മെക് 7 വിവാദം: പ്രതിഷേധിച്ച് സി.പി.എം ബ്രാഞ്ച് സെക്രട്ടറി പാർട്ടി വിട്ടു

കോഴിക്കോട്: മെക് 7 വ്യായാമ കൂട്ടായ്മയുമായി ബന്ധപ്പെട്ട വിവാദത്തിൽ പ്രതിഷേധിച്ച് സി.പി.എം ബ്രാഞ്ച് സെക്രട്ടറി പാർട്ടി വിട്ടു. കോഴിക്കോട് നടുവണ്ണൂർ കോട്ടപ്പുറം ബ്രാഞ്ച് സെക്രട്ടറിയും എസ്എഫ്ഐ മുൻ ജില്ലാ സെക്രട്ടറിയേറ്റ് അംഗവുമായ അക്ബറലി കോയമ്പത്താണ് പാർട്ടി വിട്ടത്.

സി.പി.എം വിട്ട അക്ബറലി കോൺഗ്രസിൽ ചേർന്നു. ഡിസിസി പ്രസിഡന്‍റ് കെ. പ്രവീൺകുമാർ ഷാൾ അണിയിച്ച് സ്വീകരിച്ചു.

​ ജി​ല്ല ​സെ​ക്ര​ട്ട​റി പി. മോഹനൻ യാതൊരു ഉത്തരവാദിത്വവുമില്ലാത്ത പ്രസ്താവനയാണ് നടത്തിയത്. ന്യൂനപക്ഷങ്ങളെ സംശയമുനയിൽ നിർത്തുന്ന സമീപനമാണ് സി.പി.എമ്മിന്. താത്കാലിക ലാഭം ലക്ഷ്യമിട്ടുള്ള നിലപാടുകളാണ് സി.പി.എം സ്വീകരിക്കുന്നതെന്നും അക്ബറലി കുറ്റപ്പെടുത്തി.

സി.​പി.​എം കോ​ഴി​ക്കോ​ട്​ ജി​ല്ല ​സെ​ക്ര​ട്ട​റി പി. ​മോ​ഹ​ന​ൻ ആ​​രോ​പ​ണമുന്നയിച്ചതോടെയാണ് എ​ക്സ​ർ​സൈ​സ്​ കോ​മ്പി​നേ​ഷ​ൻ (മെ​ക്​ 7) എന്ന വ്യാ​യാ​മ കൂ​ട്ടാ​യ്മ​യെ​ച്ചൊ​ല്ലി വി​വാ​ദമുയർന്നത്. മെ​ക്​ 7ന്​ ​പി​ന്നി​ൽ ജ​മാ​​അ​ത്തെ ഇ​സ്​​ലാ​മി​യാ​ണെ​ന്നും പോ​പു​ല​ർ ഫ്ര​ണ്ട് സ്വാ​ധീ​നവുമു​ണ്ടെ​ന്ന് ക​ണ്ണൂ​ർ ജി​ല്ല​യി​ൽ ന​ട​ന്ന സി.​പി.​എം ഏ​രി​യ സ​മ്മേ​ള​ന​ത്തി​ൽ മോ​ഹ​ന​ൻ ആ​രോ​പി​ക്കുകയായിരുന്നു. എന്നാൽ, ഇത് വിവാദമാകുകയും വ്യാപക വിമർശനമുയരുകയും ചെയ്തതോടെ അദ്ദേഹം നിലപാടിൽ മലക്കംമറിഞ്ഞിരുന്നു. മെ​ക്​ 7നെ ​എ​തി​ർ​ക്കേ​ണ്ട കാ​ര്യം ത​ങ്ങ​ൾ​ക്കി​ല്ലെ​ന്നും ആ​രോ​ഗ്യ സം​ര​ക്ഷ​ണ​ത്തി​നു​ള്ള കൂ​ട്ടാ​യ്മ​ക​ൾ ന​ല്ല​താ​ണെന്നും മെ​ക് 7നെ​ക്കു​റി​ച്ച് ത​ങ്ങ​ൾ ആ​ക്ഷേ​പം ഉ​ന്ന​യി​ച്ചി​ട്ടി​ല്ല​ല്ലോ​യെ​ന്നും പി. ​മോ​ഹ​ന​ൻ പറഞ്ഞു.