അന്ന് സങ്കടക്കടലിൽ; ഇന്ന് മാ​ത്യു ബെ​ന്നിയും പശുക്കളും ഹാപ്പി

തൊ​ടു​പു​ഴ: അ​രു​മ​ക​ളായ 13 പ​ശു​ക്ക​ൾ തൊ​ഴു​ത്തി​ൽ ജീ​വ​ന​റ്റ്​ കി​ട​ക്കു​ന്ന കാഴ്ചയോ​ടെ​യാ​ണ് ഇ​ടു​ക്കി വെ​ള്ളി​യാ​മ​റ്റം കി​ഴ​ക്കേ​പ​റ​മ്പി​ൽ മാ​ത്യു ബെ​ന്നി എ​ന്ന 16കാ​ര​ന്‍റെ 2024 പി​റ​ന്ന​ത്. വ​ർ​ഷം ഒ​ന്ന്​ പി​ന്നി​ടു​മ്പോ​ൾ തൊ​ഴു​ത്തിണ്‍ലുള്ള​ത്​ 20 ക​ന്നു​കാ​ലി​കൾ. കു​ട്ടി​ക്ക​ർ​ഷ​ക​ന്‍റെ സ​ങ്ക​ടം ക​ണ്ട കേ​ര​ള​ക്ക​ര ഒ​ന്നാ​കെ ഒ​രു​മി​ച്ച​തോ​ടെ​യാ​ണ്​ കാ​ലി​ത്തൊ​ഴു​ത്ത്​ നി​റ​ഞ്ഞ​ത്. കു​ട്ടി ക്ഷീ​ര​ക​ർ​ഷ​ക​നു​ള്ള സ​ർ​ക്കാ​ർ അ​വാ​ർ​ഡ് നേ​ടി​യ മാ​ത്യു​വി​​നുള്ള​ത്​ എ​ട്ട് ക​റ​വ​പ്പ​ശു​ക്കൾ. 20 എണ്ണത്തിൽ നാ​ല് ഗ​ർ​ഭി​ണി​ക​ളും ബാ​ക്കി പ​ശു​ക്കി​ടാ​ക്ക​ളും മൂ​രി​ക​ളും.

2023 ഡി​സം​ബ​ർ 31ന് ​രാ​ത്രി​യാ​ണ് പ​ശു​ക്ക​ളി​ൽ 13 എ​ണ്ണം ക​പ്പ​ത്തൊ​ണ്ടി​ലെ സ​യ​നൈ​ഡ് വി​ഷ​ബാ​ധ​യെ​ത്തു​ട​ർ​ന്ന്​ ച​ത്ത​ത്. പു​തു​വ​ർ​ഷ ദി​ന​ത്തി​ൽ പു​ല​ർ​െ​ച്ച തൊ​ഴു​ത്തി​ലെ​ത്തി​യ മാ​ത്യു പ​ശു​ക്ക​ൾ ച​ല​ന​മി​ല്ലാ​തെ കി​ട​ക്കു​ന്ന​തു​ക​ണ്ട്​ അ​ല​റി​വി​ളി​ച്ചു. ഓ​മ​ന​പ്പേ​രി​ട്ട്​ വി​ളി​ച്ച പ​ശു​ക്ക​ളാ​ണ്​ ച​ത്തു​കി​ട​ന്ന​ത്. വാർത്ത പരന്നതോടെ നാ​ടി​ന്‍റെ നാ​നാ ഭാ​ഗ​ത്തു​നി​ന്ന്​ സ​ഹാ​യം പ്ര​വ​ഹി​ച്ചു. മ​ന്ത്രി​മാ​രാ​യ ജെ. ​ചി​ഞ്ചു​റാ​ണി​യും റോ​ഷി അ​ഗ​സ്റ്റി​നും വീ​ട്ടി​ലെ​ത്തി ഇ​ൻ​ഷു​റ​ൻ​സു​ള്ള അ​ഞ്ച് ക​റ​വ​പ്പ​ശു​ക്ക​ളെ ലൈ​വ്‌​സ്റ്റോ​ക് ബോ​ർ​ഡ് വ​ഴി ന​ൽ​കി. ഗ​ർ​ഭി​ണി​ക​ളാ​യ മൂ​ന്ന് പ​ശു​ക്ക​ളെ സി.​പി.​എം ന​ൽ​കി.

മ​മ്മൂ​ട്ടി, പൃ​ഥ്വി​രാ​ജ്, ജ​യ​റാം, ലു​ലു ഗ്രൂ​പ്, മി​ൽ​മ തു​ട​ങ്ങി​യ​വ​ർ സാ​മ്പ​ത്തി​ക​മാ​യി സ​ഹാ​യി​ച്ചു. ക​ത്തോ​ലി​ക്കാ കോ​ൺ​ഗ്ര​സ് ര​ണ്ട് പ​ശു​ക്ക​ളെ​യും മൂ​രി​ക്കി​ടാ​വി​നെ​യും ന​ൽ​കി. ആ​കെ 17 ല​ക്ഷം രൂ​പ കി​ട്ടി. പി.​ജെ. ജോ​സ​ഫ് എം.​എ​ൽ.​എ ന​ൽ​കി​യ ക​രീ​ന എ​ന്ന പ​ശു മൂ​രി​ക്കി​ടാ​വി​നെ പ്ര​സ​വി​ച്ചു. പ​ഠ​ന​ത്തി​ലും മി​ടു​ക്ക​നാ​യ മാ​ത്യു വെ​ള്ളി​യാ​മ​റ്റം സി.​കെ.​വി.​എ​ച്ച്.​എ​സ്.​എ​സി​ൽ പ്ല​സ് വ​ൺ വി​ദ്യാ​ർ​ഥി​യാ​ണ്. വെ​റ്റ​റി​ന​റി ഡോ​ക്ട​റാ​ക​ണ​മെ​ന്നാ​ണ് ആ​ഗ്ര​ഹം. എ​ൻ​ട്ര​ൻ​സിനായി പ​രിശീലി​ക്കു​ന്നു​ണ്ട്. സ​ഹോ​ദ​രി റോ​സ് മേ​രി പ​ത്താം ക്ലാ​സി​ലാ​ണ്. സ്കൂ​ളി​ൽ പോ​കും​ മു​മ്പും വ​ന്നു​ക​ഴി​ഞ്ഞും മാ​ത്യു തൊ​ഴു​ത്തി​ലെ​ത്തി പ​ശു​ക്ക​ളെ പരിപാലിക്കും. ദി​വ​സം 60 ലി​റ്റ​റി​ലേ​റെ പാ​ൽ ക​റ​ക്കു​ന്നു​ണ്ട്. പാ​ൽ വീ​ടു​ക​ളി​ലും സൊ​സൈ​റ്റി​ക​ളി​ലും വി​ൽ​ക്കും. ച​ത്തു​പോ​യ പ​ശു​ക്ക​ളെ ഓ​ർ​ത്ത്​ സ​ങ്ക​ട​മു​​​ണ്ടെ​ന്ന്​ മാ​ത്യു. അ​വ​രാ​ണ്​ എ​ന്നെ ഇ​ന്ന​ത്തെ നി​ല​യി​ലാ​ക്കി​യ​തെ​ന്നും ഇ​പ്പോ​ൾ ജീ​വി​തം മു​ന്നോ​ട്ട്​ കൊ​ണ്ടു​പോ​കാ​ൻ ക​ഴി​യു​ന്നുണ്ടെന്നും കൗമാരക്കാരൻ.