തെരഞ്ഞെടുപ്പ്​ ഹരജി: പൊലീസ്​ സംരക്ഷണത്തോടെ സമൻസ്​ അയക്കാൻ ഹൈകോടതി ഉത്തരവ്

കൊച്ചി: മഞ്ചേശ്വരം നിയമസഭ മണ്ഡലത്തിലെ തെരഞ്ഞെടുപ്പ്​ ഹരജിയുമായി ബന്ധപ്പെട്ട്​ നാല്​ വോട്ടർമാർക്ക്​ സമൻസ്​ നൽകാൻ പൊലീസ്​ സംരക്ഷണം നൽകി ഹൈകോടതിയുടെ ഉത്തരവ്​. നാലുപേർക്ക്​ സമൻസ്​ നൽകാൻ മുതിർന്നപ്പോൾ ചിലരിൽനിന്ന്​ ഭീഷണിയു​ണ്ടായെന്ന പ്രത്യേക ദൂത​​​​െൻറ (മെസഞ്ചർ) റിപ്പോർട്ടി​​​െൻറ അടിസ്ഥാനത്തിലാണ്​ പൊലീസ്​ സംരക്ഷണത്തിന്​ ഉത്തരവിട്ടത്​. ബി.ജെ.പി സ്ഥാനാർഥി കെ. സുരേന്ദ്രൻ നൽകിയ ഹരജിയാണ്​ കോടതിയുടെ പരിഗണനയിലുള്ളത്​.

സ്ഥലത്തില്ലാതിരുന്ന 259 വോട്ടർമാരുടെ പേരിൽ കള്ളവോട്ട്​ ചെയ്തിട്ടുണ്ടെന്ന് ഹരജിക്കാരൻ ചൂണ്ടിക്കാട്ടിയ സാഹചര്യത്തിൽ ഇവരെ സമൻസ്​ അയച്ച്​ വിളിച്ചുവരുത്തി ​തെളിവെടുക്കാൻ കഴിഞ്ഞ ദിവസം ഉത്തരവിട്ടിരുന്നു. വ്യാഴാഴ്​ച മുതൽ ഇവരിൽനിന്ന്​ മൊഴിയെടുക്കാനും തീരുമാനിച്ചു. ഇതി​​​െൻറ ഭാഗമായി വ്യാഴാഴ്​ച ഹാജരാകാൻ പത്തുപേർക്ക്​ പ്രത്യേക ദൂതൻ മ​ുഖേന സമൻസ്​ അയച്ചെങ്കിലും അഞ്ചുപേർക്ക്​ മാത്രമേ കൈമാറാനായുള്ളൂ. അഞ്ചുപേർ സ്​ഥലത്തില്ലായിരുന്നെന്നും അതിൽ രണ്ടുപേരുടെ വിലാസംപോലും ഇല്ലായിരുന്നുവെന്നും മെസഞ്ചർ അറിയിച്ചു.

വെള്ളിയാഴ്​ച ഹാജരാവേണ്ടവരിൽ ചിലരും സ്​ഥലത്തില്ലാതിരുന്നതിനാൽ എല്ലാവർക്കും സമൻസ്​ നൽകാനായില്ല. ഇക്കൂട്ടത്തിലാണ്​ ഭീഷണിയുള്ള വിവരവും റിപ്പോർട്ട്​ ചെയ്​തത്​. തുടർന്നാണ്​ പൊലീസ്​ സംരക്ഷണയോടെ സമൻസ്​ നൽകാൻ ഉത്തരവായത്​. ഇപ്രകാരം സമൻസ്​ ലഭിക്കുന്നവർ ജൂൺ 16നാണ്​ കോടതിയിൽ ഹാജ​രാകേണ്ടത്​. ഇതിനിടെ, മരിച്ച നാലുപേരുടെ പേരിൽ വോട്ട്​ ചെയ്​തതി​​​െൻറ രേഖകൾ സുരേന്ദ്ര​​​െൻറ അഭിഭാഷകൻ കോടതിയിൽ ഹാജരാക്കി.