അറസ്റ്റിലായവരുടെ​ വൈദ്യ പരിശോധന: സ്ത്രീകളെ നോക്കേണ്ടത് വനിത ഡോക്ടർമാർ; പുതിയ പ്രോട്ടോകോളിന്​ അംഗീകാരം

തി​രു​വ​ന​ന്ത​പു​രം: അ​റ​സ്റ്റി​ലാ​യ വ്യ​ക്തി​ക​ളു​ടെ​യും റി​മാ​ൻ​ഡ്​​ ത​ട​വു​കാ​രു​ടെ​യും വൈ​ദ്യ പ​രി​ശോ​ധ​ന​ക്ക്​ പു​തി​യ മെ​ഡി​ക്കോ-​ലീ​ഗ​ൽ പ്രോ​ട്ടോ​കോ​ളി​ന്​ മ​ന്ത്രി​സ​ഭ യോ​ഗം അം​ഗീ​കാ​രം ന​ൽ​കി. നി​യ​മ​വ​കു​പ്പ് നി​ർ​ദേ​ശി​ച്ച ഭേ​ദ​ഗ​തി​യോ​ടെ​യാ​ണ്​ പു​തി​യ പ്രോ​ട്ടോ​കോ​ളി​ന് രൂ​പം ന​ൽ​കി​യ​ത്.

ക​സ്റ്റ​ഡി മ​ര​ണ​വു​മാ​യി ബ​ന്ധ​പ്പെ​ട്ട്​ നി​ര​വ​ധി ജു​ഡീ​ഷ്യ​ൽ ക​മീ​ഷ​നു​ക​ൾ വൈ​ദ്യ പ​രി​ശോ​ധ​ന​ക്ക്​ പു​തി​യ പ്രോ​ട്ടോ​കോ​ൾ വേ​ണ​മെ​ന്ന്​ നി​ർ​ദേ​ശി​ച്ചി​രു​ന്നു. ഇ​ത്​ പ​രി​ഗ​ണി​ച്ചാ​ണ്​ തീ​രു​മാ​നം. വൈ​ദ്യ പ​രി​ശോ​ധ​ന ന​ട​ത്തു​ന്ന​ത്​ സം​സ്ഥാ​ന സ​ർ​വി​സി​​ലെ​യോ കേ​ന്ദ്ര സ​ർ​വി​സി​ലെ​യോ ഡോ​ക്ട​ർ​മാ​രാ​ക​ണം.

അ​വ​രു​ടെ സേ​വ​നം ല​ഭ്യ​മാ​യി​ല്ലെ​​ങ്കി​ലേ സ്വ​കാ​ര്യ മേ​ഖ​ല​യി​ൽ​നി​ന്നു​ള്ള ര​ജി​സ്​​ട്രേ​ഡ്​ ഡോ​ക്ട​ർ​മാ​രു​ടെ സേ​വ​നം ഉ​പ​യോ​ഗി​ക്കാ​വൂ. സ്ത്രീ​യെ​ങ്കി​ൽ കേ​ന്ദ്ര-​സം​സ്ഥാ​ന സ​ർ​ക്കാ​ർ സേ​വ​ന​ത്തി​ലു​ള്ള വ​നി​താ മെ​ഡി​ക്ക​ൽ ഓ​ഫി​സ​റോ അ​വ​രു​ടെ മേ​ൽ​നോ​ട്ട​ത്തി​ലോ വൈ​ദ്യ പ​രി​ശോ​ധ​ന ന​ട​ത്ത​ണം. അ​വ​രു​ടെ അ​ഭാ​വ​ത്തി​ൽ മാ​ത്രം സ്വ​കാ​ര്യ ആ​ശു​പ​ത്രി​ക​ളി​ലെ വ​നി​താ മെ​ഡി​ക്ക​ൽ ഓ​ഫി​സ​റെ സ​മീ​പി​ക്കാം.

