മേഘഗർജനം സന്നിവേശിപ്പിച്ച മേഘനാഥൻ

ഷൊ​ർ​ണൂ​ർ: വി​ല്ല​ന്റെ ചി​രി​യി​ൽ മേ​ഘ​വി​സ്ഫോ​ട​ന​ത്തി​ന്റെ ഗാം​ഭീ​ര്യ​മാ​ർ​ന്ന ഗ​ർ​ജ​നം തീ​ർ​ത്താ​ണ് ഷൊ​ർ​ണൂ​രി​ന്റെ പ്രി​യ ന​ട​ൻ മേ​ഘ​നാ​ഥ​ൻ അ​ര​ങ്ങൊ​ഴി​ഞ്ഞ​ത്. പ​ഴ​യ​കാ​ല സി​നി​മ​ക​ളി​ൽ വി​ല്ല​ൻ​വേ​ഷ​ങ്ങ​ളി​ൽ ക​ത്തി​നി​ൽ​ക്കു​ക​യും ‘ഓ​പ്പോ​ൾ’ എ​ന്ന ഒ​റ്റ സി​നി​മ​യി​ൽ സ്വ​ഭാ​വ​ന​ട​ന്റെ സ​ക​ല സാ​ധ്യ​ത​ക​ളും പു​റ​ത്തെ​ടു​ത്ത് പ്രേ​ക്ഷ​ക​രെ വി​സ്മ​യി​പ്പി​ക്കു​ക​യും ചെ​യ്ത ബാ​ല​ൻ കെ. ​നാ​യ​രു​ടെ മ​ക​നാ​ണ് മേ​ഘ​നാ​ഥ​ൻ. പി​താ​വി​നെ പി​ൻ​പ​റ്റി അ​ഭ്ര​പാ​ളി​യി​ലെ​ത്തി​യ മേ​ഘ​നാ​ഥ​നെ തേ​ടി​യും വി​ല്ല​ൻ​വേ​ഷ​ങ്ങ​ളാ​ണെ​ത്തി​യ​ത്. കി​ട്ടി​യ വേ​ഷ​ങ്ങ​ളെ​യെ​ല്ലാം സ്വ​തഃ​സി​ദ്ധ​മാ​യ അ​ഭി​ന​യ ശൈ​ലി​യി​ലൂ​ടെ അ​ദ്ദേ​ഹം അ​ന​ശ്വ​ര​മാ​ക്കി.

‘ഈ ​പു​ഴ​യും ക​ട​ന്ന്’ എ​ന്ന സി​നി​മ​യി​ൽ നാ​ലു സീ​നു​ക​ളി​ൽ മാ​ത്ര​മേ താ​ൻ അ​ഭി​ന​യി​ച്ചി​ട്ടു​ള്ളൂ​വെ​ന്ന് മേ​ഘ​നാ​ഥ​ൻ വെ​ളി​പ്പെ​ടു​ത്തു​മ്പോ​ൾ മാ​ത്ര​മാ​ണ് പ്രേ​ക്ഷ​ക​രും അ​ത് ശ്ര​ദ്ധി​ച്ച​ത്. കേ​വ​ലം നാ​ലു സീ​നു​ക​ൾ​കൊ​ണ്ട് ഒ​രു സി​നി​മ​യി​ലു​ട​നീ​ളം അ​ദ്ദേ​ഹം നി​റ​ഞ്ഞു​നി​ന്നു. ചെ​റി​യ റോ​ളി​ലെ​ത്തി​യാ​ൽ​പോ​ലും ക​ഥാ​പാ​ത്ര​ത്തെ പ്രേ​ക്ഷ​ക​മ​ന​സ്സു​ക​ളി​ലേ​ക്ക് സ​ന്നി​വേ​ശി​പ്പി​ക്കാ​ൻ അ​ദ്ദേ​ഹ​ത്തി​ന് ക​ഴി​യു​മാ​യി​രു​ന്നു.

‘ആ​ക്ഷ​ൻ ഹീ​റോ ബി​ജു’ എ​ന്ന സി​നി​മ​യി​ലെ ക​ഥാ​പാ​ത്രം മാ​ത്രം മ​തി മേ​ഘ​നാ​ഥ​നി​ലെ അ​ഭി​ന​യ​പാ​ട​വം ക​ണ്ടെ​ടു​ക്കാ​ൻ. ന​ട​നെ​ന്ന​തി​ലു​പ​രി ന​ല്ലൊ​രു ക​ർ​ഷ​ക​ൻ​കൂ​ടി​യാ​യി​രു​ന്നു അ​ദ്ദേ​ഹം. പു​തു​ത​ല​മു​റ​ക്ക് അ​ന്യ​മാ​യ ക​ന്നു​പൂ​ട്ട​ൽ വ​രെ അ​ദ്ദേ​ഹം ചെ​യ്യു​മാ​യി​രു​ന്നു. പാ​ട​ത്ത് പ​ണി​ക്കാ​ർ​ക്കൊ​പ്പം ചേ​റി​ൽ പു​ര​ളാ​ൻ മ​ടി​യി​ല്ലാ​യി​രു​ന്നു.

സി​നി​മാ​ന​ട​ന്റെ ത​ല​ക്ക​ന​മി​ല്ലാ​തെ നാ​ട്ടു​വ​ഴി​യി​ലൂ​ടെ ന​ട​ന്ന ന​ട​ന് അ​ന്ത്യ​യാ​ത്ര​യേ​കാ​ൻ നി​ര​വ​ധി പേ​രെ​ത്തി. തേ​ങ്ങി​ക്ക​ര​ഞ്ഞും വി​ങ്ങി​പ്പൊ​ട്ടി​യും ത​ങ്ങ​ളു​ടെ സ്വ​കാ​ര്യ അ​ഹ​ങ്കാ​ര​മാ​യി​രു​ന്ന പ്രി​യ ന​ട​നെ അ​വ​ർ യാ​ത്ര​യാ​ക്കി. മാ​സ​ങ്ങ​ൾ​ക്കു മു​മ്പു​ണ്ടാ​യ ഇ​ള​യ മ​ക​ൻ അ​ജ​യ്കു​മാ​റി​ന്റെ വി​യോ​ഗ​ദുഃ​ഖം വി​ട്ടു​മാ​റും​മു​മ്പേ ര​ണ്ടാ​മ​ത്തെ ആ​ൺ​ത​രി​യും വി​ട്ട​ക​ന്ന​തി​ന് സാ​ക്ഷി​യാ​യ ശാ​ര​ദ ബാ​ല​ൻ കെ. ​നാ​യ​രെ​ന്ന മാ​താ​വി​നെ ക​ണ്ടു​നി​ൽ​ക്കാ​നും പ​ല​ർ​ക്കു​മാ​യി​ല്ല.