കാതിൽ പെയ്തൊഴിയാത്ത മേളപ്പെരുമഴ: സപ്തതി നിറവിൽ കുട്ടൻ മാരാർ

തൃ​ശൂ​ർ: പൂ​ര​പ്പ​റ​മ്പി​ൽ പെ​യ്തു​തീ​രാ​ത്ത മേ​ള​പ്പെ​രു​മ​ഴ, ചെ​ണ്ട​യി​ൽ കോ​ൽ​വീ​ഴ്ത്തി മൂ​ന്ന് മ​ണി​ക്കൂ​ർ ആ​ളാ​ര​വ​ത്തി​ന്‍റെ ഊ​ർ​ജം അ​ണു​വി​ട ചോ​രാ​തെ നി​ർ​ത്തു​ന്ന മാ​സ്മ​രി​ക മേ​ളം, ആ ​ക​ല​യി​ലെ പെ​രു​വ​നം പെ​രു​മ​യാ​യ കു​ട്ട​ൻ മാ​രാ​ർ ഇ​ന്ന് സ​പ്ത​തി നി​റ​വി​ൽ. ഇ​ല​ഞ്ഞി​ത്ത​റ മേ​ളം കൊ​ട്ടി​യൊ​ഴി​ഞ്ഞ് വി​യ​ർ​ത്തൊ​ട്ടി പു​ഞ്ചി​രി​യോ​ടെ കൈ​കൂ​പ്പു​ന്ന അ​തേ നി​ർ​വൃ​തി​യി​ൽ കാ​ല​ത്തി​നോ​ട് ന​ന്ദി​പ​റ​യു​ക​യാ​ണ് പെ​രു​വ​നം കു​ട്ട​ൻ മാ​രാ​ർ.

27ാം വ​യ​സ്സി​ൽ ആ​യി​ര​ത്താ​ണ്ടു​ക​ളു​ടെ പെ​രു​മ പേ​റു​ന്ന പെ​രു​വ​നം പൂ​ര​ത്തി​ന് ആ​ദ്യ​മാ​യി പ്രാ​മാ​ണി​ത്തം വ​ഹി​ച്ച അ​ന്നു​മു​ത​ൽ ഇ​ന്നു​വ​രെ കൊ​ട്ടി​യ മേ​ള​ങ്ങ​ളെ​ല്ലാം കെ​ങ്കേ​മം. മേ​ള​ഗ​രി​മ​യു​ടെ കൊ​ടി​യ​ട​യാ​ള​മാ​യ പെ​രു​വ​നം ഗ്രാ​മ​ത്തി​ന്‍റെ പെ​രു​മ കു​ട്ട​ൻ മാ​രാ​രി​ലൂ​ടെ ഉ​യ​ർ​ന്നു​ത​ന്നെ നി​ൽ​ക്കു​ന്നു. തൃ​ക്കൂ​ർ മാ​ക്കോ​ത്ത് ഗൗ​രി മാ​ര​സ്യാ​രു​ടെ​യും മേ​ള​ക​ലാ​നി​ധി പെ​രു​വ​നം അ​പ്പു മാ​രാ​രു​ടെ​യും മ​ക​നാ​യി 1953 ന​വം​ബ​ർ 23നാ​ണ് കു​ട്ട​ൻ മാ​രാ​രു​ടെ ജ​ന​നം. അ​ച്ഛ​ൻ ത​ന്നെ ആ​ദ്യ ഗു​രു​വു​മാ​യി. കു​മ​ര​പു​രം അ​പ്പു മാ​രാ​രി​ൽ​നി​ന്ന് താ​യ​മ്പ​ക പ​ഠി​ച്ചു. 1968ൽ ​ചേ​ർ​പ്പ് പൂ​ര​ത്തി​നാ​ണ് ആ​ദ്യ​മാ​യി അ​ച്ഛ​നൊ​പ്പം മേ​ള​ത്തി​ന് ഇ​റ​ങ്ങി​യ​ത്.

