ദത്ത്​ വിവാദം: അനുപമയെ കണ്ട്​ പിന്തുണയറിയിച്ച്​ മേധ

തിരുവനന്തപുരം: ദത്ത്​ വിവാദത്തിൽ മുഖ്യമന്ത്രി നിലപാട്​ വ്യക്തമാക്കണമെന്ന്​ മേധ പട്​കർ. അനുപമയുടെ ദുരനഭുവങ്ങൾ നീതീകരിക്കാനോ ന്യായീകരിക്കാനോ കഴിയില്ല. ഈ വിഷയത്തിൽ കേരളത്തിലെ വനിത സംഘടനകൾ നിർബന്ധമായും നിലപാട്​ സ്വീകരിക്കണം. അനുപമയും ഭർത്താവ്​ അജിത്തുമായും കൂടിക്കാഴ്​ച നടത്തിയശേഷമായിരുന്നു പ്രതികരണം.

Also Read:ദത്ത്​ വിവാദം; മുഖ്യമന്ത്രി മറുപടി പറയണം -മേധ പട്​കർ

അനുപമ ഇപ്പോഴും നിയമപേരാട്ടത്തിലാണെന്നാണ്​ മനസ്സിലാക്കുന്നത്​. ദുഃഖകരമായ സംഭവമാണിത്​. സർക്കാർ ഏജൻസികൾ​ ഭരണഘടനക്കും നിയമം അനുശാസിക്കുന്ന അവകാശങ്ങൾക്കും അനുസരിച്ചാണ്​ പ്രവർത്തിക്കേണ്ടത്​. കുഞ്ഞി​െൻറയ​ും അമ്മയുടെയും അവകാശങ്ങൾ ഇതിൽ ഉൾപ്പെടും.

ഉച്ചക്ക്​ പന്ത്രണ്ടോടെ വൈ.എം.സി.എയിൽ വെച്ചായിരുന്നു കൂടിക്കാഴ്​ച. ഐക്യദാർഢ്യ സമിതി പ്രതിനിധികളും സാമൂഹിക പ്രവർത്തകരും ഒപ്പമുണ്ടായിരുന്നു.

Also Read:കെ റെയിൽ ഹരിത പദ്ധതി; മുഖ്യമന്ത്രിയുടെ വാദം ചോദ്യം ചെയ്യപ്പെടണം –മേധ പട്​കർ

വിഷമിക്കേണ്ടതില്ലെന്നും കുഞ്ഞിനെ നന്നായി വളർത്തി ധീരമായി മുന്നോട്ടുപോകണമെന്നും അവർ അനുപമയോട്​ പറഞ്ഞു. തുടർന്ന്​ ജെ. ദേവിക ദത്ത്​ വിവാദവും സർക്കാറും ശിശുക്ഷേമസമിതിയുമടക്കം സ്വീകരിച്ച നിലപാടുകളും വിശദീകരിച്ചു. കൂടിക്കാഴ്​ച 20 മിനി​റ്റോളം നീണ്ടു. സി.ആർ. നീലകണ്​ഠൻ, ഡോ. ആസാദ്​, എസ്​. മിനി, മിർസാദ്​ റഹ്​മാൻ തുടങ്ങിയവർ പ​െങ്കടുത്തു.