മസ്ജിദുകൾ സംഘർഷ വേദിയാക്കാനുള്ള സി.പിഎം ആഹ്വാനം കരുതിയിരിക്കണം -മെക്ക

കൊച്ചി: വഖഫ് സ്ഥാപനമായ മസ്ജിദുകൾ സംഘർഷത്തിന് വേദിയാക്കാൻ സി.പിഎമ്മും ഇടതു സഹയാത്രികരും ചില പണ്ഡിതരും ആഹ്വാനം ചെയ്യുന്നത് വിശ്വാസികൾ കരുതിയിരിക്കണമെന്ന് മെക്ക സംസ്ഥാന ജനറൽ സെക്രട്ടറി എൻ.കെ. അലി.

കേരളത്തിലെ ഒരു മുസ്‌ലിം സംഘടനയും മസ്ജിദുകളിൽ രാഷ്ട്രീയ പ്രവർത്തനത്തിന് തീരുമാനിക്കുകയോ ആഹ്വാനം ചെയ്യുകയോ ചെയ്തിട്ടില്ല. തെറ്റായ വാർത്തകളും പ്രചാരണങ്ങളും നടത്തുന്ന സമുദായദ്രോഹികളെ മുസ്‌ലിം സമൂഹം തിരിച്ചറിയണം.

വഖഫ് സ്ഥാപനങ്ങളായ മസ്ജിദുകൾ രാഷ്ട്രീയവത്കരിച്ച് സമൂഹത്തിൽ ഭിന്നിപ്പ് സൃഷ്ടിച്ച് അധികാര സ്ഥാനങ്ങൾക്കു വേണ്ടി കോടാലി കൈകളായി പ്രവർത്തിക്കുന്നവരെ സമൂഹം തിരിച്ചറിയണമെന്നും അദ്ദേഹം പ്രസ്താവനയിൽ ആവശ്യപ്പെട്ടു.

വ​ഖ​ഫ് നി​യ​മ​നം പി.​എ​സ്.​സി​ക്ക് വി​ട്ട​ത​ട​ക്കം മു​സ്​​ലിം വി​രു​ദ്ധ നി​ല​പാ​ടു​ക​ൾ​ക്കെ​തി​രെ പ​ള്ളി​ക​ളി​ൽ ബോ​ധ​വ​ത്​​ക​ര​ണ പ്ര​ഭാ​ഷ​ണ​ങ്ങ​ൾ ന​ട​ത്താ​ൻ മു​സ്​​ലിം നേ​തൃ​സ​മി​തി കോ​ർ​ക​മ്മി​റ്റി യോ​ഗ​ം തീരുമാനിച്ചിരുന്നു. ഇതിനെതിരെ​​ സി.പി.എമ്മും ഇടതുസഹയാത്രികരും രംഗത്തുവന്ന പശ്​ചാത്തലത്തിലാണ്​ മെക്കയുടെ പ്രതികരണം.

വ​ഖ​ഫ് നി​യ​മ​നം പി.​എ​സ്.​സി​ക്ക് വി​ട്ട​തി​നെ​തി​രെ ഹൈ​കോ​ട​തി, സു​പ്രീം​കോ​ട​തി​യ​ട​ക്ക​മു​ള്ള​വ​യെ സ​മീ​പി​ക്കാ​നാണ്​ മുസ്​ലിം നേതൃയോ​ഗത്തിന്‍റെ തീ​രു​മാ​നം. വ​ഖ​ഫി​​േ​ൻ​റ​ത്​ കേ​ന്ദ്ര നി​യ​മ​മാ​യ​തി​നാ​ൽ സം​സ്​​ഥാ​ന​ത്തി​ന്​ ഇ​ട​പെ​ടാ​ൻ അധി​കാ​ര​മി​ല്ലെ​ന്ന്​ കാ​ണി​ച്ചാ​ണ്​ നി​യ​മ​ന​ട​പ​ടി​ക​ൾ ആ​രം​ഭി​ക്കു​ക. ഡി​സം​ബ​ർ ഏഴിന്​ ചൊവ്വാഴ്ച പ​ഞ്ചാ​യ​ത്ത് കേ​ന്ദ്ര​ങ്ങ​ളി​ൽ മു​സ്​​ലിം നേ​തൃ​സ​മി​തി​യു​ടെ ആ​ഭി​മു​ഖ്യ​ത്തി​ൽ ബ​ഹു​ജ​ന പ്ര​തി​ഷേ​ധ റാ​ലി​ക​ളും സം​ഘ​ടി​പ്പി​ക്കും. റാ​ലി​യി​ൽ പ്ര​ദേ​ശ​ത്തെ സ​മു​ദാ​യ രാ​ഷ്​​ട്രീ​യ സാം​സ്‌​കാ​രി​ക രം​ഗ​ത്തെ പ്ര​മു​ഖ​രെ പ​ങ്കെ​ടു​പ്പി​ക്കും. തു​ട​ർ​ന്ന് കോ​ഴി​ക്കോ​ട്ടും തി​രു​വ​ന​ന്ത​പു​ര​ത്തും മു​സ്​​ലിം നേ​തൃ​സ​മി​തി​യു​ടെ നേ​തൃ​ത്വ​ത്തി​ൽ ബ​ഹു​ജ​ന സ​മ്മേ​ള​ന​ങ്ങ​ളും ന​ട​ത്തും.

എന്നാൽ, പള്ളിയിലെത്തുന്നവരിൽ എല്ലാ രാഷ്ട്രീയ വിശ്വാസികളുമുണ്ടെന്നും സർക്കാരിനെതിരെ പ്രസംഗിച്ചാൽ അത് സംഘർഷത്തിന് വഴിവയ്ക്കുമെന്നും സി.പി.എം സംസ്ഥാന സെക്രട്ടറിയറ്റ് പ്രസ്​താവനയിറക്കിയിരുന്നു. പള്ളികൾ കേന്ദ്രീകരിച്ച് സർക്കാർ വിരുദ്ധ പ്രചാരണം നടത്താനുള്ള ആഹ്വാനം, സംഘപരിവാറിന് ക്ഷേത്രങ്ങൾ കേന്ദ്രീകരിച്ച് രാഷ്ട്രീയ പ്രചാരണം നടത്താൻ ഊർജ്ജം നൽകുമെന്നും സി.പി.എം അഭിപ്രായപ്പെട്ടു.