​പ്പം മു​ത​ലേ ന​ക്സ​ലൈ​റ്റ് പ്ര​സ്ഥാ​ന​ങ്ങ​ളു​മാ​യി സ​ഹ​ക​രി​ച്ച് പ്ര​വ​ർ​ത്തി​ച്ച ക​ട​ല മു​ഹ​മ്മ​ദി​ന് ഒ​ട്ടു​മി​ക്ക നേ​താ​ക്ക​ളു​മാ​യി അ​ടു​ത്ത ബ​ന്ധ​മാ​ണു​ണ്ടാ​യി​രു​ന്ന​ത്. ജ​ന​കീ​യ, മ​നു​ഷ്യാ​വ​കാ​ശ പോ​രാ​ട്ട​ങ്ങ​ളി​ൽ ധീ​ര​മാ​യി ഇ​ട​പെ​ട്ടു.

അ​ങ്ങ​നെ​യി​രി​ക്കെ​യാ​ണ് മാ​റാ​ട് സം​ഭ​വ​വു​മാ​യി ബ​ന്ധ​പ്പെ​ട്ട് കോ​ഴി​ക്കോ​ട് ടൗ​ൺ പൊ​ലീ​സ് സി.​ഐ​ എ.​വി. ജോ​ർ​ജ് മു​ഹ​മ്മ​ദി​നെ സ്റ്റേ​ഷ​നി​ലേ​ക്ക് വി​ളി​പ്പി​ച്ചത്. ചി​ല കാ​​ര്യ​ങ്ങ​ൾ ചോ​ദി​ച്ച​ശേ​ഷം പ​രി​ച​യ​ക്കാ​ര​നാ​യ അ​ഷ്റ​ഫി​നെ​ക്കു​റി​ച്ചും തി​ര​ക്കി. എ​ല്ലാം ചോ​ദി​ച്ച​റി​ഞ്ഞ​ശേ​ഷം പി​ന്നീ​ട് വി​ളി​പ്പി​ക്കാം എ​ന്നു​പ​റ​ഞ്ഞ് വി​ട്ട​യ​ച്ചു. എ​ന്നാ​ൽ, അ​ബ്ദു​ന്നാ​സി​ർ മ​അ്ദ​നി​ക്കെ​തി​രെ മു​ഹ​മ്മ​ദി​ന്റേ​താ​യി പൊ​ലീ​സ് വ്യാ​ജ മൊ​ഴി സൃ​ഷ്ടി​ക്കു​ന്ന​താ​ണ് പി​ന്നീ​ട് ക​ണ്ട​ത്. ഭാ​ര​തീ​യ വി​ചാ​ര കേ​ന്ദ്രം ഡ​യ​റ​ക്ട​ര്‍ പി. ​പ​ര​മേ​ശ്വ​ര​നെ​യും ഫാ​ദ​ര്‍ അ​ല​വി​യെ​യും വ​ധി​ക്കാ​ന്‍ അ​ബ്ദു​ന്നാ​സി​ർ മ​അ്ദ​നി ഗൂ​ഢാ​ലോ​ച​ന ന​ട​ത്തി അ​ഷ്‌​റ​ഫിനെ ഇ​തി​നാ​യി ചു​മ​ത​ല​പ്പെ​ടു​ത്തി എ​ന്ന് ക​ട​ല മു​ഹ​മ്മ​ദ് പ​റ​ഞ്ഞെ​ന്ന് മാ​റാ​ട് ജു​ഡീ​ഷ്യ​ൽ ക​മീ​ഷ​ൻ തോ​മ​സ് പി. ​ജോ​സ​ഫ് മു​മ്പാ​കെ എ.​വി. ജോ​ർ​ജ് മൊ​ഴി ന​ൽ​കി.

ഇ​ത് വ​ലി​യ കോ​ളി​ള​ക്ക​മാ​ണ് സൃ​ഷ്ടി​ച്ച​ത്. ഈ ​മൊ​ഴി​യു​ടെ അ​ടി​സ്ഥാ​ന​ത്തി​ൽ മാ​റാ​ട് ക​മീ​ഷ​ൻ തോ​മ​സ് പി. ​ജോ​സ​ഫ് ര​ണ്ടു​ദി​വ​സം കോ​യ​മ്പ​ത്തൂ​ർ ജ​യി​ലി​ൽ ക്യാ​മ്പ് ചെ​യ്ത‌് മ​അ്ദ​നി​യെ​യും അ​ഷ്റ​ഫ് അ​ട​ക്ക​മു​ള്ള​വ​രെ​യും ചോ​ദ്യം​ചെ​യ്തെ​ങ്കി​ലും തെ​ളി​വൊ​ന്നും ല​ഭി​ച്ചി​ല്ല. എ​ന്നാ​ൽ, ജോ​ര്‍ജി​ന്റെ മൊ​ഴി​യു​ടെ മ​റ​പി​ടി​ച്ച് സം​ഘ്പ​രി​വാ​ർ പ്ര​വ​ര്‍ത്ത​ക​ൻ ടി.​ജി. മോ​ഹ​ൻ​ദാ​സ് എ​റ​ണാ​കു​ളം സി.​ജെ.​എം കോ​ട​തി​യി​ൽ ഹ​ര​ജി ഫ​യ​ൽ ചെ​യ്തു. പി​ന്നാ​ലെ മ​അ്ദ​നി​ക്കെ​തി​രെ പൊ​ലീ​സ് എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തു.

