മാവോവാദി​ നേതാക്കളായ കൃ​ഷ്‌​ണ​മൂ​ർ​ത്തിയും സാ​വി​ത്രിയും റിമാൻഡിൽ

ത​ല​ശ്ശേ​രി: കേ​ര​ള-​ക​ർ​ണാ​ട​ക അ​തി​ർ​ത്തി​യി​ൽ ചൊ​വ്വാ​ഴ്ച പി​ടി​യി​ലാ​യ മാ​വോ​വാ​ദി നേ​താ​ക്ക​ളെ ത​ല​ശ്ശേ​രി ജി​ല്ല സെ​ഷ​ൻ​സ്‌ കോ​ട​തി ഡി​സം​ബ​ർ ഒ​മ്പ​തു​വ​രെ റി​മാ​ൻ​ഡ്‌ ചെ​യ്‌​തു.

മാ​വോ​വാ​ദി പ​ശ്ചി​മ​ഘ​ട്ട മേ​ഖ​ല സെ​ക്ര​ട്ട​റി ചു​മ​ത​ല​യു​ള്ള കേ​ന്ദ്ര ക​മ്മി​റ്റി അം​ഗം ക​ർ​ണാ​ട​ക ശൃം​ഗേ​രി നെ​ൻ​മാ​രു എ​സ്‌​റ്റേ​റ്റി​ലെ ബി.​ജി. കൃ​ഷ്‌​ണ​മൂ​ർ​ത്തി (വി​ജ​യ്‌-47), സാ​യു​ധ​സേ​ന ക​ബ​നി​ദ​ളം അം​ഗം ചി​ക്‌​മ​ഗ​ളൂ​രു ജെ​റേ​മ​ന ഹ​ള്ളു​വ​ള്ളി​യി​ലെ സാ​വി​ത്രി (ര​ജി​ത-33) എ​ന്നി​വ​രെ​യാ​ണ്‌ റി​മാ​ൻ​ഡ്‌ ചെ​യ്‌​ത​ത്‌.

ക​ണ്ണൂ​ർ ജി​ല്ല​യി​ലെ ആ​റ​ളം, ക​രി​ക്കോ​ട്ട​ക്ക​രി പൊ​ലീ​സ്‌ ചാ​ർ​ജ്‌ ചെ​യ്‌​ത കേ​സു​ക​ളി​ൽ പ്ര​തി​ക​ളാ​യ ഇ​വ​രെ ബു​ധ​നാ​ഴ്ച രാ​വി​ലെ പ​ത്ത​ര​ക്കാ​ണ്‌ കോ​ട​തി​യി​ൽ ഹാ​ജ​രാ​ക്കി​യ​ത്‌. ആ​ദ്യം ക​ണ്ണൂ​ർ സെ​ൻ​ട്ര​ൽ ജ​യി​ലി​ലേ​ക്ക്‌ റി​മാ​ൻ​ഡ്‌ ചെ​യ്‌​തെ​ങ്കി​ലും സു​ര​ക്ഷ മു​ൻ​നി​ർ​ത്തി പി​ന്നീ​ട്‌ തൃ​ശൂ​ർ വി​യ്യൂ​ർ അ​തി​സു​ര​ക്ഷ ജ​യി​ലി​ലേ​ക്ക് മാ​റ്റി.

ക​ർ​ണാ​ട​ക ചാ​മ​രാ​ജ്‌ ന​ഗ​ർ ജി​ല്ല​യി​ലെ മ​ഥൂ​ർ വ​നം ചെ​ക്ക്‌​പോ​സ്‌​റ്റി​ന്‌ സ​മീ​പം ചൊ​വ്വാ​ഴ്ച രാ​വി​ലെ 6.40 ഓ​ടെ​യാ​ണ്‌ ഇ​രു​വ​രെ​യും ഭീ​ക​ര​വി​രു​ദ്ധ സേ​ന (എ.​ടി.​എ​സ്‌) പി​ടി​കൂ​ടി​യ​ത്‌. സാ​വി​ത്രി വേ​ഷം മാ​റി സു​ൽ​ത്താ​ൻ ബ​ത്തേ​രി-​ഗു​ണ്ട​ൽ​പേ​ട്ട്‌ റൂ​ട്ടി​ലൂ​ടെ സ​ഞ്ച​രി​ക്കു​ന്നു​വെ​ന്ന ര​ഹ​സ്യ​വി​വ​ര​ത്തെ തു​ട​ർ​ന്നാ​യി​രു​ന്നു പ​രി​ശോ​ധ​ന. മ​ല​പ്പു​റം അ​രീ​ക്കോ​ട്‌ എം.​എ​സ്‌.​പി ക്യാ​മ്പി​ലെ​ത്തി​ച്ച്‌ ചോ​ദ്യം​ചെ​യ്‌​ത​ശേ​ഷം അ​റ​സ്​​റ്റ്‌ രേ​ഖ​പ്പെ​ടു​ത്തി.

