സ്വാതന്ത്ര്യ ദിനത്തിൽ വിയ്യൂർ ജയിലിലെ മാവോവാദി തടവുകാർ നിരാഹാരത്തിന്

തൃശൂർ: സ്വാതന്ത്ര്യ ദിനത്തിൽ മാവോവാദി തടവുകാർ നിരാഹാരമനുഷ്ഠിക്കും. 12 മാവോവാദി തടവുകാരാണ് വിയ്യൂർ അതിസുരക്ഷ ജയിലിലുള്ളത്. യു.എ.പി.എ കേസിൽ ജാമ്യം നിയമമായി അംഗീകരിക്കുക, രാഷ്ട്രീയ കേസുകളിൽ അറസ്റ്റിലാകുന്നവരെ രാഷ്​ട്രീയ തടവുകാരായി അംഗീകരിക്കുക, യു.എ.പി.എ ചുമത്തപ്പെട്ട് ജയിലിൽ കഴിയുന്നവർക്ക് ആറ് മാസത്തിലൊരിക്കൽ പരോൾ അനുവദിക്കുക, ജയിലിലെ മർദനം, വിവസ്ത്രരാക്കിയുള്ള പരിശോധന എന്നിവ അവസാനിപ്പിക്കുക, വിദ്യാഭ്യാസ അവസരം ലഭ്യമാക്കുക തുടങ്ങി വിവിധ ആവശ്യങ്ങളാണ് തടവുകാർ ഉന്നയിക്കുന്നതെന്നാണ് വിവരം.