മെഡി. കോളജിലെ ആക്രമണം; ഡി.വൈ.എഫ്.ഐ നേതാവ് ആരോഗ്യവകുപ്പ് ജീവനക്കാരൻ

കോഴിക്കോട്: മെഡിക്കൽ കോളജ് ആശുപത്രിയിലെ മൂന്ന് സുരക്ഷാജീവനക്കാരെയും മാധ്യമപ്രവർത്തകനെയും ആക്രമിച്ച് പരിക്കേൽപിച്ച കേസിലെ ഒന്നാം പ്രതി ആരോഗ്യ വകുപ്പിലെ താൽക്കാലിക ജീവനക്കാരൻ.

ഡി.വൈ.എഫ്.ഐ ജില്ല ജോയന്റ് സെക്രട്ടറിയും സംസ്ഥാന കമ്മിറ്റി അംഗവും സി.പി.എം ടൗൺ ഏരിയ കമ്മിറ്റി അംഗവുമായ കെ. അരുണാണ് ആരോഗ്യവകുപ്പിന് കീഴിലെ സ്ഥാപനത്തിൽ ജോലിചെയ്യുന്നത്.

കേരള മെഡിക്കൽ സർവിസ് കോർപറേഷന്റെ നടുവണ്ണൂർ കരുവണ്ണൂരിലുള്ള ജില്ല മരുന്ന് സംഭരണകേന്ദ്രത്തിലെ പാക്കിങ് വിഭാഗത്തിൽ താൽക്കാലിക ജോലിചെയ്യുന്നയാളാണിയാൾ. ഇയാൾ കുറെ കാലമായി ജോലിക്ക് വരുന്നില്ലത്രെ. എന്നാലിയാളെ പിരിച്ചുവിടുകയോ ഒഴിവാക്കുകയോ ചെയ്തിട്ടുമില്ല.

മെഡിക്കൽ സർവിസ് കോർപറേഷന്റെ തിരുവനന്തപുരത്തുള്ള ഓഫിസാണ് നിയമനവും മറ്റുകാര്യങ്ങളുമെല്ലാം തീരുമാനിക്കുന്നത് എന്നാണ് മരുന്നുസംഭരണകേന്ദ്രം അധികൃതർ പറയുന്നത്.

ആരോഗ്യവകുപ്പിലെ താൽക്കാലിക ജീവനക്കാരനാണ് ആരോഗ്യമേഖലയിലെ സംസ്ഥാനത്തെതന്നെ ഏറ്റവും വലിയ സ്ഥാപനങ്ങളിലൊന്നായ കോഴിക്കോട് മെഡിക്കൽ കോളജ് ആശുപത്രിയിലെത്തി ജീവനക്കാരെ ആക്രമിച്ചതെന്ന് പുറത്തുവന്നതോടെ ഇയാളെ ജോലിയിൽനിന്ന് പിരിച്ചുവിടണമെന്ന ആവശ്യവും ഉയർന്നിട്ടുണ്ട്. ഇക്കാര്യത്തിൽ ആരോഗ്യമന്ത്രി വീണാജോർജ് നിലപാട് വ്യക്തമാക്കണമെന്നാണ് വിവിധ കോണുകളിൽനിന്നുയരുന്ന ആവശ്യം. മെഡിക്കൽ കോളജിൽ ആക്രമണത്തിനിരയായ സുരക്ഷാജീവനക്കാരുടെ വിഷയത്തിൽ മന്ത്രി ഇതുവരെ പ്രതികരിച്ചിട്ടില്ല.

ഡി.വൈ.എഫ്.എ ജില്ല, സംസ്ഥാന നേതൃത്വവും സി.പി.എമ്മും വിഷയത്തിൽ പ്രതികരിക്കുകയോ ഇയാൾക്കെതിരെ നടപടി സ്വീകരിക്കുകയോ ചെയ്യാതെ പ്രതിയെ സംരക്ഷിക്കുന്ന നിലപാടാണ് സ്വീകരിക്കുന്നതെന്നും ആക്ഷേപമുണ്ട്.

