ചാരക്കേസിൽ കുടുക്കിയ ഉദ്യോഗസ്​ഥർ​െക്കതിരെ നടപടി ആവശ്യപ്പെടും - മറിയം റഷീദ

ചെന്നൈ: ​െഎ.എസ്​. ആർ.ഒ കേസിൽ ചാരവനിതയായി ചിത്രീകരിച്ച്​ കള്ളക്കേസിൽ കുടുക്കിയ പൊലീസ്​ ഉദ്യോഗസ്​ഥർക്കെതിരെ നടപടി ആവശ്യപ്പെട്ട്​ കേസ്​ കൊടുക്കുമെന്ന്​ കേസിൽ പ്രതിയായി ശിക്ഷ അനുഭവിച്ച മാലിദ്വീപ്​ സ്വദേശി മറിയം റഷീദ. കേസിൽ നഷ്​ടപരിഹാരം ആവശ്യ​പ്പെടു​െമന്നും റഷീദ പറഞ്ഞതായി ടൈംസ്​ ഒാഫ്​ ഇന്ത്യ റിപോർട്ട്​ ചെയ്​തു.

നമ്പി നാരായണ​​​​​​െൻറ പേരുപറഞ്ഞ്​ കസ്​റ്റഡിയിൽ വെച്ച്​ ക്രൂരമർദനത്തിന്​ ഇരയാക്കി. എനിക്ക്​ അപമാനമുണ്ടായി. ഞാനവരെ വെറുതെ വിടില്ല -റഷീദ പറഞ്ഞു.

തന്നെ കേസിൽ ഉൾപ്പെടുത്തിയ അന്വേഷണ സംഘത്തലവൻ സി.ബി മാത്യൂസ്​, അന്വേഷണ ഉദ്യോഗസ്​ഥനായിരുന്നു സ്​പെഷ്യൽ ബ്രാഞ്ച്​ ഇൻസ്​പെക്​ടർ എസ്​. വിജയൻ എന്നിവരെ പേരെടുത്ത്​ പറഞ്ഞ്​ ഇവർക്കെതിരെ ത​​​​​​െൻറ അഭിഭാഷകർ ഉടൻ കോടതിയെ സമീപിക്കുമെന്നും റഷീദ പറഞ്ഞു.

മാലിദ്വീപിൽ പ്ലേഗ്​ ബാധ കാരണം തനിക്ക്​ തിരി​െക പോകാൻ സാധിക്കില്ലെന്ന്​ അറിയിക്കാൻ ഇൻസ്​പെക്​ടർ വിജയനെ കണ്ടപ്പോൾ ത​​​​​​െൻറ പാസ്​പോർട്ട്​ 18 ദിവസം അദ്ദേഹം കസ്​റ്റഡിയിൽ വെച്ചു. പിന്നീട്​ വിസ കഴിഞ്ഞിട്ടും തിരികെ പോയില്ലെന്ന്​ പറഞ്ഞ്​ തന്നെ അറസ്​റ്റ്​ ചെയ്​തു. കസ്​റ്റഡിയിൽ വെച്ച്​ തന്നെ ക്രൂരമായി മർദിച്ചു. ചാരക്കേസ്​ നിർമിച്ചതിലൂടെ സ്​ഥാനക്കയറ്റം കിട്ടുമെന്ന്​ വിജയൻ മോഹിച്ചു. ​െഎ.ബിയിലെ ചില ഉദ്യോഗസ്​ഥരും തന്നെ മർദിച്ചിട്ടുണ്ട്​. പക്ഷേ, അവരുടെ പേരുകൾ തനിക്ക്​ അറിയില്ലെന്നും റഷീദ പറഞ്ഞു.

താൻ ഇന്ത്യയിലേക്ക്​ വരില്ല. ഇന്ത്യ തന്നെ ഭയപ്പെടുത്തുന്നു. ​സുപ്രീംകോടതി നിയോഗിച്ച ജസ്​റ്റിസ്​ ജെയിൻ കമ്മിറ്റിക്ക്​ മുമ്പാകെ മൊഴി നൽകുന്നതിനെ കുറിച്ച്​ നിയമോപദേശം തേടിയ ശേഷം തീരുമാനമെടുക്കു​െമന്നും റഷീദ പറഞ്ഞു.

സുപ്രീം കോടതി കേസിലെ എല്ലാ പ്രതിക​െളയും കുറ്റവിമുക്​തരാക്കും വരെ 1994 മുതൽ 1998 വരെ മൂന്നര വർഷമാണ്​ റഷീദ കേരളത്തിൽ ജയിലിൽ കഴിഞ്ഞത്​. കേസ്​ കെട്ടിച്ചമച്ചതാണെന്നും അന്വേഷണം അവസാനിപ്പിക്കുന്നതായും 1996 ൽ സി.ബി.​െഎ റിപോർട്ട്​ നൽകിയിരുന്നെങ്കിലും സംസ്​ഥാന സർക്കാർ സുപ്രീംകോടതിയെ സമീപിച്ചു. എന്നാൽ റഷീദയെ സുരക്ഷാ കാരണങ്ങൾ ചൂണ്ടിക്കാട്ടി ജയിലിൽ തന്നെ നിർത്തുകയായിരുന്നു.

ആദ്യം മൗനം പാലിച്ചത്​ ഭയന്നിട്ടാണെന്നും പിന്നീട്​ കേസ്​ നൽകാനുള്ള സമയം അതിക്രമിച്ചുവെന്ന്​ തെറ്റിദ്ധരിക്കപ്പെട്ടുവെന്നും റഷീദ പറഞ്ഞു. എന്നാൽ സുപ്രീം കോടതി വിധി വന്നതോടെ തനിക്ക്​ ഇപ്പോഴും കേസ്​ നൽകാനാകുമെന്ന്​ മനസിലായെന്നും അതിനാൽ കേസുമായി മുന്നോട്ടുപോകുമെന്നും അവർ കൂട്ടിച്ചേർത്തു.

നമ്പി നാരായണന്​ നൽകാൻ ഉത്തരവായ നഷ്​ടപരിഹാരം വളരെ കുറവാണ്​. അദ്ദേഹ​ത്തി​​​​​​െൻറ തൊഴിലും യശസ്സും നഷ്​ടമായി. അതിനു പകരമാവില്ല ഇൗ തുകയെന്നും അവർ കൂട്ടിച്ചേർത്തു. നമ്പി നാരായണന്​ 50 ലക്ഷം രൂപ നഷ്​ടപരിഹാരം നൽകണമെന്ന്​​ കഴിഞ്ഞ ദിവസമാണ്​ സുപ്രീംകോടതി വിധിച്ചത്​.