ദുബൈയിൽനിന്ന് മടങ്ങിയ മാധ്യമപ്രവർത്തകരുടെ സംഗമം നാളെ

കൊച്ചി: ദുബൈയിലെ വിവിധ മാധ്യമങ്ങളിൽ പ്രവർത്തിച്ച് നാട്ടിലേക്ക് മടങ്ങിയ മാധ്യമപ്രവർത്തകരുടെ സംഗമം തിങ്കളാഴ്ച രാവിലെ 11ന് എറണാകുളം നോർത്തിലെ പ്രസിഡൻസി ഹോട്ടലിൽ നടക്കും. മന്ത്രി പി. രാജീവ് ഉദ്ഘാടനം ചെയ്യും. മുതിർന്ന മാധ്യമപ്രവർത്തകൻ ഡോ. സെബാസ്റ്റ്യൻ പോൾ മുഖ്യാതിഥിയാകും. മാധ്യമപ്രവർത്തകനും സിനിമാതാരവുമായ ജോയ് മാത്യു സെമിനാർ ഉദ്ഘാടനം ചെയ്യും. എറണാകുളം പ്രസ് ക്ലബ് പ്രസിഡന്റ് എം.ആർ. ഹരികുമാർ പങ്കെടുക്കും.

വിവിധ വർഷങ്ങളിൽ ദുബൈയിലെ മാധ്യമരംഗത്ത് പ്രവർത്തിച്ച ശേഷം നാട്ടിലേക്ക് മടങ്ങിയ മുതിർന്ന മാധ്യമപ്രവർത്തകരും ഇപ്പോൾ നാട്ടിലെ വിവിധ മാധ്യമങ്ങളിൽ പ്രവർത്തിക്കുന്നവരും ഉൾപ്പെടെയുള്ളവർ സംഗമത്തിൽ പങ്കെടുക്കും.