കോവിഡ്​ നിരീക്ഷണത്തിലുള്ളയാൾ തൂങ്ങി മരിച്ച നിലയിൽ

തിരുവനന്തപുരം: കോവിഡ്​ നിരീക്ഷണത്തിൽ കഴിഞ്ഞിരുന്ന പള്ളിത്തുറ സ്വദേശിയെ തൂങ്ങി മരിച്ച നിലയിൽ കണ്ടെത്തി. തിരുവനന്തപുരം ജനറല്‍ ആശുപത്രിയില്‍ നിരീക്ഷണത്തിലിരുന്ന ജോയി(48) എന്നയാളെയാണ് മരിച്ച നിലയിൽ കണ്ടെത്തിയത്​.

പേ വാര്‍ഡില്‍ ഒറ്റമുറിയിലായിരുന്നു ജോയി കഴിഞ്ഞിരുന്നത്. ഈ മാസം 27ന്​ ആശുപത്രിയില്‍ പ്രവേശിപ്പിച്ച ജോയിയുടെ സ്രവം അന്നു തന്നെ പരിശോധനക്ക് എടുത്തിരുന്നു. എന്നാല്‍ ഇതുവരെ ഫലം പുറത്തുവന്നിരുന്നില്ല.

മൂന്നു ദിവസം കാത്തിരുന്നിട്ടും ഫലം വരാത്തതിന്‍റെ മാനസിക സമ്മര്‍ദ്ദമായിരിക്കാം സ്വയം ജീവനൊടുക്കുന്നതിലേക്ക്​ നയിച്ചതെന്നാണ്​ കരുതുന്നത്​.