സി.എസ്​.ബി ബാങ്കിനെ സംരക്ഷിക്കാൻ ബഹുജന കൺവെൻഷൻ 20ന്

തൃ​ശൂ​ർ: പ​കു​തി​യി​ല​ധി​കം ഓ​ഹ​രി വി​ദേ​ശ സ്ഥാ​പ​ന​ത്തി​ന്‍റെ കൈ​ക​ളി​ലെ​ത്തി​യ ആ​ദ്യ ബാ​ങ്കാ​യ സി.​എ​സ്.​ബി ബാ​ങ്കി​നെ (പ​ഴ​യ കാ​ത്ത​ലി​ക്​ സി​റി​യ​ൻ ബാ​ങ്ക്) സം​ര​ക്ഷി​ക്കാ​ൻ ബ​ഹു​ജ​ന ക​ൺ​വെ​ൻ​ഷ​ൻ ചേ​രു​ന്നു. ഈ​മാ​സം 20ന്​ ​വൈ​കീ​ട്ട്​ അ​ഞ്ചി​ന്​ തൃ​ശൂ​ർ ചേം​ബ​ർ ഓ​ഫ്​ കോ​മേ​ഴ്സ്​ ഹാ​ളി​ലാ​ണ്​ ക​ൺ​വെ​ൻ​ഷ​ൻ.

ക​നേ​ഡി​യ​ൻ ക​മ്പ​നി​യാ​യ ഫെ​യ​ർ ഫാ​ക്സ്​ സ​മ്പൂ​ർ​ണ നി​യ​ന്ത്ര​ണം ഏ​റ്റെ​ടു​ത്ത​തോ​ടെ ജ​ന​കീ​യ ബാ​ങ്കി​ങ്ങി​ൽ​നി​ന്ന്​ പി​ന്മാ​റി​യ സി.​എ​സ്.​ബി ബാ​ങ്കി​ന്​ ഇ​പ്പോ​ൾ ചെ​റു​കി​ട​ക്കാ​രെ അ​ടു​പ്പി​ക്കാ​ത്ത ബാ​ങ്ക്​ എ​ന്ന ‘ഖ്യാ​തി’ സ​മ്പാ​ദി​ച്ചി​രി​ക്കു​ക​യാ​ണ്. കോ​ർ​പ​റേ​റ്റ്​ വാ​യ്പ​യും സ്വ​ർ​ണ​പ്പ​ണ​യ വാ​യ്പ​യു​മാ​ണ്​ ഇ​പ്പോ​ഴ​ത്തെ ബി​സി​ന​സ്, മു​ൻ​ഗ​ണ​ന, വി​ദ്യാ​ഭ്യാ​സ, കാ​ർ​ഷി​ക വാ​യ്പ​ക​ളി​ല്ല. സേ​വി​ങ്സ്​ ബാ​ങ്ക്​ അ​ക്കൗ​ണ്ട്​ തു​ട​ങ്ങ​ണ​മെ​ങ്കി​ൽ 10,000 രൂ​പ അ​ട​ക്ക​ണം.

ജീ​വ​ന​ക്കാ​ർ​ക്കും ക​ടു​ത്ത പീ​ഡ​ന​മാ​ണെ​ന്ന്​ സം​ഘ​ട​ന​ക​ൾ ആ​രോ​പി​ക്കു​ന്നു. ദേ​ശീ​യ വേ​ത​ന ക​രാ​ർ ന​ട​പ്പാ​ക്കി​ല്ലെ​ന്ന്​ പ്ര​ഖ്യാ​പി​ച്ച മാ​നേ​ജ്​​മെ​ന്‍റ്​ ഒ​രു തൊ​ഴി​ൽ നി​യ​മ​വും പാ​ലി​ക്കാ​ൻ ത​യാ​റ​ല്ല. ഇ​ത്ത​രം ബി​സി​ന​സി​ലൂ​ടെ ലാ​ഭം കൂ​ടു​ന്നു​മു​ണ്ട്. ക​ഴി​ഞ്ഞ ഒ​മ്പ​തു​ മാ​സ​ത്തെ മാ​​ത്രം ലാ​ഭം 1000 കോ​ടി രൂ​പ​യി​ൽ അ​ധി​ക​മാ​ണ്. ആ​യി​ര​ത്തി​ൽ താ​ഴെ സ്ഥി​രം ജീ​വ​ന​ക്കാ​ർ മാ​ത്ര​മു​ള്ള​പ്പോ​ൾ തു​ച്ഛ വേ​ത​ന​ത്തി​ൽ 7000ത്തി​ല​ധി​കം താ​ൽ​ക്കാ​ലി​ക ജീ​വ​ന​ക്കാ​രു​ണ്ട്.

