സുരക്ഷ ഒരുക്കാതെ ഗെയിൽ പൈപ്പിടുന്നതിനെതിരെ എം.​െഎ. ഷാനവാസി​െൻറ ഹരജി

‍കൊച്ചി: ജനങ്ങളുടെ ആശങ്ക പരിഹരിക്കുംവിധം സുരക്ഷക്രമീകരണങ്ങൾ പാലിച്ചുവേണം ഗെയിൽ പൈപ്പിടൽ പദ്ധതി നടപ്പാക്കാനെന്നാവശ്യപ്പെട്ട്​ എം.​െഎ. ഷാനവാസ്​ എം.പി ഹൈകോടതിയിൽ. ജനവാസ പ്രദേശങ്ങളിലൂ​െട പൈപ്പ്​​ലൈൻ സ്​ഥാപിക്കുന്നതിനെതിരെ ഹരിതസേന സമഗ്ര കാര്‍ഷിക ഗ്രാമവികസന സമിതി നൽകിയ ഹരജിയിൽ കക്ഷിചേരാനാണ്​ എം.പി ഹരജി നൽകിയിരിക്കുന്നത്​. 

പെട്രോളിയം മിനറൽസ്​ ആൻഡ്​​ പൈപ്പ്​ലൈൻ (അക്വിസിഷൻ ഒാഫ്​ റൈറ്റ്​ ഒാഫ്​ യൂസർ ഇൻ ലാൻഡ്​​) ആക്​ട്​ 1962 പ്രകാരമാണ്​ െകാച്ചി^മംഗളൂരു ഗ്യാസ്​ ലൈൻ പദ്ധതി നടപ്പാക്കുന്നത്​. ഇൗ നിയമപ്രകാരം പൈപ്പ്​ ലൈനിടുന്നതിന്​ ഒ​േട്ടറെ സുരക്ഷ നടപടിക്രമങ്ങൾ പാലിക്കേണ്ടതുണ്ട്​. എന്നാൽ, ഇതൊന്നും പാലിക്കാതെ സ്വകാര്യഭൂമികളിൽ ബലം പ്രയോഗിച്ച്​ പൈപ്പിടുകയാണ്​ അധികൃതർ. വ്യക്​തമായ കൈയേറ്റമാണ്​ അധികൃതർ നടത്തുന്നത്​. സുരക്ഷ സംബന്ധിച്ച ജനങ്ങളുടെ ആശങ്ക പരിഹരിക്കുന്നതിനുപകരം അവർക്കുമേൽ ബലപ്ര​േയാഗം നടത്തുകയും ക്രിമിനൽ​ കേസ്​ ചുമത്തുകയുമാണ്​ ചെയ്യുന്നത്​. ജനപ്രതിനിധിയെന്ന നിലയിൽ താൻ ജനങ്ങളുടെ ആശങ്ക പലവട്ടം ഉയർത്തിക്കാട്ടിയിട്ടും നടപടിയുണ്ടായില്ല.

വ്യവസായമന്ത്രിയുടെ നേതൃത്വത്തിൽ കഴിഞ്ഞ ആറിന്​ സർവകക്ഷി യോഗം ചേർന്നിരുന്നു. എന്നാൽ, ജനങ്ങളുടെ ആശങ്ക മാറ്റാവുന്നവിധം നടപടികൾ ഉണ്ടായിട്ടില്ല. നിയമപരമായ സുരക്ഷനടപടികൾ സ്വീകരിക്കുന്നതിനുപുറമെ പൈപ്പ്​ ലൈനിടാൻ പുതിയ അലൈൻമ​െൻറ്​ ഉണ്ടാക്കുന്ന കാര്യം പരിഗണിക്കുകയും ​വേണം. നിയമപ്രകാരമുള്ള നഷ്​ടപരിഹാരവും നൽകണം. എന്നാൽ, തീരുമാനങ്ങളെന്തായാലും നിയമവിരുദ്ധ മാർഗത്തിലൂടെ ​ൈപപ്പിടുമെന്ന ഉറച്ച നിലപാടാണ്​ ഗെയിൽ സ്വീകരിച്ചിട്ടുള്ളത്​. ഇത്​ നാട്ടുകാരെ കൂടുതൽ പ്രകോപിതരാക്കുകയാണ്​. ജനങ്ങളുടെ ആശങ്കയാണ്​ അഭിഭാഷക കമീഷൻ റിപ്പോർട്ടിലൂടെ പുറത്തുവന്നത്​. ജനതാൽപര്യം സംരക്ഷിക്കാനും സർക്കാർ പദ്ധതികൾ നടപ്പാക്കാനും ഒരുപോലെ ബാധ്യസ്​ഥനാണ്​ താനെന്നും അതിനാൽ തന്നെകൂടി കക്ഷി ചേർത്തുവേണം കേസ്​ പരിഗണിക്കാ​െനന്നും ഹരജിയിൽ പറയുന്നു.