അ​റ​സ്റ്റി​ലാ​യ വ്യ​ക്തി​യു​ടെ വൈ​ദ്യ പ​രി​ശോ​ധ​ന റി​പ്പോ​ർ​ട്ട് നി​ർ​ദി​ഷ്ട മാ​തൃ​ക​യി​ൽ ത​യാ​റാ​ക്ക​ണം. 24 മ​ണി​ക്കൂ​റി​ന​കം മ​ജി​സ്ട്രേ​റ്റി​നു മു​ന്നി​ൽ ഹാ​ജ​രാ​ക്കേ​ണ്ട​തി​നാ​ൽ ഒ.​പി രോ​ഗി​ക​ൾ​ക്കി​ട​യി​ൽ കാ​ത്തു​നി​ൽ​ക്കേ​ണ്ട സാ​ഹ​ച​ര്യ​മൊ​ഴി​വാ​ക്ക​ണം. മു​റി​വു​ക​ളോ അ​ക്ര​മ​ത്തി​ന്‍റെ അ​ട​യാ​ള​ങ്ങ​ളോ ഉ​ണ്ടെ​ങ്കി​ൽ ഏ​ക​ദേ​ശ സ​മ​യം രേ​ഖ​പ്പെ​ടു​ത്തി മെ​ഡി​ക്ക​ൽ എ​ക്സാ​മി​നേ​ഷ​ൻ റി​പ്പോ​ർ​ട്ട് ത​യാ​റാ​ക്ക​ണം.

പൊ​ലീ​സ് ക​സ്റ്റ​ഡി​യി​ലി​രി​ക്കെ, പീ​ഡ​ന​ങ്ങ​ളോ ശാ​രീ​രി​ക അ​ക്ര​മ​ങ്ങ​ളോ ഉ​ണ്ടാ​യെ​ങ്കി​ൽ വി​വ​ര​ങ്ങ​ൾ അ​റ​സ്റ്റി​ലാ​യ വ്യ​ക്തി​യോ​ട് ചോ​ദി​ച്ച് മെ​ഡി​ക്ക​ൽ ഓ​ഫി​സ​ർ രേ​ഖ​പ്പെ​ടു​ത്ത​ണം. നി​ല​വി​ൽ അ​സു​ഖ ബാ​ധി​ത​നാ​ണോ, മു​ൻ​കാ​ല രോ​ഗ​ബാ​ധ​യു​ണ്ടോ എ​ന്നീ വി​വ​ര​ങ്ങ​ളും തേ​ട​ണം. മ​രു​ന്ന് ക​ഴി​ക്കു​ന്നു​ണ്ടെ​ങ്കി​ൽ അ​തും രേ​ഖ​പ്പെ​ടു​ത്ത​ണം. മു​റി​വു​ക​ൾ ക​ണ്ടെ​ത്താ​ൻ ശ​രീ​ര​ത്തി​ൽ സ​മ​ഗ്ര പ​രി​ശോ​ധ​ന ന​ട​ത്ത​ണം. പീ​ഡ​നം സൂ​ചി​പ്പി​ക്കു​ന്ന മു​റി​വു​ക​ൾ, സ്വ​കാ​ര്യ ഭാ​ഗ​ങ്ങ​ളി​ലെ മു​റി​വു​ക​ൾ എ​ന്നി​വ ഉ​ണ്ടോ​യെ​ന്ന്​ പ്ര​ത്യേ​കം പ​രി​ശോ​ധി​ക്ക​ണം.

ശാ​രീ​രി​ക ബ​ല​പ്ര​യോ​ഗം പോ​ലു​ള്ള അ​തി​ക്ര​മ​ങ്ങ​ളു​ടെ രീ​തി സൂ​ചി​പ്പി​ക്കു​ന്ന പ്ര​ത്യേ​ക ല​ക്ഷ​ണ​ങ്ങ​ളു​ണ്ടെ​ങ്കി​ൽ രേ​ഖ​പ്പെ​ടു​ത്ത​ണം. ഗു​രു​ത​ര പ​രി​ക്കെ​ങ്കി​ൽ ല​ഭ്യ​മാ​യ പ​രി​ശോ​ധ​ന​ക​ൾ കാ​ല​താ​മ​സം കൂ​ടാ​തെ, ന​ട​ത്താ​ൻ മെ​ഡി​ക്ക​ൽ ഓ​ഫി​സ​ർ ഉ​ത്ത​ര​വ് ന​ൽ​ക​ണം. വൈ​ദ്യ​പ​രി​ശോ​ധ​ന, ക്ലി​നി​ക്ക​ൽ പ​രി​ശോ​ധ​ന എ​ന്നി​വ സൗ​ജ​ന്യ​മാ​യി ന​ൽ​ക​ണം. ഒ​ഴി​വാ​ക്കാ​നാ​വാ​ത്ത സാ​ഹ​ച​ര്യ​ങ്ങ​ളി​ൽ സ്വ​കാ​ര്യ ലാ​ബ്​ സേ​വ​നം തേ​ടാം. തു​ക എ​ച്ച്.​എം.​സി ഫ​ണ്ടി​ൽ​നി​ന്ന്​ ക​ണ്ടെ​ത്ത​ണം.