മാണി സി. കാപ്പന്‍റെ വരവ്​ യു.ഡി.എഫിന്‍റെ രാഷ്​ട്രീയ വിജയം; മോദി വന്നാലും ബി.ജെ.പി രക്ഷപ്പെടില്ല ചെന്നിത്തല

കോട്ടയം: മാണി സി.കാപ്പൻ മുന്നണിയിലെത്തിയത്​ യു.ഡി.എഫിന്‍റെ രാഷ്​ട്രീയ വിജയമെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. മാണി.സി കാപ്പൻ പാലയിൽ തന്നെ മത്സരിക്കും. എൽ.ഡി.എഫിന്​ ധാർമികത പറയാൻ അവകാശമില്ലെന്നും ചെന്നിത്തല പറഞ്ഞു.

യു.ഡി.എഫ്​ വിട്ടപ്പോൾ റോഷി അഗസ്റ്റിൻ, ഡോ.എൻ.ജയരാജ്​ എന്നിവരും പദവി രാജിവെച്ചിരുന്നില്ല. ശബരിമല വിഷയത്തിൽ എൻ.എസി.എസിന്​ തെറ്റിദ്ധാരണ മാറി. യു.ഡി.എഫ്​ നിലപാട്​ എൻ.എസ്​.എസിന്​ ബോധ്യപ്പെട്ടുവെന്നും ചെന്നിത്തല പറഞ്ഞു.

യു.ഡി.എഫ്​ വിശ്വാസികൾക്കൊപ്പം നിൽക്കും. പ്രധാനമന്ത്രി വന്നാലും ബി.ജെ.പി രക്ഷപ്പെടില്ല. ബി.ജെ.പി കേരളത്തിൽ അക്കൗണ്ട്​ തുറക്കില്ലെന്നും ചെന്നിത്തല വ്യക്​തമാക്കി.