മെഡിക്കൽ വിദ്യാർഥികളെ ഒഴുക്കിൽപെട്ട് കാണാതായി

ഒറ്റപ്പാലം: രണ്ട് മെഡിക്കൽ വിദ്യാർഥികളെ ഭാരതപ്പുഴയിലെ മാന്നനൂർ തടയണക്ക് സമീപം ഒഴുക്കിൽപ്പെട്ട് കാണാതായി. വാണിയംകുളം പി.കെ. ദാസ് ആശുപത്രിയിലെ നാലാം വർഷ എം.ബി.ബി.എസ് വിദ്യാർത്ഥികളായ ആലപ്പുഴ സ്വദേശി ഗൗതം, ചേലക്കര സ്വദേശി മാത്യു എന്നിവരാണ് ഒഴുക്കിൽപെട്ടത്.ഞായറാഴ്​ച വൈകുന്നേരം അഞ്ചരയോടെയാണ് സംഭവം.

ഒഴിവ് ദിവസമായതിനാൽ ഇവർ ഉൾപ്പടെ ഏഴംഗ സംഘമാണ് പുഴയിലെത്തിയത്. ഇതിനിടെ ഒഴുക്കിൽപ്പെട്ട മാത്യുവിനെ രക്ഷിക്കാനുള്ള ശ്രമത്തിനിടയിലാണ് ഗൗതം ഒഴുക്കിൽപെട്ടത്. ഒറ്റപ്പാലം പൊലീസും ഷൊർണൂരിൽ നിന്നുള്ള ഫയർഫോഴ്‌സും തെരച്ചിൽ നടത്തിയെങ്കിലും രാത്രിയായതിനാൽ തെരച്ചിൽ നിർത്തി.