ഇ​രി​ട്ടി അ​യ്യ​ൻ​കു​ന്ന്‌ ഉ​രു​പ്പും​കു​റ്റി​യി​ലെ വീ​ടു​ക​ളി​ൽ 2017 മാ​ർ​ച്ച്‌ 20ന്‌ ​രാ​ത്രി ഏ​ഴ​ര​ക്ക് അ​തി​ക്ര​മി​ച്ചു​ക​യ​റി തോ​ക്കു​ചൂ​ണ്ടി അ​രി​യും സാ​ധ​ന​ങ്ങ​ളും വാ​ങ്ങി മാ​വോ​വാ​ദി ല​ഘു​ലേ​ഖ വി​ത​ര​ണം ചെ​യ്‌​തു​വെ​ന്ന കേ​സി​ലാ​ണ്‌ കൃ​ഷ്‌​ണ​മൂ​ർ​ത്തി​യു​ടെ അ​റ​സ്‌​റ്റ്‌. മ​ല​മ്പു​ഴ ല​ത എ​ന്ന അ​നു, സു​ന്ദ​രി എ​ന്ന അ​നു, ല​ത എ​ന്ന മു​ണ്ട​ഗാ​രു ല​ത എ​ന്നി​വ​രും ക​ണ്ടാ​ല​റി​യാ​വു​ന്ന മ​റ്റൊ​രു പു​രു​ഷ​നു​മാ​ണ്‌ കേ​സി​ലെ മ​റ്റു​പ്ര​തി​ക​ൾ.

ആ​റ​ളം ഫാം ​ബ്ലോ​ക്ക്‌ 13ലെ ​സു​രേ​ഷ്‌ ബാ​ബു​വി​െൻറ വീ​ട്ടി​ൽ 2020 ഫെ​ബ്രു​വ​രി 24ന്‌ ​രാ​ത്രി എ​ട്ടു​മ​ണി​യോ​ടെ അ​തി​ക്ര​മി​ച്ചു​ക​യ​റി ഭീ​ഷ​ണി​പ്പെ​ടു​ത്തി അ​രി​യും പ​ച്ച​ക്ക​റി​യും എ​ടു​ത്തു​കൊ​ണ്ടു​പോ​യ കേ​സി​ലെ നാ​ലാം പ്ര​തി​യാ​ണ്‌ പി​ടി​യി​ലാ​യ സാ​വി​ത്രി.

ര​ണ്ടാം​പ്ര​തി ക​മ്പം​പ​തി ചൈ​ത​ന്യ എ​ന്ന സൂ​ര്യ​യെ നേ​ര​ത്തെ അ​റ​സ്‌​റ്റ്‌ ചെ​യ്‌​തു. ലി​ജേ​ഷ്‌ എ​ന്ന രാ​മു, ക​വി​ത എ​ന്നി​വ​രെ കൂ​ടി പി​ടി​കി​ട്ടാ​നു​ണ്ട്‌. എ.​ടി.​എ​സ്‌ പൊ​ലീ​സ്‌ സ്‌​റ്റേ​ഷ​ൻ എ​സ്‌.​എ​ച്ച്‌.​ഒ ബൈ​ജു പൗ​ലോ​സാ​ണ്‌ കേ​സ​ന്വേ​ഷി​ക്കു​ന്ന​ത്‌.

ഒ​ളി​വി​ലു​ള്ള മാ​വോ​വാ​ദി​ക​ളെ​ക്കു​റി​ച്ചു​ള്ള വി​വ​രം ശേ​ഖ​രി​ക്കാ​നും ആ​യു​ധം ക​ണ്ടെ​ത്താ​നും തെ​ളി​വെ​ടു​പ്പി​നു​മാ​യി പ്ര​തി​ക​ളെ ക​സ്‌​റ്റ​ഡി​യി​ൽ വി​ട്ടു​കി​ട്ടാ​ൻ എ.​ടി.​എ​സ്‌ അ​ടു​ത്ത​ദി​വ​സം കോ​ട​തി​യി​ൽ അ​പേ​ക്ഷ ന​ൽ​കും.