വിമാനത്തിനകത്ത് പുകവലിച്ച മലയാളി അറസ്റ്റിൽ

നെടുമ്പാശ്ശേരി: വിമാനത്തിനകത്ത് പുകവലിച്ചയാളെ പൊലീസ് അറസ്റ്റ് ചെയ്തു. അബൂദബിയിൽ നിന്നുള്ള എയർ ഇന്ത്യ എക്സ്പ്രസ് വിമാനത്തിലെ യാത്രക്കാരനായ കടമക്കുടി സ്വദേശി ജോബ് ജെറിനെയാണ് അറസ്റ്റ് ചെയ്തത്.

പുകവലിക്കരുതെന്ന് എയർഹോസ്റ്റ്സ് നിർദേശിച്ചിട്ടും ഇയാൾ അനുസരിച്ചിരുന്നില്ല. തുടർന്ന് പൈലറ്റ് വിമാനത്താവളത്തിലെ സുരക്ഷാവിഭാഗത്തിന് പരാതി നൽകുകയായിരുന്നു. ഇതേത്തുടർന്നാണ് നെടുമ്പാശ്ശേരി പൊലീസ് എത്തി അറസ്റ്റ് ചെയ്തത്.