പ്രതിപക്ഷത്തിന്​ ആയുധമായി മഞ്ചേശ്വരം കോഴക്കേസും

​കാസ​ർ​കോ​ട്​: എ.​ഡി.​ജി.​പി​യു​ടെ ആ​ർ.​എ​സ്.​എ​സ്​ ബ​ന്ധ​ങ്ങ​ൾ സം​ബ​ന്ധി​ച്ച വി​വാ​ദം കൊ​ഴു​ക്കു​മ്പോ​ൾ മ​ഞ്ചേ​ശ്വ​രം കോ​ഴ​ക്കേ​സും പ്ര​തി​പ​ക്ഷ​ത്തി​ന്​ ആ​യു​ധ​മാ​കു​ന്നു. നി​യ​മ​സ​ഭ തെ​ര​ഞ്ഞെ​ടു​പ്പി​ൽ ത്രി​കോ​ണ മ​ത്സ​രം ന​ട​ക്കു​ന്ന മ​ഞ്ചേ​ശ്വ​ര​ത്ത്​ യു.​ഡി.​എ​ഫും ബി.​ജെ.​പി​യു​മാ​ണ്​ പ്ര​ധാ​ന മ​ത്സ​ര​മെ​ന്നി​രി​ക്കെ ബി.​ജെ.​പി സം​സ്ഥാ​ന പ്ര​സി​ഡ​ന്റ്​ കെ. ​സു​രേ​ന്ദ്ര​നെ​തി​രെ കോ​ഴ​ക്കേ​സ്​ ആ​രോ​പ​ണം ഉ​യ​ർ​ന്ന​പ്പോ​ൾ സം​ഘ്​​പ​രി​വാ​റി​നെ​തി​രെ നി​യ​മ​യു​ദ്ധ​ത്തി​ന്​ സി.​പി.​എ​മ്മാ​ണ്​ മു​ന്നി​ൽ എ​ന്ന സ​ന്ദേ​ശം ന​ൽ​കി​ക്കൊ​ണ്ടാ​ണ്​ ഇ​ട​ത്​ സ്ഥാ​നാ​ർ​ഥി വി.​വി. ര​മേ​ശ​ൻ ജി​ല്ല പൊ​ലീ​സ്​ മേ​ധാ​വി​ക്ക്​ പ​രാ​തി ന​ൽ​കി​യ​ത്. ബി.​എ​സ്.​പി സ്ഥാ​നാ​ർ​ഥി​യും ദ​ലി​ത്​ വി​ഭാ​ഗ​ക്കാ​ര​നു​മാ​യ കെ. ​സു​ന്ദ​ര​യു​ടെ ഫോ​ൺ സ​ന്ദേ​ശ​ത്തി​ലെ പ​രാ​മ​ർ​ശ​മാ​ണ് പ​രാ​തി​ക്ക്​ കാ​ര​ണം.

എ​ന്നാ​ൽ, പ​രാ​തി ന​ൽ​കി​യ​തി​ലെ സാ​ങ്കേ​തി​ക പി​ഴ​വാ​ണ്​ പ്ര​തി​ഭാ​ഗം ആ​യു​ധ​മാ​ക്കി​യ​ത്. ആ​ദാ​യം ഇ​ല്ലാ​തി​രു​ന്ന പ​ട്ടി​ക ജാ​തി വി​ഭാ​ഗ​ക്കാ​ര​ൻ​ എ​ന്ന വാ​ദം പി​ന്നീ​ടാ​ണ്​ ഉ​ന്ന​യി​ച്ച​ത്. പ​ട്ടി​ക ജാ​തി, വ​ർ​ഗ അ​ക്ര​മ നി​രോ​ധ​ന നി​യ​മ പ്ര​കാ​ര​മു​ള്ള വ​കു​പ്പ്​ ചേ​ർ​ക്കാ​ൻ അ​ന്വേ​ഷ​ണ സം​ഘം നി​യ​മോ​പ​ദേ​ശ​ത്തി​നാ​യി വി​ട്ടു​കൊ​ടു​ത്തു. അ​തി​നും ഏ​റെ കാ​ല​താ​മ​സം ഉ​ണ്ടാ​യി. പട്ടികജാതി-പട്ടികവർഗ നിയമപ്രകാരം രജിസ്റ്റർ ചെയ്യുന്ന കേസുകൾ അന്വേഷിക്കേണ്ടത് സ്പെഷ്യൽ മൊബൈൽ സ്ക്വാഡ് (എ​സ്.​എം.​എ​സ്​) ഡി​വൈ.​എ​സ്.​പി​യാ​യി​രി​ക്കെ ക്രൈം ​ബ്രാ​ഞ്ച്​ ഡി​വൈ.​എ​സ്.​പി ത​ന്നെ അ​ന്വേ​ഷ​ണം ന​ട​ത്തി​യ​തും കു​റ്റ​പ​ത്രം ന​ൽ​കി​യ​തും കേ​സി​നെ ദു​ർ​ബ​ല​മാ​ക്കി.