1200 കോ​ടി രൂ​പ നി​ക്ഷേ​പി​ച്ച്​ ബാ​ങ്കി​ന്‍റെ പ​കു​തി​യി​ല​ധി​കം ഓ​ഹ​രി കൈ​വ​ശ​പ്പെ​ടു​ത്തി​യ ഫെ​യ​ർ ഫാ​ക്സ്​ ക​ഴി​ഞ്ഞ ജൂ​ണി​ൽ 592 കോ​ടി രൂ​പ​ക്ക്​ കു​റ​ച്ച്​ ഓ​ഹ​രി​ക​ൾ വി​റ്റ​ഴി​ച്ച്​ വ​ൻ നേ​ട്ട​മു​ണ്ടാ​ക്കി. ഇ​തി​നു​ പി​ന്നാ​ലെ​യാ​ണ്​ ഇ​പ്പോ​ൾ കേ​ന്ദ്ര സ​ർ​ക്കാ​ർ ‘വി​ൽ​പ​ന​ക്ക്​ ​വെ​ച്ചി​രി​ക്കു​ന്ന’ ഐ.​ഡി.​ബി.​ഐ ബാ​ങ്കി​നെ സ്വ​ന്ത​മാ​ക്കാ​ൻ ന​ട​ത്തു​ന്ന നീ​ക്കം. ഐ.​ഡി.​ബി.​ഐ ബാ​ങ്ക്​ സ്വ​ന്ത​മാ​ക്കാ​ൻ ആ​ർ.​ബി.​ഐ​ക്കു​ മു​ന്നി​ൽ താ​ൽ​പ​ര്യം പ്ര​ക​ടി​പ്പി​ച്ച്​ ഷോ​ർ​ട്ട്ലി​സ്റ്റി​ൽ ക​യ​റി​യ​വ​രി​ൽ പ്ര​ധാ​നി ഫെ​യ​ർ ഫാ​ക്സ്​ ആ​ണ്.

നൂ​റ്റാ​ണ്ടി​ല​ധി​കം പ​ഴ​ക്ക​മു​ള്ള പ​ഴ​യ കാ​ത്ത​ലി​ക്​ സി​റി​യ​ൻ ബാ​ങ്കി​നെ സം​ര​ക്ഷി​ക്കാ​ൻ 2018 മു​ത​ൽ ന​ട​ക്കു​ന്ന ശ്ര​മ​ത്തി​ന്‍റെ തു​ട​ർ​ച്ച​യാ​ണ്​ 20ലെ ​ക​ൺ​വെ​ൻ​ഷ​നെ​ന്ന്​ സം​ഘാ​ട​ക സ​മി​തി ഭാ​ര​വാ​ഹി​ക​ൾ അ​റി​യി​ച്ചു.

തു​ട​ർ​പ്ര​ക്ഷോ​ഭ​ങ്ങ​ളെ​ക്കു​റി​ച്ച്​ ആ​ലോ​ചി​ക്കാ​നും രൂ​പം ന​ൽ​കാ​നും ചേ​രു​ന്ന ക​ൺ​വെ​ൻ​ഷ​നി​ൽ സി.​ഐ.​ടി.​യു സം​സ്ഥാ​ന ജ​ന​റ​ൽ സെ​ക്ര​ട്ട​റി എ​ള​മ​രം ക​രീം, വൈ​സ് പ്ര​സി​ഡ​ന്‍റ്​ യു.​പി. ജോ​സ​ഫ്, എ.​ഐ.​ടി.​യു.​സി സം​സ്ഥാ​ന ജ​ന​റ​ൽ ​​സെ​ക്ര​ട്ട​റി കെ.​പി. രാ​ജേ​ന്ദ്രൻ, ഐ.​എ​ൻ.​ടി.​യു.​സി സം​സ്ഥാ​ന പ്ര​സി​ഡ​ന്‍റ്​ ആ​ർ. ച​ന്ദ്ര​ശേ​ഖ​ര​ൻ എ​ന്നി​വ​ർ പ​​ങ്കെ​ടു​ക്കു​മെ​ന്ന്​ അ​വാ​ർ​ഡ്​ സ്റ്റാ​ഫ്​ യൂ​നി​യ​ൻ ദേ​ശീ​യ പ്ര​സി​ഡ​ന്‍റ്​ എം. ​ബാ​ബു ജോ​സും ബെ​ഫി ജി​ല്ല സെ​ക്ര​ട്ട​റി വി.​കെ. ജ​യ​രാ​ജ​നും അ​റി​യി​ച്ചു.