വാക്​സിനെടുക്കാത്ത അ​ധ്യാ​പ​ക​രെ പരിശോധിക്കാൻ മെഡിക്കൽ ബോർഡ്

തി​രു​വ​ന​ന്ത​പു​രം: കോ​വി​ഡ്​ വാ​ക്​​സി​ൻ സ്വീ​ക​രി​ക്കാ​​ത്ത​തി​ന്​ അ​ധ്യാ​പ​ക​ർ നി​ര​ത്തു​ന്ന കാ​ര​ണം പ​രി​ശോ​ധി​ക്കാ​ൻ പ്ര​ത്യേ​ക മെ​ഡി​ക്ക​ൽ ബോ​ർ​ഡ്​ രൂ​പ​വ​ത്​​ക​രി​ക്ക​ണ​മെ​ന്ന്​ ശി​പാ​ർ​ശ. ഇ​തു​സം​ബ​ന്ധി​ച്ച്​ സ​ർ​ക്കാ​ർ വൈ​കാ​തെ തീ​രു​മാ​ന​മെ​ടു​ത്തേ​ക്കും. അ​യ്യാ​യി​ര​ത്തി​ല​ധി​കം അ​ധ്യാ​പ​ക​ർ വാ​ക്​​സി​ൻ എ​ടു​ത്തി​ട്ടി​ല്ലെ​ന്നാണ്​ ക​ണ​ക്ക്​. തു​ട​ർ​ന്നാ​ണ്​ വാ​ക്​​സി​ൻ സ്വീ​ക​രി​ക്കാ​തി​രി​ക്കാ​ൻ ആ​രോ​ഗ്യ​പ്ര​ശ്​​ന​ങ്ങ​ൾ ഉ​ൾ​പ്പെ​ടെ കാ​ര​ണ​ങ്ങ​ൾ പ​റ​യു​ന്ന വരു​ടെ പ്ര​ശ്​​നം പ്ര​ത്യേ​ക മെ​ഡി​ക്ക​ൽ ബോ​ർ​ഡ്​ രൂ​പ​വ​ത്​​ക​രി​ച്ച്​ പ​രി​ശോ​ധി​ക്ക​ണ​മെ​ന്ന്​ പൊ​തു​വി​ദ്യാ​ഭ്യാ​സ പ്രി​ൻ​സി​പ്പ​ൽ സെ​ക്ര​ട്ട​റി എ.​പി.​എം. മു​ഹ​മ്മ​ദ്​ ഹ​നീ​ഷ്​ ശി​പാ​ർ​ശ ന​ൽ​കി​യ​ത്.

ഇ​ക്കാ​ര്യ​ത്തി​ൽ ​കോ​വി​ഡ്​ വി​ദ​ഗ്​​ധ​സ​മി​തി​യു​മാ​യി കൂ​ടി​യാ​ലോ​ചി​ച്ച് മു​ഖ്യ​മ​ന്ത്രി തീ​രു​മാ​ന​മെ​ടു​ക്കും. ആ​രോ​ഗ്യ​പ്ര​ശ്​​ന​ങ്ങ​ളു​ള്ളവർ​ക്ക്​ ഇ​ള​വ്​ ന​ൽ​കും. എ​ന്നാ​ൽ അ​തി​ലേ​റെ അ​ധ്യാ​പ​ക​ർ ബോ​ധ​പൂ​ർ​വം വാ​ക്​​സി​ൻ സ്വീ​ക​രി​ക്കു​ന്ന​തി​ൽ വി​മു​ഖ​ത കാ​ണി​ക്കു​ന്നു​ണ്ടെ​ന്നാ​ണ്​ വി​ല​യി​രു​ത്ത​ൽ. ഇൗ ​സാ​ഹ​ച​ര്യ​ത്തി​ൽ ക​ർ​ശ​ന ന​ട​പ​ടി വേ​ണ​മെ​ന്നാ​ണ്​ പ്രി​ൻ​സി​പ്പ​ൽ സെ​ക്ര​ട്ട​റി​യു​ടെ നി​ർ​ദേ​ശം. വാ​ക്​​സി​ൻ സ്വീ​ക​രി​ക്കാ​ത്ത​ത്​ വി​ദ്യാ​ർ​ഥി​ക​ളു​ടെ ആ​രോ​ഗ്യ​ത്തെ​ ബാ​ധി​ക്കു​ന്ന​താ​ണ്​. മ​ഹാ​മാ​രി​ക്കാ​ല​ത്ത്​ പൊ​തു​ജ​നാ​രോ​ഗ്യ​ത്തെ ബാ​ധി​ക്കു​ന്ന സ​മീ​പ​നം ഉണ്ടാ​കു​ന്ന​ത്​ ത​ട​യ​ണ​മെ​ന്നും പ്രി​ൻ​സി​പ്പ​ൽ സെ​ക്ര​ട്ട​റി​യു​ടെ നി​ർ​ദേ​ശ​ത്തി​ൽ പ​റ​യു​ന്നു.

