മ​നാ​ഫ്: മ​നു​ഷ്യ​ത്വ​ത്തി​ന്റെ​യും നി​ശ്ച​യ​ദാ​ർ​ഢ്യ​ത്തി​ന്റെ​യും പേ​ര്

ബം​ഗ​ളൂ​രു: ഷി​രൂ​ർ ദൗ​ത്യ​വും അ​ർ​ജു​ൻ വി​ഷ​യ​വും കേ​ര​ള​ത്തി​ന് നി​ര​വ​ധി സാ​മൂ​ഹി​ക പാ​ഠ​ങ്ങ​ളാ​ണ് പ​ക​ർ​ന്നു​ന​ൽ​കി​യ​തെ​ന്നും ദു​ര​ന്ത​മു​ഖ​ങ്ങ​ളി​ൽ ആ​രും മ​തം ചി​ക​യ​രു​തെ​ന്നും ലോ​റി ഉ​ട​മ കോ​ഴി​ക്കോ​ട് സ്വ​ദേ​ശി മ​നാ​ഫ്. മൂ​ന്നാം​ഘ​ട്ട ദൗ​ത്യ​ത്തി​ലെ ആ​റാം ദി​ന​ത്തി​ൽ അ​ർ​ജു​ന്റെ മൃ​ത​ദേ​ഹ ഭാ​ഗ​ങ്ങ​ളും ലോ​റി​യും ക​ണ്ടെ​ടു​ത്ത​തി​ന് പി​ന്നാ​ലെ ‘മാ​ധ്യ​മ’​ത്തോ​ട് സം​സാ​രി​ക്കു​ക​യാ​യി​രു​ന്നു മ​നാ​ഫ്.

‘ന​മ്മ​ൾ എ​ത്ര​യോ പു​രോ​ഗ​മി​ച്ച സ​മൂ​ഹ​മാ​ണ്. എ​ന്നി​ട്ടും ദു​ര​ന്ത മു​ഖ​ങ്ങ​ളി​ൽ ചി​ല​യാ​ളു​ക​ൾ ജാ​തി​യും മ​ത​വും കാ​ണു​ന്നു. ഇ​ന്ന​ലെ രാ​ത്രി പോ​ലും ഞാ​ന​തോ​ർ​ത്ത് ക​ര​ഞ്ഞി​ട്ടു​ണ്ട്. എ​ന്റെ കു​ടും​ബ​ത്തെ വ​രെ വി​വാ​ദ​ത്തി​ലേ​ക്ക് വ​ലി​ച്ചി​ഴ​ച്ചു. വി​ദ്വേ​ഷ​ങ്ങ​ളി​ല്ലാ​ത്ത നാ​ടാ​ണ് ന​മു​ക്ക് വേ​ണ്ട​ത്. ഷി​രൂ​ർ ദു​ര​ന്ത​ത്തി​ൽ കേ​ര​ളം കാ​ണി​ച്ച ജാ​ഗ്ര​ത​യും ഒ​ത്തൊ​രു​മ​യും വ​യ​നാ​ട് ദു​ര​ന്ത​ത്തി​ലെ ര​ക്ഷാ​പ്ര​വ​ർ​ത്ത​ന​ത്തി​ൽ പോ​സി​റ്റി​വാ​യി ഫ​ലം ചെ​യ്തു​വെ​ന്നാ​ണ് ഞാ​ൻ വി​ശ്വ​സി​ക്കു​ന്ന​ത്. ദു​ര​ന്ത​മു​ഖ​ങ്ങ​ളി​ൽ ജാ​ഗ്ര​ത​യോ​ടെ​യി​രി​ക്കാ​ൻ ഷി​രൂ​ർ അ​പ​ക​ടം ന​മ്മ​ളെ ഓ​ർ​മി​പ്പി​ക്കു​ന്നു. അ​ർ​ജു​നു​വേ​ണ്ടി ഇ​ത്ര​യെ​ങ്കി​ലും എ​നി​ക്ക് ചെ​യ്യ​ണ​മാ​യി​രു​ന്നു. ഒ​പ്പം നി​ന്ന എ​ല്ലാ രാ​ഷ്ട്രീ​യ നേ​താ​ക്ക​ൾ​ക്കും മാ​ധ്യ​മ പ്ര​വ​ർ​ത്ത​ക​ർ​ക്കും ന​ന്ദി -മ​നാ​ഫ് പ​റ​ഞ്ഞു.

