മെഡിക്കൽ–എൻജിനീയറിങ്​ പ്രവേശന പരീക്ഷ: റാങ്ക് ലിസ്​റ്റ്​ പ്രസിദ്ധീകരിക്കുന്നതിന്​​ സ്​റ്റേ

കൊച്ചി: കേരളത്തിലെ മെഡിക്കൽ-എൻജിനീയറിങ്​ പ്രവേശന പരീക്ഷ റാങ്ക് ലിസ്​റ്റ്​ പ്രസിദ്ധീകരിക്കുന്നത്​ താൽക്കാലികമായി തടഞ്ഞ്​ ഹൈകോടതി. മെഡിക്കൽ, എൻജിനീയറിങ്​ പ്രവേശനത്തിന് പ്ലസ് ടു മാർക്ക് പരിഗണിക്കരുതെന്നാവശ്യപ്പെട്ട് വിദ്യാർഥികളായ കൊല്ലം സ്വദേശി സാൽവിയ ഹുസൈനും ഏനാത്ത് കൈതപ്പറമ്പ് സ്വ​േദശി സിബി വിൽസണും കേരള സി.ബി.എസ്.ഇ സ്കൂൾ മാനേജ്മെൻറും നൽകിയ ഹരജിയിലാണ് ജസ്​റ്റിസ്​ പി.ബി. സുരേഷ്​കുമാർ എൻട്രൻസ് കമീഷണർക്ക് നിർദേശം നൽകിയത്​.

അതേസമയം, മുൻ നിശ്ചയിച്ചപ്രകാരം ഈ മാസം അഞ്ചിന്​ പ്രവേശനപരീക്ഷ നടത്തുന്നതിന് തടസ്സമില്ലെന്നും കോടതി വ്യക്തമാക്കി. ഹരജി അടുത്തയാഴ്ച വീണ്ടും പരിഗണിക്കും.

കോവിഡ് വ്യാപനം രൂക്ഷമായ സാഹചര്യത്തിൽ സി.ബി.എസ്.ഇ, ഐ.സി.എസ്.ഇ സിലബസുകളിൽ പ്ലസ് ടു പരീക്ഷ നടത്തിയിരുന്നില്ല. അതിനാൽ പ്ലസ് ടു മാർക്ക് പരിഗണിക്കാതെ കേരളത്തിൽ മെഡിക്കൽ, എൻജിനീയറിങ്​ പ്രവേശനം നടത്തണമെന്നാണ് ഹരജിക്കാരുടെ ആവശ്യം. കേരള സിലബസിൽ പ്ലസ് ടു പരീക്ഷ നടത്തിയിരുന്നു.

എന്നാൽ, കുട്ടികളുടെ നിലവാരം ശരിയായി വിലയിരുത്തുന്ന വിധത്തിലല്ല പരീക്ഷ നടത്തിയതെന്നും ഹരജിക്കാർ ആരോപിച്ചിരുന്നു. ഇതുസംബന്ധിച്ച്​ സർക്കാറി​െൻറ സത്യവാങ്മൂലം​ ലഭിച്ചിട്ടില്ലെന്ന് തിങ്കളാഴ്​ച ഹരജി പരിഗണിക്കവേ കോടതി ചൂണ്ടിക്കാട്ടി. വിഷയം സർക്കാറി​െൻറ പരിഗണനയിലാണെന്നും ഉടൻ തീരുമാനമുണ്ടാകുമെന്നും അഡീ. അഡ്വക്കറ്റ് ജനറൽ അറിയിച്ചു. ഇത്​ രേഖപ്പെടുത്തിയാണ്​ റാങ്ക്​ ലിസ്​റ്റ്​ പ്രസിദ്ധീകരിക്കുന്നത്​ തടഞ്ഞ്​ ഇടക്കാല ഉത്തരവ്​ പുറപ്പെടുവിച്ചത്​.