പൊലീസ് പിടികൂടിയയാൾ ദേഹാസ്വാസ്ഥ്യത്തെ തുടർന്ന്​ മരിച്ചു

തിരുവല്ല: സ്കൂട്ടർ ഓടിക്കുന്നതിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് പൊലീസ് ആശുപത്രിയിൽ എത്തിച്ച മധ്യവയസ്കൻ മരിച്ചു. തമിഴ്നാട് വിതുര നഗർ സ്വദേശി ചങ്ങനാശ്ശേരി പെരുന്ന നിരണത്ത് വീട്ടിൽ വാടകക്ക്​ താമസിക്കുന്ന ചന്ദ്രശേഖറാണ്​ (58) മരിച്ചത്​. മദ്യപിച്ച് വാഹനം ഓടിച്ച് അവശനിലയിൽ എത്തിയ ചന്ദ്രശേഖറിനെ എസ്.സി.എസ് ജങ്​ഷനിൽ പരിശോധന നടത്തിയ പൊലീസ് പിടികൂടുകയായിരുന്നു. തുടർന്ന് ജീപ്പിൽ സ്​റ്റേഷനിലേക്ക് കൊണ്ടുപോവുകയുമായിരുന്നു. ആശുപത്രിയിൽ എത്തി അരമണിക്കൂറിനകം ഇയാൾ മരിച്ചു. ഹൃദയാഘാതമാണ് മരണകാരണമെന്ന് ആശുപത്രി അധികൃതർ പറഞ്ഞു.