മാന്തംകുണ്ട് കീഴാറ്റൂർ വെച്ചിയോട്ട് ഭഗവതി ക്ഷേത്രം കത്തിനശിച്ചു -വിഡിയോ

തളിപ്പറമ്പ്: മാന്തംകുണ്ട് കീഴാറ്റൂർ വെച്ചിയോട്ട് ഭഗവതി ക്ഷേത്രം കത്തിനശിച്ചു. പൂരത്തിന്റെ ചടങ്ങുകളുമായി ബന്ധപ്പെട്ട് ചൊവ്വാഴ്ച രാത്രി 11:30 വരെ ക്ഷേത്രത്തിലും പരിസരത്തും ആൾക്കാർ ഉണ്ടായിരുന്നു. അതിനു ശേഷമാണ് തീപിടിത്തമുണ്ടായത്.

പ്രധാന ക്ഷേത്രം പൂർണമായും കത്തിനശിച്ചു. തളിപ്പറമ്പ് അഗ്നിശമന സേനയുടെ രണ്ട് യൂണിറ്റ് വാഹനം എത്തിയാണ് തീയണച്ചത്. നാട്ടുകാരും തീയണക്കാൻ എത്തിയിരുന്നു. വിളക്ക് തിരിയിൽ നിന്ന് തീ പടരാനാണ് സാധ്യതയെന്ന് കരുതുന്നു.