കൈ​ക്കൂ​ലി കേ​സ്: രണ്ട് ജീവനക്കാരെ സെക്​ഷൻ മാറ്റി

കോ​ട്ട​യം: എം.​ജി സ​ര്‍വ​ക​ലാ​ശാ​ല ജീ​വ​ന​ക്കാ​രി കൈ​ക്കൂ​ലി കേ​സി​ല്‍ അ​റ​സ്റ്റി​ലാ​യ കേ​സി​ല്‍ ര​ണ്ട് ജീ​വ​ന​ക്കാ​രെ സെ​ക്​​ഷ​ൻ മാ​റ്റി. എം.​ബി.​എ വ​കു​പ്പി​ലെ സെ​ക്​​ഷ​ൻ ഓ​ഫി​സ​റെ​യും അ​സി. ര​ജി​സ്ട്രാ​റെ​യു​മാ​ണ്​ സെ​ക്​​ഷ​ൻ മാ​റ്റി​യ​ത്. കേ​സി​ല്‍ അ​ന്വേ​ഷ​ണ​വും തെ​ളി​വെ​ടു​പ്പും ന​ട​ക്കു​ന്ന സാ​ഹ​ച​ര്യ​ത്തി​ലാ​ണ് മാ​റ്റ​മെ​ന്ന്​ വി.​സി പ്ര​ഫ. സാ​ബു തോ​മ​സ്​ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.

അ​റ​സ്റ്റി​ലാ​യ ജീ​വ​ന​ക്കാ​രി​യു​ടെ നി​യ​മ​ന​ത്തി​ല്‍ വീ​ഴ്ച​യി​ല്ല. അ​ന്വേ​ഷ​ണ​ത്തി​ന് നി​യോ​ഗി​ച്ച നാ​ലം​ഗ സ​മി​തി​യോ​ട്​ ഏ​ഴ് ദി​വ​സ​ത്തി​ന​കം റി​പ്പോ​ര്‍ട്ട് ന​ല്‍കാ​ൻ നി​ർ​ദേ​ശി​ച്ചി​ട്ടു​ണ്ട്. ജീ​വ​ന​ക്കാ​രി സി.​ജെ. എ​ൽ​സി​യെ വി​ജി​ല​ൻ​സ്​ തി​ങ്ക​ളാ​ഴ്ച എം.​ബി.​എ വ​കു​പ്പി​ലെ​ത്തി​ച്ച്​​ തെ​ളി​വെ​ടു​ത്തു. എ​ൽ​സി കൈ​കാ​ര്യം ചെ​യ്തി​രു​ന്ന ഫ​യ​ലു​ക​ളും പി​ടി​ച്ചെ​ടു​ത്തു.

പ​രാ​തി​ക്കാ​രി​യു​മാ​യു​ള്ള ഇ​വ​രു​ടെ ഫോ​ൺ സം​ഭാ​ഷ​ണ​ത്തി​ൽ വ​കു​പ്പി​ലെ മ​റ്റു​ള്ള​വ​ർ​ക്കും കൈ​ക്കൂ​ലി​പ്പ​ണം​ വീ​തി​ച്ചു​ന​ൽ​ക​ണ​മെ​ന്ന്​ പ​റ​യു​ന്നു​ണ്ട്. ഈ ​സാ​ഹ​ച​ര്യ​ത്തി​ൽ സം​ഭ​വ​ത്തി​ൽ കൂ​ടു​ത​ൽ ഉ​ദ്യോ​ഗ​സ്ഥ​ർ​ക്ക്​ പ​ങ്കു​ണ്ടോ എ​ന്നും അ​ന്വേ​ഷ​ണ​സം​ഘം പ​രി​ശോ​ധി​ക്കും.