മു​ന്ന് ഘ​ട്ട​ങ്ങ​ളി​ലാ​യി 71 ദി​വ​സം നീ​ണ്ട ഷി​രൂ​ർ ദൗ​ത്യ​ത്തി​ന്റെ അ​നി​ശ്ചി​ത നാ​ളു​ക​ളി​ൽ മ​നാ​ഫി​നെ സ​മൂ​ഹ മാ​ധ്യ​മ​ങ്ങ​ളി​ലൂ​ടെ പ​ല​രും അ​ധി​ക്ഷേ​പി​ച്ചി​രു​ന്നു. അ​ർ​ജു​നെ കൊ​ണ്ടു​പോ​യി കൊ​ല​പ്പെ​ടു​ത്തി​യ​താ​ണെ​ന്ന​ട​ക്ക​മു​ള്ള പ്ര​ചാ​ര​ണ​ങ്ങ​ളു​ണ്ടാ​യി. ഈ ​ഘ​ട്ട​ങ്ങ​ളി​ലെ​ല്ലാം സം​യ​മ​നം പാ​ലി​ച്ച മ​നാ​ഫ്, മ​ഴ​യും വെ​യി​ലും മാ​റി​മാ​റി തീ​ക്ഷ്ണ​ത പ​ക​ർ​ന്ന ഷി​രൂ​രി​ൽ ത​ന്റെ സ​ഹോ​ദ​ര​നെ പോ​ലെ ക​രു​തി​യ അ​ർ​ജു​നെ ക​ണ്ടെ​ത്താ​നു​ള്ള ദൗ​ത്യ​ത്തി​ൽ രാ​പ​ക​ലി​ല്ലാ​തെ ഓ​ടി​ന​ട​ക്കു​ക​യാ​യി​രു​ന്നു. ഒ​ടു​വി​ൽ ഗം​ഗാ​വാ​ലി പു​ഴ​യു​ടെ ആ​ഴ​ങ്ങ​ളി​ൽ​നി​ന്ന് ത​ക​ർ​ന്ന ലോ​റി​യു​ടെ കാ​ബി​നു​ള്ളി​ൽ ജീ​വ​നൊ​ലി​ച്ചു​പോ​യ നി​ല​യി​ൽ അ​ർ​ജു​നെ ക​ണ്ടെ​ത്തു​മ്പോ​ൾ, അ​ത് ജാ​തി​ക്കും മ​ത​ത്തി​നു​മ​പ്പു​റം മ​നു​ഷ്യ​നോ​ടു​ള്ള ബ​ഹു​മാ​ന​ത്തി​ന്റെ സാ​മൂ​ഹി​ക പാ​ഠ​മാ​യി മാ​റി. സ​ഹോ​ദ​ര ജീ​വ​ൻ പു​ഴ​യി​ലു​പേ​ക്ഷി​ക്കു​ന്ന​തി​ന് പ​ക​രം അ​ന്ത്യ​ക​ർ​മ​ത്തി​നാ​യി ശേ​ഷി​പ്പെ​ങ്കി​ലും വീ​ണ്ടെ​ടു​ക്കാ​നു​ള്ള സ​മാ​ന​ത​ക​ളി​ല്ലാ​ത്ത ദൗ​ത്യ​മാ​ണ് ഷി​രൂ​രി​ൽ ക​ണ്ട​ത്. അ​തി​ന്റെ തു​ട​ർ​ച്ച​യാ​യാ​ണ് കാ​ണാ​താ​യ ലോ​കേ​ഷ് ഭ​ട്ട്, ജ​ഗ​ന്നാ​ഥ് എ​ന്നി​വ​ർ​ക്കാ​യു​ള്ള തി​ര​ച്ചി​ൽ തു​ട​രു​മെ​ന്ന കാ​ർ​വാ​ർ എം.