കെ. ​സു​രേ​​ന്ദ്ര​ന് തെ​ര​ഞ്ഞെ​ടു​പ്പി​ൽ ഭീ​ഷ​ണി​യാ​വു​മാ​യി​രു​ന്ന സു​രേ​ന്ദ്ര​ൻ എ​ന്ന അ​പ​ര​നാ​യ സ്വ​ത​ന്ത്ര സ്ഥാ​നാ​ർ​ഥി, ത​ന്നെ​യാ​രും കോ​ഴ​യു​മാ​യി സ​മീ​പി​ച്ചി​ല്ലെ​ന്ന് സ​ത്യ​വാ​ങ്മൂ​ലം ന​ൽ​കി​യ​തും പ്ര​തി​ഭാ​ഗ​ത്തി​നു ക​രു​ത്താ​യി. സു​ന്ദ​ര​യു​ടെ നി​ല​പാ​ടു​ക​ളും പ​ല​പ്പോ​ഴും പ്ര​തി​ഭാ​ഗ​ത്തി​ന്​ ഗു​ണ​പ​ര​മാ​യി. വേ​ണ്ട​ത്ര രേ​ഖ​ക​ൾ വി​ചാ​ര​ണ​യു​മാ​യി മു​ന്നോ​ട്ടു​പോ​കു​ന്ന​തി​ന്​ അ​നി​വാ​ര്യ​മാ​യി​രു​ന്നു.

അ​ത്​ വാ​ദി​ഭാ​ഗ​ത്തി​ന്​ ഉ​ണ്ടാ​യി​രു​ന്നി​ല്ല. ഈ ​സാ​ഹ​ച​ര്യ​ത്തി​ലാ​ണ്​ പ്ര​തി​ക​ൾ കു​റ്റ​വി​മു​ക്​​ത​രാ​കു​ന്ന​ത്. എ.​ഡി.​ജി.​പി​യു​ടെ ആ​ർ.​എ​സ്.​എ​സ്​ ബ​ന്ധം വി​ശ​ദീ​ക​രി​ക്കാ​നാ​വാ​തെ കു​ഴ​ങ്ങു​ന്ന സി.​പി.​എം നേ​തൃ​ത്വ​ത്തി​നു മു​ന്നി​ലേ​ക്കാ​ണ്​ മ​ഞ്ചേ​ശ്വ​രം കോ​ഴ​ക്കേ​സി​ലെ പ്ര​തി​ക​ൾ കു​റ്റ​മു​ക്​​ത​രാ​യി എ​ത്തു​ന്ന​ത്.

കൊ​ട​ക​ര കു​ഴ​ൽ​പ​ണ കേ​സി​ൽ 19 മു​ഖ്യ​സാ​ക്ഷി​ക​ളി​ൽ ഒ​രാ​ളാ​യ സു​രേ​ന്ദ്ര​ൻ കേ​ന്ദ്ര ഇ.​ഡി​യു​ടെ അ​ന്വേ​ഷ​ണ പ​രി​ധി​യി​ലാ​ണ്. അ​ത്​ എ​ങ്ങു​മെ​ത്തി​യി​ല്ല. കൊ​ട​ക​ര, ക​രു​വ​ന്നൂ​ർ, എ​സ്.​എ​ഫ്.​ഐ.​ഒ കേ​സു​ക​ൾ​ക്കും എ.​ഡി.​ജി.​പി അ​ജി​ത്​​കു​മാ​റി​ന്റെ ആ​ർ.​എ​സ്.​എ​സ്​ ബ​ന്ധ​ത്തി​നും ഒ​പ്പം മ​ഞ്ചേ​ശ്വ​രം കോ​ഴ​ക്കേ​സും ചേ​ർ​ക്കു​ക​യാ​ണ്​ പ്ര​തി​പ​ക്ഷം.