കുറ്റത്തിന്റെ ഗൗരവമനുസരിച്ച് കേസെടുക്കണം -കലക്ടർ

കോ​ഴി​ക്കോ​ട്: സു​ര​ക്ഷ ജീ​വ​ന​ക്കാ​ർ​ക്കു​നേ​രെ​യു​ണ്ടാ​യ ക്രൂ​ര​മാ​യ ആ​ക്ര​മ​ണ​ത്തെ ജി​ല്ല ക​ല​ക്ട​ർ എ​ൻ. തേ​ജ് ലോ​ഹി​ത് റെ​ഡ്ഢി​യു​ടെ അ​ധ്യ​ക്ഷ​ത​യി​ൽ ​ചേ​ർ​ന്ന മെ​ഡി​ക്ക​ൽ കോ​ള​ജ് ആ​ശു​പ​ത്രി വി​ക​സ​ന സ​മി​തി യോ​ഗം അ​പ​ല​പി​ച്ചു. കു​റ്റ​ക്കാ​ർ​ക്കാ​ർ​ക്കെ​തി​രെ ക​ർ​ശ​ന​ന​ട​പ​ടി സ്വീ​ക​രി​ക്ക​ണ​മെ​ന്ന് യോ​ഗം ആ​വ​ശ്യ​പ്പെ​ട്ടു. കു​റ്റ​വാ​ളി​ക​ൾ​ക്ക് ശി​ക്ഷ ഉ​റ​പ്പു​വ​രു​ത്താ​ൻ എ​ല്ലാ വ​കു​പ്പു​ക​ളും ചേ​ർ​ത്ത് കു​റ്റ​ത്തി​ന്റെ ഗൗ​ര​വ​മ​നു​സ​രി​ച്ച് കേ​സെ​ടു​ക്ക​ണ​മെ​ന്ന് ജി​ല്ല ക​ല​ക്ട​ർ പ​റ​ഞ്ഞു. സം​ഭ​വ​ത്തെ വി​വി​ധ രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ള​ട​ങ്ങു​ന്ന സ​മി​തി ഐ​ക​ക​ണ്ഠ്യേ​ന അ​പ​ല​പി​ച്ചു. ഒ​രി​ക്ക​ലും സം​ഭ​വി​ക്കാ​ൻ പാ​ടി​ല്ലാ​ത്ത​താ​ണ് സം​ഭ​വ​മെ​ന്ന് യോ​ഗം വി​ല​യി​രു​ത്തി. ക​ഴി​ഞ്ഞ ബു​ധ​നാ​ഴ്ച​യാ​ണ് കോ​ഴി​ക്കോ​ട് മെ​ഡി. കോ​ള​ജ് ആ​ശു​പ​ത്രി സ​ന്ദ​ർ​ശ​ക ഗേ​റ്റി​ൽ സു​ര​ക്ഷ ജോ​ലി​യി​ലേ​ർ​​പ്പെ​ട്ട മൂ​ന്ന് ജീ​വ​ന​ക്കാ​രെ ഡി.​വൈ.​എ​ഫ്.​ഐ സം​ഘം മൃ​ഗീ​യ​മാ​യി ആ​ക്ര​മി​ച്ച​ത്. ​സെ​ക്യൂ​രി​റ്റി ജീ​വ​ന​ക്കാ​ര​നാ​യ ദി​നേ​ശ​ൻ ന​രി​ക്കു​നി​ക്ക് ആ​ക്ര​മ​ണ​ത്തി​ൽ ഗു​രു​ത​ര പ​രി​ക്കേ​റ്റി​രു​ന്നു. സം​ഭ​വ​ത്തി​ൽ ഏ​ഴു​പേ​രെ പ്ര​തി ചേ​ർ​ത്ത് പൊ​ലീ​സ് കേ​സ് ര​ജി​സ്റ്റ​ർ ചെ​യ്തി​ട്ടു​ണ്ടെ​ങ്കി​ലും ആ​രെ​യും അ​റ​സ്റ്റ് ചെ​യ്തി​ട്ടി​ല്ല. സം​ഭ​വ​ത്തി​ൽ ഐ.​പി.​സി 307 പ്ര​കാ​രം കേ​സെ​ടു​ക്ക​ണ​മെ​ന്ന് സ​മി​തി​യി​ലെ യു.​ഡി.​എ​ഫ് അം​ഗം എം.​എ. റ​സാ​ഖ് മാ​സ്റ്റ​ർ ആ​വ​ശ്യ​പ്പെ​ട്ടു.