സഹോദരനെ കൊന്ന യുവാവ് പരോളിലിറങ്ങി ബന്ധുവായ വയോധികയെ കുത്തിക്കൊന്നു

ചെറുപുഴ: സഹോദരനെ കൊലപ്പെടുത്തിയ ​കേസിൽ ശിക്ഷിക്കപ്പെട്ട് തടവിൽ കഴിയ​വെ​ പരോളിലിറങ്ങിയ യുവാവ്​ പിത​ൃസഹോദര​െൻറ ഭാര്യയെ കുത്തിക്കൊന്നു. പിതൃസഹോദരനും മകനും സാരമായി കുത്തേറ്റു. ജോസ്ഗിരി കട്ടപ്പള്ളിയിലെ പൊട്ടക്കല്‍ പൗലോസി​െൻറ ഭാര്യ റാഹേലാണ്​ (72) മരിച്ചത്​. പൗലോസ്​(78), മകന്‍ ഡേവിഡ് (47) എന്നിവര്‍ക്കാണ് കുത്തേറ്റത്. പൗലോസി​െൻറ സഹോദരപുത്രന്‍ ബിനോയ് (40)ആണ് അക്രമിച്ചതെന്നു പൊലീസ് പറഞ്ഞു.

നാട്ടുകാര്‍ വിവരമറിയിച്ചതിനെ തുടര്‍ന്നു ചെറുപുഴ പൊലീസ് എത്തിയശേഷമാണ് കുത്തേറ്റവരെ ആശുപത്രിയിലേക്ക് കൊണ്ടുപോയത്. അക്രമം നടത്തിയശേഷം യുവാവ് ഒളിവില്‍ പോയി. പരിക്കേറ്റവരെ പരിയാരം മെഡിക്കല്‍ കോളജ്​ ആശുപത്രിയിൽ പ്ര വേശിപ്പിച്ചു. ഞായറാഴ്ച രാത്രി എട്ടോടെയായിരുന്നു സംഭവം.

പകല്‍ യുവാവ് ഇവരുടെ വീട്ടിലെത്തി ഭീഷണി മുഴക്കിയിരുന്നതായും പറയുന്നു. 2012ലാണ്​ ബിനോയ്​ സഹോദരനെ കൊലപ്പെടുത്തിയത്.​ ​ പരോളിൽ ഇറങ്ങിയ പ്രതിക്ക്​ കോവിഡിനെ തുടർന്ന്​ പരോൾ കാലാവധി നീട്ടികിട്ടുകയായിരുന്നു.