അ​ധ്യാ​പ​ക​ർ പൊ​തു​സേ​വ​ന വി​ഭാ​ഗ​ത്തി​ലാണെ​ന്നും സ​ർ​ക്കാ​ർ നി​ർ​ദേ​ശ​ം പാ​ലി​ക്കാ​ൻ ബാ​ധ്യ​സ്ഥ​രാ​ണെ​ന്നും ലം​ഘി​ക്കു​ന്ന​ത്​ അ​ച്ച​ട​ക്ക ലം​ഘ​ന​മാ​യി കാ​ണ​ണ​മെ​ന്നു​മാ​ണ്​ വി​ദ്യാ​ഭ്യാ​സ വ​കു​പ്പി​െൻറ അ​ഭി​പ്രാ​യം. വാ​ക്​​സി​ൻ സ്വീ​ക​രി​ക്കാ​ത്തവർ സ്​​കൂ​ളി​ൽ ഹാ​ജ​രാ​കേ​ണ്ടെന്നാ​ണ്​ മുൻ നി​ർ​ദേ​ശം. ഇ​വ​രി​ൽ പ​ല​രും ഒാ​ൺ​ലൈ​ൻ ക്ലാ​സാ​ണ്​ ന​ട​ത്തു​ന്ന​ത്. വാ​ക്​​സി​ൻ സ്വീ​ക​രി​ച്ചി​ല്ലെ​ന്ന കാ​ര​ണ​ത്താ​ൽ വീ​ട്ടി​ലി​രു​ന്ന്​ ജോ​ലി ചെ​യ്യാ​നു​ള്ള അ​വ​സ​രം തു​ട​രാ​നാ​കി​ല്ലെ​ന്ന നി​ല​പാ​ടി​ലാ​ണ്​ സ​ർ​ക്കാ​ർ.

ഇൗ ​സാ​ഹ​ച​ര്യ​ത്തി​ൽ പ​ര​മാ​വ​ധി വേ​ഗ​ത്തി​ൽ വാ​ക്​​സി​ൻ സ്വീ​ക​രി​ച്ച്​ അ​വ​ശേ​ഷി​ക്കു​ന്ന അ​ധ്യാ​പ​ക​ർ സ്​​കൂ​ളി​ലെ​ത്താ​നു​ള്ള ന​ട​പ​ടി​ക​ളി​ലേ​ക്ക്​ ക​ട​ക്കും. വീ​ട്ടി​ലി​രി​ക്കു​ന്ന അ​ധ്യാ​പ​ക​ർ​ക്ക്​ ശ​മ്പ​ളം ന​ൽ​കു​ന്ന​ത്​ നി​യ​മ​പ്ര​ശ്​​ന​ങ്ങ​ൾ​ക്കും വ​ഴി​വെ​ക്കു​ം. ഇ​വ​ർ​ക്ക്​ ശ​മ്പ​ളക്കാര്യത്തിലും വി​ദ്യാ​ഭ്യാ​സ​വ​കു​പ്പ്​ പ​രി​ശോ​ധ​ന തു​ട​ങ്ങി​.

കു​ട്ടി​ക​ളു​ടെ ആ​രോ​ഗ്യം മു​ഖ്യം –മന്ത്രി

തി​രു​വ​ന​ന്ത​പു​രം: കു​ട്ടി​ക​ളു​ടെ ആ​രോ​ഗ്യ സു​ര​ക്ഷ​യാ​ണ് സ​ർ​ക്കാ​റി​ന് മു​ഖ്യമെന്ന്​ പൊ​തു​വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി. ഇ​ത് മു​ൻ​നി​ർ​ത്തി​യാ​ണ് സ്കൂ​ൾ തു​റ​ക്കു​ന്ന​തു​മാ​യി ബ​ന്ധ​പ്പെ​ട്ട മാ​ർ​ഗ​രേ​ഖ പു​റ​ത്തി​റ​ക്കി​യ​ത്. സ്കൂ​ളു​ക​ളി​ൽ മാ​ർ​ഗ​രേ​ഖ​യു​ടെ ലം​ഘ​നം അ​നു​വ​ദി​ക്കി​ല്ല.

ആ​രോ​ഗ്യ പ്ര​ശ്ന​ങ്ങ​ൾ മൂ​ലം വാ​ക്സി​നെ​ടു​ക്കാ​ൻ ക​ഴി​യാ​ത്ത അ​ധ്യാ​പ​ക​രും അ​ന​ധ്യാ​പ​ക​രു​മു​ണ്ടെ​ങ്കി​ൽ അ​ക്കാ​ര്യം ശാ​സ്ത്രീ​യ​മാ​യി ബോ​ധ്യ​പ്പെ​ടു​ത്ത​ണ​ം. കോ​വി​ഡ് വാ​ക്സി​നെ​ടു​ക്കാ​ത്ത അ​ധ്യാ​പ​ക-​അ​ന​ധ്യാ​പ​ക​ർ സ്കൂ​ളി​ൽ വ​രു​ന്ന​തി​നെ പ്രോ​ത്സാ​ഹി​പ്പി​ക്കി​ല്ലെ​ന്നും മ​ന്ത്രി മാ​ധ്യ​മ​ങ്ങ​ളോ​ട്​ പ​റ​ഞ്ഞു.

വാ​ക്സി​നെ​ടു​ക്കു​ക എ​ന്ന​ത് വ്യ​ക്തി​പ​ര​മാ​യ തീ​രു​മാ​ന​മാ​ണ്. എ​ന്നാ​ൽ, ഇ​ത് സ​മൂ​ഹ​ത്തി​െൻറ ആ​കെ ബാ​ധ്യ​ത​യാ​ക​രു​ത് -മ​ന്ത്രി പറഞ്ഞു.