വിവാഹപൂർവ​ കൗൺസലിങ്​​ നിർബന്ധമാക്കൽ: സർക്കാറിന്​ ശിപാർശ സമർപ്പിച്ചു -വനിതാ കമീഷൻ

തിരുവനന്തപുരം: കൗൺസലിങ്ങിനുശേഷം മാത്രമേ വിവാഹത്തിൽ ഏർപ്പെടാവൂവെന്ന തരത്തിൽ നിയമം കൊണ്ടുവരണമെന്ന ശിപാർശ സർക്കാറിന്​ സമർപ്പിച്ചെന്ന്​ സംസ്ഥാന വനിതാ കമീഷ​െൻറ പുതിയ അധ്യക്ഷ പി. സതീദേവി. വിവാഹത്തോടനുബന്ധിച്ച് കൊടുക്കുന്ന പാരിതോഷികങ്ങൾക്ക്​ പരിധി നിശ്ചയിക്കും.

ആളുകളുടെ കഴിവിനനുസരിച്ചുള്ള വിവാഹമേ പാടുള്ളൂ. വിവാഹവുമായി ബന്ധപ്പെട്ടുണ്ടാക്കുന്ന പ്രശ്​നങ്ങൾ വടക്കൻ കേരളത്തിലും ധാരാളം റിപ്പോർട്ട്​ ചെയ്യുന്നു​െണ്ടന്നും അവർ കേസരി സ്​മാരക ട്രസ്​റ്റി​െൻറ മീറ്റ്​ ദ പ്രസിൽ പറഞ്ഞു. കമീഷ​െൻറ റീജനൽ ഒാഫിസ്​ കോഴിക്കോട്​ സിവിൽ സ്​റ്റേഷനു​ സമീപം സ്ഥാപിച്ചു. എറണാകുളത്ത്​ ഉടൻ ഒാഫിസ്​ ആരംഭിക്കും.

മാധ്യമങ്ങൾക്കായുള്ള മാർഗരേഖ സർക്കാറിന്​ സമർപ്പിക്കും. ചാനലുകളിൽ നടക്കുന്ന ചർച്ചയിലെ സ്​ത്രീ വിരുദ്ധ പരാമർശങ്ങൾ ഖേദകരമാണ്​. ഏഷ്യാനെറ്റി​െൻറ 'ന്യൂസ്​ അവർ' ചർച്ചക്കിടെ സ്​ത്രീത്വത്തെ അപമാനിക്കുന്ന പരാമർശം നടത്തിയതിനെതിരെ പരാതിക്കാരി നൽകിയ കേസിൽ ചൊവ്വാഴ്​ച സിറ്റിങ്​ ഉണ്ട്​.

ചാനൽ ചർച്ചകളിൽ സ്​ത്രീകളുടെ അന്തസ്സിന്​ പോറലേൽപിക്കുന്ന പരാമർശമുണ്ടാകുന്നത്​ കുറ്റകരമാണ്​. മാധ്യമ പ്രവർത്തകരുടെ ഭാഗത്തുനിന്നാണ്​ ഇതുണ്ടാകുന്നതെങ്കിൽ ശിക്ഷ അർഹിക്കുന്ന കുറ്റമാണെന്നും അവർ പറഞ്ഞു.

ഹരിത വിഷയത്തിൽ വനിതാ കമീഷന്​​ മുന്നിലുള്ള പരാതിയിൽ ആ ജില്ലയിൽ സിറ്റിങ്​​ നടത്തു​േമ്പാൾ ബന്ധപ്പെട്ട കക്ഷികളെ നോട്ടീസ്​ നൽകി വിളിച്ചുവരുത്തുമെന്ന്​ കമീഷൻ അംഗം അഡ്വ. എം.എസ്​. താര പറഞ്ഞു. വിഷയത്തിലെ സങ്കീർണത പരിഗണിച്ച്​ ഒാൺലൈൻ പരാതി പരിഗണിക്കു​േമ്പാൾ എടുക്കാതിരുന്നതാണ്​. ഒക്​ടോബറിൽ തന്നെ പരാതി പരിഗണിക്കുമെന്നും പറഞ്ഞു.