സ്വാശ്രയ മെഡിക്കല്‍ പ്രവേശനം: പ്രതിപക്ഷം നിയമസഭയില്‍നിന്ന്​ ഇറങ്ങിപ്പോയി

തിരുവനന്തപുരം: ഫീസ്​ നിർണയം വൈകിപ്പിച്ച്​ സ്വാശ്രയ മെഡിക്കല്‍ മാനേജ്​മ​െൻറുകളുമായി സർക്കാർ ഒത്തുകളിക്കുന്നെന്നാരോപിച്ച് പ്രതിപക്ഷം നിയമസഭയില്‍നിന്ന്​ ഇറങ്ങിപ്പോയി. കോടതിപോലും തള്ളിയ കഴിഞ്ഞവർഷത്തെ ഫീസ്​ ഇൗടാക്കി ഇ​െക്കാല്ലം പ്രവേശനം നടത്തുന്നത് മാനേജ്​മ​െൻറുകൾക്ക്​ കോടതിയെ സമീപിച്ച്​ കൂടുതൽ ഫീസ്​ വാങ്ങാൻ സൗകര്യം ഒരുക്കാനാണെന്നും ഇത്​ വിദ്യാർഥികളെ കുഴപ്പത്തിലാക്കു​െമന്നും പ്രതിപക്ഷം ആരോപിച്ചു.

നിശ്ചയിച്ച സമയത്തുതന്നെ പ്രതിസന്ധി കൂടാതെ മെഡിക്കല്‍ പ്രവേശനം നടക്കുമെന്നും ഫീസ് ​െറഗുലേറ്ററി കമ്മിറ്റി നിശ്ചയിക്കുന്ന ഫീസ് സര്‍ക്കാര്‍ അംഗീകരിക്കുമെന്നും മന്ത്രി കെ.കെ. ശൈലജ അറിയിച്ചു. വി.എസ്. ശിവകുമാറാണ്​ അടിയന്തര പ്രമേയത്തിന്​ അവതരണാനുമതി തേടിയത്​. പ്രമേയത്തിന് അവതരണാനുമതി നിഷേധിച്ചതില്‍ പ്രതിഷേധിച്ച് പ്രതിപക്ഷം നിയമസഭയില്‍നിന്ന്​ ഇറങ്ങിപ്പോയി.

കോടതിവിധി വന്ന്​ രണ്ടുവർഷമായിട്ടും ഫീ ​െറഗുലേറ്ററി കമ്മിറ്റി രൂപവത്​കരിക്കാത്ത സര്‍ക്കാര്‍ ഇപ്പോഴാണ് അതിന്​ തയാറായത്. പ്രവേശനം നേടുന്ന കുട്ടികൾ എത്ര രൂപ ഫീസ് അടയ്ക്കണമെന്ന കാര്യത്തിൽ വ്യക്തതയില്ല. നീറ്റ്​ ലിസ്​റ്റ്​ പ്രകാരം പ്രവേശനം നടത്തണമെന്ന വ്യവസ്​ഥ വന്നതോടെ സ്വാശ്രയ പ്രവേശനം ശുദ്ധീകരിക്കാന്‍ കിട്ടിയ സുവർണാവസരമാണ്​ സർക്കാർ നഷ്​ടപ്പെടുത്തിയതെന്നും പ്രതിപക്ഷം ആരോപിച്ചു.

കോടതിവിധി വന്ന് നിയമവകുപ്പി​​െൻറ സംശയങ്ങള്‍ തീർക്കാനുള്ള സമയം മാത്രമേ ഫീ റെഗുലേറ്ററി കമ്മിറ്റി രൂപവത്​കരണത്തി​​െൻറ കാര്യത്തില്‍ എടുത്തിട്ടുള്ളൂവെന്ന് മന്ത്രി ശൈലജ വ്യക്തമാക്കി. എട്ടിന്​ ആദ്യ അലോട്ട്‌മ​െൻറ്​ നടക്കുംമുമ്പ് ഫീസ് നിശ്ചയിക്കും. എങ്കിലും ഒരു വ്യവസ്​ഥയെന്ന നിലയിലാണ് തൽക്കാലം കഴിഞ്ഞ തവണത്തെ ഫീസ് നിശ്ചയിക്കുകയും പിന്നീട് ഫീ ​െറഗുലേറ്ററി കമ്മിറ്റി നിശ്ചയിക്കുന്ന ഫീസ് നല്‍കണമെന്ന ബോണ്ട് വിദ്യാർഥികളിൽനിന്ന്​ വാങ്ങാനും തീരുമാനിച്ചത്. ഇതിനോട്​ മാനേജ്​മ​െൻറുകൾ യോജിച്ചിട്ടുണ്ട്​.

സ്വീകരിച്ച നടപടികളെല്ലാം കോടതിയെ അറിയിച്ചിട്ടുണ്ട്​. പ്രവേശന കാര്യത്തിൽ ആശങ്കക്ക്​ അടിസ്​ഥാനമി​െല്ലന്നും മന്ത്രി പറഞ്ഞു.സ്വാശ്രയ മാനേജ്​മ​െൻറുകൾക്കു​വേണ്ടി സർക്കാറും ഇടതുമുന്നണിയും ദാസ്യവേല ചെയ്യുകയാണെന്ന്​ ഇറങ്ങിപ്പോക്കിന്​ മുന്നോടിയായി നടത്തിയ പ്രസംഗത്തിൽ പ്രതിപക്ഷനേതാവ്​ രമേ​ശ്​ ചെന്നിത്തല ആരോപിച്ചു.