​എ​ൽ.​എ സ​തീ​ഷ് സെ​യി​ലി​ന്റെ പ്ര​ഖ്യാ​പ​ന​വും. അ​ർ​ജു​നു വേ​ണ്ടി കേ​ര​ളം കാ​ണി​ച്ച ജാ​ഗ്ര​ത​യി​ല്ലാ​യി​രു​ന്നെ​ങ്കി​ൽ ലോ​കേ​ഷ് ഭ​ട്ട്, ജ​ഗ​ന്നാ​ഥ് എ​ന്നി​വ​ർ​ക്കാ​യി തി​ര​ച്ചി​ലി​ന് സാ​ധ്യ​ത പോ​ലും അ​വ​ശേ​ഷി​ക്കു​മാ​യി​രു​ന്നി​ല്ല.

‘മരണാനന്തര ചട​ങ്ങ് നടത്താനായല്ലോ’

കോ​ഴി​ക്കോ​ട്: ‘‘ഞാ​ൻ വാ​ക്കു​പാ​ലി​ച്ചു. അ​വ​നെ വീ​ട്ടി​ൽ കൊ​ണ്ടു​വ​രു​മെ​ന്ന് അ​വ​ന്റെ അ​ച്ഛ​നും അ​മ്മ​ക്കും ഉ​റ​പ്പു​കൊ​ടു​ത്തി​ട്ടു​ണ്ട്. അ​വ​ൻ സ​ത്യ​മു​ള്ള​വ​നാ. എ​ല്ലാ​വ​രും ചോ​ദി​ച്ചി​ട്ടു​ണ്ട്, ഒ​രു ഡ്രൈ​വ​ർ​ക്കു​വേ​ണ്ടി​യാ​ണോ ഇ​ത്ര​യൊ​ക്കെ സാ​ഹ​സ​മെ​ന്ന്. അ​വ​ൻ എ​നി​ക്ക് ഡ്രൈ​വ​റ​ല്ല, ഏ​ന്റെ കൂ​ട​പ്പി​റ​പ്പാ​ണ്’’ -ഷി​രൂ​രി​ൽ കാ​ണാ​താ​യ അ​ർ​ജു​ന്റെ ലോ​റി ഉ​ട​മ മാ​ങ്കാ​വ് കി​ണാ​ശ്ശേ​രി സ്വ​ദേ​ശി മ​നാ​ഫ് ‘മാ​ധ്യ​മ’​ത്തോ​ട് പ​റ​ഞ്ഞു. ‘‘അ​വ​ന്റെ മൃ​ത​ശ​രീ​രം ഞാ​ൻ ക​ണ്ടു. അ​വ​ൻ ധ​രി​ച്ച ടീ ​ഷ​ർ​ട്ട് അ​തേ​പോ​ലെ​യു​ണ്ട്. വെ​റും എ​ല്ലു മാ​ത്ര​മാ​ണു​ള്ള​തെ​ന്ന് പ​ല​രും പ​റ​യു​ന്നു. ആ​രാ ശ​രീ​രം ക​ണ്ട​ത്? ഞാ​ൻ മാ​ത്ര​മാ​ണ് മൃ​ത​ദേ​ഹം ക​ണ്ട​ത്. ഈ ​പ​റ​യു​ന്ന ആ​രും ക​ണ്ടി​ട്ടി​ല്ല. ഫോ​ട്ടോ പോ​ലും ഞാ​ൻ എ​ടു​ത്തി​ട്ടു​ണ്ട്. ആ​ർ​ക്കും കൊ​ടു​ത്തി​ട്ടി​ല്ലെ​ന്നു​മാ​ത്രം. കൊ​ടു​ക്കു​ക​യു​മി​ല്ല. ശ​വ​ത്തി​ൽ കു​ത്തു​ന്ന വാ​ക്കു​ക​ളാ​ണ് പ​ല​രും പ​റ​യു​ന്ന​ത്. ശ​രീ​രം ജീ​ർ​ണി​ച്ചി​ട്ടു​ണ്ട്. ന​ടു മ​ട​ങ്ങി​യാ​ണ് കി​ട​പ്പ്. എ​നി​ക്ക് ഉ​റ​പ്പു​ണ്ടാ​യി​രു​ന്നു ലോ​റി അ​ങ്ങ​നെ​യൊ​ന്നും ചി​ന്നി​ച്ചി​ത​റി​പോ​കി​ല്ലെ​ന്ന്. ഞാ​ൻ അ​ന്നേ പ​റ​ഞ്ഞി​ല്ലേ കാ​ബി​ൻ അ​ത്ര പെ​ട്ടെ​ന്ന് ത​ക​രി​​ല്ലെ​ന്ന്. ല​ക്ഷ്മ​ണ​ൻ നാ​യി​ക്കി​ന്റെ ക​ട​യു​ടെ അ​ടു​ത്തു​ത​ന്നെ ഉ​ണ്ടാ​കു​മെ​ന്നും പ​റ​ഞ്ഞ​താ. അ​വ​​നെ തി​രി​ച്ചു​കി​ട്ടാ​ൻ വേ​ണ്ടി മു​ട്ടാ​ത്ത വാ​തി​ലി​ല്ല. ഒ​രു സാ​ധാ​ര​ണ​ക്കാ​ര​ന് ക​ഴി​യു​ന്ന​തൊ​ക്കെ ഇ​ക്കാ​ര്യ​ത്തി​ൽ ചെ​യ്തു. മ​ര​ണാ​ന​ന്ത​ര ച​ട​ങ്ങ് സാ​ധ്യ​മാ​യ​ല്ലോ. അ​വ​നേം കൊ​ണ്ടേ ഇ​വി​ടെ നി​ന്ന് പോ​കൂ​വെ​ന്ന് ഉ​റ​പ്പി​ച്ചു ത​ന്നെ​യാ നി​ന്ന​ത്. ഒ​രാ​ൾ ഉ​റ​ച്ച് ഒ​രു​കാ​ര്യ​ത്തി​നി​റ​ങ്ങി​യാ​ൽ അ​ത് സാ​ധി​ക്കും. വാ​ക്കു​പാ​ലി​ക്കാ​ൻ ക​ഴി​ഞ്ഞു, അ​ഭി​മാ​ന​ത്തോ​ടെ എ​നി​ക്ക് അ​വ​ന്റെ വീ​ട്ടി​ലേ​ക്ക് ക​യ​റി​ച്ചെ​ല്ലാം. ഒ​രു​പാ​ത്ര​ത്തി​ലാ ഞ​ങ്ങ​ൾ തി​ന്ന​ത്. ഞ​ങ്ങ​ൾ ത​മ്മി​ൽ അ​ങ്ങ​നെ​യാ. അ​വ​ന് ഞാ​ൻ ഉ​ട​മ​യ​ല്ല സ്വ​ന്തം സ​ഹോ​ദ​ര​നാ​ണ്. അ​വ​നെ ഇ​വി​ടെ ഒ​റ്റ​ക്ക് വി​ട്ട് ഞാ​ൻ മാ​ത്രം എ​ങ്ങ​നെ​യാ പോ​കു​ക’’ -മ​നാ​ഫി​ന്റെ വാ​ക്കു​ക​ൾ മു​റി​ഞ്ഞ​ത് ക​ര​ച്ചി​ല​ട​ക്കാ​ൻ ക​ഴി​യാ​തെ​യാ​യി​രു​ന്നു.