വീണാ വിജയന്​ ലഭിച്ച മാസപ്പടി കരിമണൽ ഖനനത്തിനുള്ള പ്രതിഫലം -മാത്യൂ കുഴൽനാടൻ

തി​രു​വ​ന​ന്ത​പു​രം: മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ മ​ക​ൾ വീ​ണാ വി​ജ​യ​ന്​ ക​രി​മ​ണ​ൽ ക​മ്പ​നി കെ.​എം.​ആ​ർ.​എ​ൽ മാ​സ​പ്പ​ടി എ​ന്തി​ന് ന​ല്‍കി​യെ​ന്ന ചോ​ദ്യ​ത്തി​നു​ള്ള ഉ​ത്ത​ര​മാ​ണ്​ തോ​ട്ട​പ്പ​ള്ളി​യി​ല്‍ മൂ​ന്നു​വ​ര്‍ഷ​മാ​യി ന​ട​ക്കു​ന്ന ക​രി​മ​ണ​ൽ ഖ​ന​ന​മെ​ന്ന്​ മാ​ത്യു കു​ഴ​ൽ​നാ​ട​ൻ എം.​എ​ൽ.​എ. സി.​എം.​ആ​ർ.​എ​ല്‍ ക​മ്പ​നി​ക്ക് യ​ഥേ​ഷ്ടം ക​രി​മ​ണ​ല്‍ ല​ഭി​ക്കാ​ന്‍ വ​ഴി​യൊ​രു​ക്കി​യ​ത് മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ അ​ധ്യ​ക്ഷ​ത​യി​ല്‍ 2018ല്‍ ​ചേ​ര്‍ന്ന ദു​ര​ന്ത​നി​വാ​ര​ണ അ​തോ​റി​റ്റി യോ​ഗ​മാ​ണെ​ന്ന്​ മാ​ത്യു വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

തോ​ട്ട​പ്പ​ള്ളി​യി​ലെ ക​രി​മ​ണ​ല്‍ ഇ​പ്പോ​ഴും സി.​എം.​ആ​ർ.​എ​ല്ലി​ന്​ ല​ഭി​ക്കു​ന്ന​ത് ഈ ​യോ​ഗ തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ലാ​ണ്. മാ​സ​പ്പ​ടി​ക്ക് കാ​ര​ണ​മാ​യ സേ​വ​നം ഇ​താ​ണ്. പ്ര​ള​ത്തെ​ക്കു​റി​ച്ച്​ പ​ഠി​ക്കാ​ൻ നി​യോ​ഗി​ക്ക​പ്പെ​ട്ട സ്വാ​മി​നാ​ഥ​ൻ ക​മീ​ഷ​ൻ പ​ഠ​ന​ത്തി​ന്‍റെ ഒ​രു പ​രാ​മ​ർ​ശ​മാ​ണ്​ ഇ​തി​നു​ ക​രു​വാ​ക്കി​യ​ത്. കു​ട്ട​നാ​ട്ടി​ലെ വെ​ള്ളം ഒ​ഴു​കി​പ്പോ​കാ​ൻ കു​ട്ട​നാ​ട്​ മു​ത​ൽ സ്​​പി​ൽ​വേ വ​രെ ക​നാ​ലി​ലെ ത​ട​സ്സം നീ​ക്കി വൃ​ത്തി​യാ​ക്ക​ണ​മെ​ന്ന്​ സ്വാ​മി​നാ​ഥ​ൻ ക​മീ​ഷ​ൻ പ​റ​ഞ്ഞി​രു​ന്നു. അ​തി​ൽ പി​ടി​ച്ചാ​ണ്​ സ്പി​ൽ​വേ​യി​ൽ നേ​ര​ത്തേ സാ​മൂ​ഹി​ക വ​ന​വ​ത്​​ക​ര​ണ പ​ദ്ധ​തി പ്ര​കാ​രം വെ​ച്ചു​പി​ടി​പ്പി​ച്ച കാ​റ്റാ​ടി മ​ര​ങ്ങ​ൾ നീ​ക്കി ക​രി​മ​ണ​ൽ ഖ​ന​ന​ത്തി​ന്​ പി​ണ​റാ​യി സ​ർ​ക്കാ​ർ ക​ള​മൊ​രു​ക്കി​യ​ത്. ദു​ര​ന്ത​നി​വാ​ര​ണ ന​ട​പ​ടി​യെ​ന്ന പേ​രി​ൽ സി.​എം.​ആ​ർ.​എ​ൽ ക​മ്പ​നി​ക്ക്​ ക​രി​മ​ണ​ൽ ക​ട​ത്താ​ൻ സൗ​ക​ര്യ​മൊ​രു​ക്കു​ക​യാ​ണ്​ പി​ണ​റാ​യി സ​ർ​ക്കാ​ർ ചെ​യ്ത​ത്. അ​തു​ വ്യ​ക്ത​മാ​ക്കു​ന്ന സ​ർ​ക്കാ​ർ ഉ​ത്ത​ര​വി​ന്‍റെ പ​ക​ർ​പ്പ്​ കൈ​വ​ശ​മു​ണ്ട്.

ഇ​ക്കാ​ര്യം തി​രി​ച്ച​റി​ഞ്ഞ​ നാ​ട്ടു​കാ​ർ രം​ഗ​ത്തു​വ​ന്ന​പ്പോ​ൾ പു​റ​ക്കാ​ട്​ ഗ്രാ​മ​പ​ഞ്ചാ​യ​ത്ത്​ സി.​എം.​ആ​ർ.​എ​ല്ലി​ന്‍റെ ക​രി​മ​ണ​ൽ ഖ​ന​നം നി​ർ​ത്തി​വെ​ക്കാ​ൻ സ്​​റ്റോ​പ്​ മെ​മ്മോ ന​ൽ​കി. എ​ങ്കി​ലും സം​സ്ഥാ​ന സ​ർ​ക്കാ​റി​ന്‍റെ പി​ന്തു​ണ​യോ​ടെ ഖ​ന​നം തു​ട​രു​ക​യാ​ണ്.

ക​രി​മ​ണ​ൽ മാ​സ​പ്പ​ടി ​പ്ര​ശ്ന​ത്തി​ൽ മു​ഖ്യ​മ​ന്ത്രി​ക്കെ​തി​രെ വി​ജി​ല​ന്‍സി​ല്‍ പ​രാ​തി ന​ല്‍കി​യെ​ങ്കി​ലും ര​ണ്ട​ര മാ​സ​മാ​യി​ട്ടും യാ​തൊ​രു പ്ര​തി​ക​ര​ണ​വു​മി​ല്ല. തു​ട​ര്‍ന​ട​പ​ടി​യി​ല്ലാ​ത്ത സാ​ഹ​ച​ര്യ​ത്തി​ല്‍ കോ​ട​തി​യെ സ​മീ​പി​ക്കു​മെ​ന്ന്​ മാ​ത്യു കു​ഴ​ല്‍നാ​ട​ന്‍ വ്യ​ക്ത​മാ​ക്കി.