ഇ​തോ​ടെ​യാ​ണ് മ​അ്ദ​നി​ക്കെ​തി​രെ പൊ​ലീ​സി​ന് മൊ​ഴി ന​ല്‍കി​യി​ട്ടി​ല്ലെ​ന്ന് വാ​ർ​ത്ത​സ​മ്മേ​ള​നം ന​ട​ത്തി മു​ഹ​മ്മ​ദ് ലോ​ക​ത്തോ​ട് പ​റ​ഞ്ഞ​ത്. മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ എ. ​വാ​സു അ​ട​ക്ക​മു​ള്ള​വ​ർ​ക്കൊ​പ്പ​മെ​ത്തി​യാ​യി​രു​ന്നു ​വെ​ളി​പ്പെ​ടു​ത്തൽ. ഇ​ക്കാ​ര്യം മു​ഹ​മ്മ​ദ് പി​ന്നീ​ട് സു​പ്രീം​കോ​ട​തിയിലും പ​റ​ഞ്ഞു. തുടർന്നാണ് മ​അ്ദ​നി​ക്ക് ജാ​മ്യം കിട്ടിയ​ത്. കോ​യ​മ്പ​ത്തൂ​ര്‍ സ്‌​ഫോ​ട​ന​ക്കേ​സി​ല്‍ മ​അ്ദ​നി​ക്കെ​തി​രെ വ്യാ​ജ മൊ​ഴി ന​ല്‍കാ​ൻ ത​മി​ഴ്‌​നാ​ട് പൊ​ലീ​സ് മു​ഹ​മ്മ​ദി​നെ ക​സ്റ്റ​ഡി​യി​ലെ​ട​ുത്ത് ക്രൂ​ര​മാ​യി മ​ര്‍ദി​ച്ചെങ്കിലും അ​ദ്ദേ​ഹം വ​ഴ​ങ്ങി​യി​ല്ല.

കെ. ​വേ​ണു, മു​ര​ളി ക​ണ്ണ​മ്പ​ള്ളി, കെ.​എ​ന്‍. രാ​മ​ച​ന്ദ്ര​ന്‍, എ. ​വാ​സു, എം.​എ​ന്‍. രാ​വു​ണ്ണി, പി.​ടി. തോ​മ​സ്, എം.​എം. സോ​മ​ശേ​ഖ​ര​ന്‍ തു​ട​ങ്ങി നി​ര​വ​ധി ന​ക്‌​സ​ലൈ​റ്റ് നേ​താ​ക്ക​ളെ​യെ​ല്ലാം അ​ദ്ദേ​ഹം പ​ല​ത​വ​ണ ഒ​ളി​വി​ല്‍ താ​മ​സി​പ്പി​ച്ചി​ട്ടു​ണ്ട്. ന​ഗ​ര​ത്തി​ലെ രാ​ഷ്ട്രീ​യ സാ​മൂ​ഹി​ക സ​മ​ര പ​രി​പാ​ടി​ക​ളി​ലും സ​ജീ​വ​മാ​യി​രു​ന്നു. 2017ല്‍ ​തി​രു​വ​ന​ന്ത​പു​ര​ത്ത് സെ​ക്ര​ട്ടേ​റി​യ​റ്റി​ന് മു​ന്നി​ല്‍ ന​ട​ന്ന യു.​എ.​പി.​എ വി​രു​ദ്ധ പ്ര​ക്ഷോ​ഭ​ത്തി​നി​ടെ കു​ഴ​ഞ്ഞു​വീ​ണ ശേ​ഷ​മാ​ണ് ആ​രോ​ഗ്യ നി​ല വ​ഷ​ളാ​യ​ി കി​ട​പ്പി​ലാ​യ​ത്. തുടർന്ന് കാ​ന്ത​പു​ര​ത്തെ വീ​ട്ടി​ൽ​ത​ന്നെ​യാ​യി. അ​വ​സാ​ന​കാ​ല​ത്തും പോ​രാ​ട്ടം സം​ഘ​ട​ന​യു​മാ​യി അ​ടു​ത്ത ബ​ന്ധം പു​ല​ർ​ത്തി​യി​രു​ന്നു.