1982ൽ ​ഗു​രു​വാ​യൂ​ർ ദ​ശ​മി വി​ള​ക്ക് മേ​ള​ത്തി​നാ​ണ് ആ​ദ്യ​മാ​യി പ്രാ​മാ​ണി​ത്തം വ​ഹി​ച്ച​ത്. 1977 മു​ത​ൽ തൃ​ശൂ​ർ പൂ​ര​ത്തി​ൽ പാ​റ​മേ​ക്കാ​വ് വി​ഭാ​ഗം ഒ​രു​ക്കു​ന്ന ഇ​ല​ഞ്ഞി​ത്ത​റ​മേ​ള​ത്തി​ന്‍റെ പ്ര​മാ​ണി​യാ​ണ്. 24 വ​ർ​ഷം ഇ​ല​ഞ്ഞി​ത്ത​റ​യി​ലെ​ത്തു​ന്ന ജ​ന​സ​ഞ്ച​യ​ത്തെ ത​ന്‍റെ പ്രാ​മാ​ണി​ത്ത​ത്തി​ന്‍റെ പ്രൗ​ഢി​യി​ൽ വി​സ്മ​യി​പ്പി​ച്ച ച​രി​ത്രം കു​ട്ട​ൻ മാ​രാ​ർ​ക്ക് മാ​ത്രം സ്വ​ന്തം. പേ​രു​കേ​ട്ട മേ​ള​ങ്ങ​ൾ​ക്ക് പ്രാ​മാ​ണി​ത്തം വ​ഹി​ക്കാ​ൻ ക​ഴി​ഞ്ഞ അ​പൂ​ർ​വ ഭാ​ഗ്യ​വും അ​ദ്ദേ​ഹ​ത്തി​നു​ണ്ട്.

ചു​റ്റു​വ​ട്ട​ത്ത് മേ​ളം മു​റു​കു​മ്പോ​ൾ പെ​രു​വ​ന​ത്തി​ന്‍റെ മേ​ള​മാ​ണെ​ങ്കി​ൽ തെ​ല്ലി​ട​നി​ന്ന് താ​ള​മി​ടാ​ത്ത​വ​ർ തൃ​ശൂ​രി​ന്‍റെ ചു​റ്റു​വ​ട്ട​ത്തു​ണ്ടാ​കി​ല്ല. 2011ൽ ​പ​ത്മ​ശ്രീ ബ​ഹു​മ​തി​യും 2019ൽ ​സം​ഗീ​ത​നാ​ട​ക അ​ക്കാ​ദ​മി അ​വാ​ർ​ഡും കു​ട്ട​ൻ മാ​രാ​രെ തേ​ടി​യെ​ത്തി. പി​റ​ന്നാ​ൾ ദി​ന​ത്തി​ൽ തൃ​പ്പൂ​ണി​ത്തു​റ ശ്രീ​പൂ​ർ​ണ​ത്ര​യീ​ശ ക്ഷേ​ത്ര​ത്തി​ൽ കൊ​ട്ടി​ക്ക​യ​റ്റം പ​തി​വാ​ണ്. ഇ​ക്കു​റി​യും അ​തു​ണ്ടാ​കും.

വാ​ദ്യ​ക​ല​യു​ടെ സ്നേ​ഹ​സം​ഗ​മ​മാ​യി അ​ദ്ദേ​ഹ​ത്തി​ന്‍റെ വ​സ​ന്ത സ​പ്ത​തി​യെ കൊ​ണ്ടാ​ടു​ക​യാ​ണ് ചേ​ർ​പ്പ് ഗ്രാ​മം. പ​ഞ്ചാ​രി​മേ​ള​വും നാ​ദ​സ്വ​ര​ക്ക​ച്ചേ​രി​യും താ​യ​മ്പ​ക​യു​മെ​ല്ലാം ഇ​വി​ടെ ആ​സ്വ​ദി​ക്കാം. ചേ​ർ​പ്പ് മ​ഹാ​ത്മ മൈ ​താ​ന​ത്ത് ഡ്രം​സ് മാ​ന്ത്രി​ക​നാ​യ ശി​വ​മ​ണി​യും റ​സൂ​ൽ പൂ​ക്കു​ട്ടി​യും റി​യാ​സ് കോ​മു​വും മ​ട്ട​ന്നൂ​ർ ശ​ങ്ക​ര​ൻ​കു​ട്ടി​യും കു​ട്ട​ൻ മാ​രാ​രെ ആ​ദ​രി​ക്കാ​ൻ ഇ​ന്ന് എ​ത്തു​ന്നു​ണ്ട്.